કેટરિના કૈફે માઉન્ટેન વ્યૂ સ્કૂલની મુલાકાત લીધી હતી અને તેની તસવીરો અને વિડીયો હાલ સોશ્યલ મીડિયા પર ખૂબ જ વાયરલ થઈ રહ્યા છે.
કેટરિના કૈફે માઉન્ટેન વ્યૂ સ્કૂલની મુલાકાત લીધી
અમુક તસવીરો અને વીડિયો કેય શેર
કેટરિનાએ બાળકો સાથે ખૂબ જ મસ્તી અને ડાન્સ પણ કર્યો હતો
કેટરિના કૈફે હાલમાં જ મદુરાઈમાં આવેલ માઉન્ટેન વ્યૂ સ્કૂલની મુલાકાત લીધી હતી અને ખુદ કેટરીનાએ તેના સોશિયલ મીડિયા એકાઉન્ટ પર અમુક તસવીરો અને વીડિયો શેર કરી આ વાતની જાણ કરી હતી. જણાવી દઈએ કે કેટરીના કૈફ એ સ્કૂલના સ્થાપના દિવસના અવસર પર ત્યાં પહોંચી હતી. તેને શેર કરેલ તસવીરો હાલ સોશ્યલ મીડિયા પર ખૂબ જ વાયરલ થઈ રહ્યા છે.
વાયરલ થયેલ તસવીરો અને વિડીયોમાં જોવા મળી રહ્યું છે કે તેને બાળકો સાથે ખૂબ જ મસ્તી અને ડાન્સ પણ કર્યો હતો. જણાવી દઈએ કે એ સમયે કેટરીના કૈફની માતા અને ભાઈ પણ ત્યાં હાજર હતા.તસવીરોમાં કેટરીના કૈફ સ્કૂલના બાળકો સાથે વાતચીત કરતી જોઈ શકાય છે. આ સાથે જ એ સ્કૂલના બાળકો પણ ખૂબ જ ખુશ લાગી રહ્યા હતા.
કેટરીના એ શેર કરેલ તસવીર સાથે કેપ્શનમાં લખ્યું હતું કે "ફાઉન્ડેશન ડે. શનિવારે અમે માઉન્ટેન વ્યૂ સ્કૂલમાં અમારા સંસ્થાપકના જીવનની ઉજવણી કરી. ગયા વર્ષે તેમનું નિધન થયું હતું. કેટલાક ખાસ મહેમાનોની સાથે સાથે શિક્ષકો અને બાળકોની પ્રસ્તુતિઓએ ફાઉન્ડેશન ડેને ખૂબ જ ખાસ બનાવ્યું હતું."
આ સાથે જ આગળ તેને લખ્યું હતું કે, ' અમે ત્રણ નવા ક્લાસનું પણ ઉદ્ઘાટન કર્યું છે અને એ માટે દાનકર્તાઓના દાન માટે આભાર. આ સ્કૂલમાં મારી માતાનું અદ્ભુત કામ જોઈને મને ગર્વ થાય છે અને મારો ભાઈ સેબેસ્ટિન પણ શાળાના દરેક કામમાં તેની મદદ કરે છે.'