Viral / આમિર ખાનના તલાક પર પંગા ક્વિન કંગના રનૌતે ઉઠાવ્યો એવો મોટો સવાલ કે જાણીને હચમચી જશો

• આમિર ખાન અને કિરણ રાવના ડિવોર્સના સમાચારથી તેમના ફેન્સ આઘાતમાં
• બંનેએ પોતાના 15 વર્ષના લગ્ન જીવનનો અંત લાવી દીધો
• પંગા ક્વિન કંગના રનૌતે આ અંગે પોતાની પ્રતિક્રિયા આપી 

આ અંગે પ્રતિક્રિયા આપતા બોલિવૂડ અભિનેત્રી કંગના રનૌતે પોતાના ઈન્સ્ટાગ્રામ પર સ્ટોરીમાં આંતરધર્મ લગ્ન અને બાળકોના ઉછેર અંગે વાત કહી છે. કંગના આ પહેલાં પણ આમિર વિશે બોલતી રહી છે. તમને જણાવી દઈએ કે કંગના તેના બેબાક નિવેદનોને કારણે હમેશાં ચર્ચામાં રહે છે. તે લગભગ દરેક મુદ્દાઓ પર ખુલીને પોતાનો મત રજૂ કરે છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Aamir Khan (@amirkhanactor_)

કંગનાએ પોતાની ઈન્સ્ટા સ્ટોરીમાં લખ્યું- એક સમયે પંજાબમાં ઘણાં પરિવારોએ એક દિકરાનો હિંદુ તરીકે અને બીજાનો શિખ તરીકે ઉછેર કર્યો હતો. આવો ટ્રેન્ડ ક્યારેય હિંદુ અને મુસ્લિમ કે પછી શિખ અથવા મુસ્લિમ અથવા મુસ્લિમ સાથે કોઈપણ ધર્મના લગ્નમાં જોવા મળતો નથી. આમિર ખાન સરના બીજા ડિવોર્સ અંગે વાત કરીએ તો  મને આશ્ચર્ય છે કે આંતર ધર્મ લગ્નમાં શા માટે બાળકો ફક્ત મુસ્લિમ જ બને છે. મા કેમ હિંદુ બનીને રહેતી નથી? બદલાતા સમય સાથે આપણે આ બદલવાની જરૂર છે. આ ચલણ આપણને પાછળ ધકેલે છે. જો એક પરિવારમાં હિન્દુ, જૈન, બૌદ્ધ, શિખ, રાધાસ્વામી અને નાસ્તિક એક સાથે રહી શકે છે તો પછી મુસ્લિમ શા માટે નહીં? શા માટે કોઈએ મુસ્લિમ સાથે લગ્ન કરવા માટે પોતાનો ધર્મ બદલવો પડે છે?

ડિવોર્સની જાહેરાત કરતા આમિર ખાન અને કિરણ રાવે જણાવ્યું હતું કે તેઓ એકસાથે મળીને તેના દિકરા આઝાદનો ઉછેર કરતા રહેશે. આમિર અને કિરણે પોતાના નિવેદનમાં જણાવ્યું હતું કે, હવે અમે અમારા જીવનના નવા અધ્યાયની શરૂઆત કરીશું, અમે હવે પતિ-પત્ની નહીં , પરંતુ માતા-પિતા તરીકે અને પરિવાર તરીકે રહીશું. અમે થોંડા સમય અગાઉ અલગ થવાનું આયોજન કર્યું હતું. હવે અમે તેની જાહેરાત કરી છે. અમે અલગ અલગ રહેવા છતાં જીવનને એક પરિવારની જેમ શેર કર્યું છે. અમે અમારા દિકરા આઝાદ માટે એક સમર્પિત પેરેન્ટ્સ છીએ. જેનો ઉછેર અમે બંને સાથે મળીને કરીશું.

તમને જણાવી દઈએ કે, કિરણ રાવ આમિર ખાનની સુપરહિટ ફિલ્મ લગાનમાં આસિસ્ટન્ટ ડાયરેક્ટર હતી. આ દરમિયાન બંને વચ્ચે વાતચીત થઈ હતી અને આગળ જતા તેમણે 2005માં લગ્ન કર્યા હતા. 2011માં તેઓ સરોગસી દ્વારા પુત્ર આઝાદના માતા-પિતા બન્યા હતા.