- જોર દાર અંગ્રેજી બોલતો જોવા મળ્યો કપિલ શર્મા
- સોશિયલ મીડિયા પર વાયરલ થયો વીડિયો
- લોકો કહી રહ્યો છે તેને 'ઈંગ્લિશ મેન'
ટીવીથી લઈને બોલિવૂડ ઈન્ડસ્ટ્રીમાં અનેક કોમેડિયનોએ પોતાની ઓળખ બનાવી છે. પરંતુ કપિલ શર્મા જેવી લોકપ્રિયતા કોઈને મળી નથી. કપિલ હંમેશા તેના જબરદસ્ત કોમિક ટાઈમિંગથી લોકોને હસાવવામાં સફળ રહ્યો છે. તેના ફેન્સ જાણે છે કે પંજાબી મુંડા કપિલનું અંગ્રેજી બહુ સારું નથી. જો કે એવું લાગે છે કે કપિલ કેનેડા જઈને અંગ્રેજ બની ગયો છે. જી હા! આ અમે નહીં, પરંતુ કપિલ શર્માનો લેટેસ્ટ વીડિયો કહી રહ્યો છે.
કપિલે શેર કર્યો વીડિયો
હકીકતે કોમેડિયન કપિલ શર્માએ તેના ઇન્સ્ટા એકાઉન્ટ પર એક વિડિયો શેર કર્યો છે, જેમાં કપિલ શાનદાર અંગ્રેજી બોલતો જોઈ શકાય છે. વીડિયોમાં કપિલ કહે છે, “ભાઈ, અમે અહીં મુલાકાત કરવા આવ્યા છીએ. આજે કેનેડા ડે છે. એટલે અમે વિચાર્યું, ચાલો ખુલ્લી જીપમાં બેસીને નીકળીએ. અહીં શું થઈ રહ્યું છે તે હું તમને બતાવીશ. વરસાદ પડી રહ્યો છે અને મારી જીપ હમણાં કચડાઈ જાત."
આ પછી જ્યારે રાજીવ ઠાકુર પણ તૂટેલા-ફૂટેલા અંગ્રેજીમાં કહે છે કે ડ્રાઈવરે પણ જીપ ખુલ્લી છોડી દીધી હતી. ત્યારે કપિલ શર્મા તેની જોરદાર અંગ્રેજી બોલીને તેને સુધારે છે અને કહે છે, "ઓપન જીપ ખુલ્લી જ હોય છે ભાઈ, તને અંગ્રેજી આવડતું નથી ભાઈ." આ વીડિયો શેર કરતાં કપિલ શર્માએ લખ્યું કે, "ટોરોન્ટોમાં ખૂબ જ અંગ્રેજી".
સેલેબ્સ કરી રહ્યા છે કમેન્ટ્સ
તેના આ વીડિયોને માત્ર ચાહકો જ નહીં પરંતુ સેલિબ્રિટીઝ પણ પસંદ કરી રહ્યા છે. અર્ચના પુરણ સિંહના પતિ પરમીત સેઠીએ તો ત્યાં સુધી કહ્યું હતું કે, જો તમે આટલું અંગ્રેજી બોલશો તો કેનેડિયન તમને તેમની સાથે રાખી લેશે. ત્યાં જ ટાઇગર શ્રોફે હસતા ઈમોજી શેર કર્યા છે. તમને જણાવી દઈએ કે આ હાલ કપિલ શર્મા 'ધ કપિલ શર્મા શો'ની ટીમ સાથે કેનેડાના ટોરોન્ટોમાં છે.
