અમેરિકાની જાણીતી સિંગર કેલી શોર (Kalie Shorr) હાલમાં જ કોરોના વાયરસ પોઝિટિવ આવી હતી. તેણે થોડાં સમય પહેલાં જ તેની હાલત વિશે સોશિયલ મીડિયા પર જાણકારી આપી હતી. ચોંકાવનારી વાત એ છે કે, સિંગરે કોરોનાગ્રસ્ત હોવાથી થતી તકલીફો વિશે પણ જણાવ્યું છે. તેણે કહ્યું, જીવનમાં ઘણાં પ્રકારની પરેશાનીઓ આવી પરંતુ તેને આવું ક્યારેય ફીલ નથી થયું. આ ચેપ ખૂબ જ ભયાનક છે.
સિંગરે લખ્યું, મેં પોતાની જાતને 3 સપ્તાહ માટે ક્વોરંટાઈનમાં રાખી છે. માત્ર 2 કે 3વાર જ આ દરમિયાન ગ્રોસરીનો સામાન લેવા હું ઘરની બહાર નીકળી હોઈશ, તેમ છતાં હું કોરોના વાયરસના ભયાનક સંક્રમણથી બચી શકી નહીં. હું આ વાયરસની ચપેટમાં આવી ગઈ અને મને પહેલીવાર એવું લાગ્યું કે મારો જીવ જોખમમાં છે. હવે જ્યારે લોકો આ બીમારીને ગંભીરતાથી નથી લઈ રહ્યાં ત્યારે આ જોઈને મારું મગજ ખરાબ થઈ રહ્યું છે.
Despite being quarantined (except for a handful of trips for groceries) for three weeks, I managed to contract COVID 19. I'm feeling significantly better, but it's proof how dangerous and contagious this is. It's endlessly frustrating to see people not taking this seriously.
કોરોના વાયરસથી ઉગરવા વિશે કેલીએ કહ્યું, હવે મારી સ્થિતિમાં પહેલાં કરતાં સુધાર છે, પરંતુ આ બીમારીના શરૂઆતના દિવસો મારા માટે ખૂબ જ મુશ્કેલ હતા. મેં આખી લાઈફમાં ક્યારેય આવા દિવસો જોયા નથી. મારા આખા શરીરમાં ભયાનક દુખાવો થતો હતો. મને તેજ તાવ હતો. મારી સૂંઘવાની ક્ષમતા ખતમ થઈ ગઈ હતી. મને સમજાતું નહોતું કે આસપાસ કેવા પ્રકારની સ્મેલ છે. મારી જીભનો ટેસ્ટ પણ જતો રહ્યો હતો. હું સંપૂર્ણ રીતે ભૂલી ગઈ હતી કે સ્વાદ શું હોય છે.
Despite being quarantined (except for a handful of trips for groceries) for three weeks, I managed to contract COVID 19. I'm feeling significantly better, but it's proof how dangerous and contagious this is. It's endlessly frustrating to see people not taking this seriously.
આ પહેલાં ફેબ્રુઆરીમાં હોલિવૂડ સ્ટાર ટોમ હેંક્સ અને તેમની પત્ની રીટા વિલ્સન કોરોના પોઝિટિવ હોવાની પુષ્ટિ થઈ હતી. હેંક્સે કહ્યું કે, તેઓ અને તેમની સિંગર પત્ની રીટા વિલ્સન ઓસ્ટ્રેલિયામાં અલગ-અલગ રહ્યા બાદ અમેરિકા આવી ગયા છે. ઓસ્કર વિજેતા અભિનેતાએ શનિવારે ટ્વિટમાં કહ્યું હતું કે, હવે અમે ઘરે પાછા આવી ગયા છે અને અન્ય લોકોની જેમ અમે પણ સોશિયલ ડિસ્ટન્સિંગમાં રહી રહ્યાં છે.