બોલિવૂડ એક્ટ્રેસ કરીના કપૂર ખાન આજે પોતાનો 40મો બર્થડે સેલિબ્રેટ કરી રહી છે. આ અવસર પર ફેન્સ તેને ખૂબ અભિનંદન પાઠવી રહ્યાં છે. કરીનાએ તેનો બર્થડે પરિવાર સાથે ખૂબ જ શાનદાર રીતે સેલિબ્રેટ કર્યો. તેના બર્થડે સેલિબ્રેશનથી જોડાયેલા વીડિયો અને ફોટોઝ પણ સોશિયલ મીડિયા પર ખૂબ જ વાયરલ થઈ રહ્યાં છે. જેમાં કરીના તેના આખા પરિવાર સાથે જોવા મળી રહી છે.
કરિશ્મા કપૂરે પણ તેના ઈન્સ્ટાગ્રામ એકાઉન્ટથી કરીના કપૂરની કેટલીક તસવીરો શેર કરી છે. જેમાં બેબો કેક કટ કરતી જોવા મળી રહી છે. ખાસ વાત એ છે કે તેની કેક પણ એવી આવી જેના પર 40 લખેલું હતું. આ સાથે જ કેક પર એક ડોલ પણ બનેલી હતી. એક તસવીરમાં કરીના સૈફ, કરિશ્મા, રણધીર અને બબીતા સાથે જોવા મળી રહી છે. આ તસવીરો શેર કરતા કરિશ્માએ લખ્યું-બર્થડે ગર્લ. કરિશ્માએ શેર કરેલી તસવીરો પર ફેન્સ ખૂબ જ કમેન્ટ્સ કરી રહ્યાં છે.
આ સિવાય કરીનાનો બલૂન્સ સાથેનો એક વીડિયો પર ખૂબ જ વાયરલ થઈ રહ્યો છે. જેમાં એક્ટ્રેસ ઘણાં બધાં બલૂન્સ સાથે ઊભી જોવા મળી રહી છે. કરીનાના વર્કફ્રંટની વાત કરીએ તો તે ટૂંક સમયમાં ફિલ્મ લાલ સિંહ ચઢ્ઢામાં આમિર ખાન સાથે જોવા મળશે. મીડિયા રિપોર્ટ્સ મુજબ કરીના અને આમિરની આ ફિલ્મ 2021માં ક્રિસમસ પર રિલીઝ થશે. આ સિવાય કરીના અને સૈફ ફરી પેરેન્ટ્સ બનવાના છે.