અમેરિકા / સીરિયલ બ્લાસ્ટમાં સૈનિકોના મોત પર અમેરિકાએ શોક વ્યક્ત કર્યો, વ્હાઈટ હાઉસ પર ધ્વજ અડધી કાઠીએ ફરકાવ્યો

• વ્હાઈટ હાઉસમાં પોતાનો ધ્વજ અડધી કાઠીએ ફરકાવ્યો
• અમેરિકન ઝંડો 30 ઓગસ્ટ સુધી અડધી કાઠીએ ફરકાવાશે
• અમે માફ નહીં કરીએ શોધીને મારીશું- બાયડન

વ્હાઈટ હાઉસમાં પોતાનો ધ્વજ અડધી કાઠીએ ફરકાવ્યો

કાબૂલ એરપોર્ટ પર થયેલા સીરિયલ બ્લાસ્ટમાં માર્યા ગયેલા અમેરિકન સૈનિકોની મોત પર અમેરિકાએ શોક વ્યક્ત કર્યો છે. તેમણે વ્હાઈટ હાઉસમાં પોતાનો ધ્વજ અડધી કાઠીએ ફરકાવ્યો છે. પ્રેસ સેક્રેટરીએ જાણકારી આપી છે કે  અમેરિકન ઝંડો 30 ઓગસ્ટ સુધી અડધી કાઠીએ ફરકાવાશે.

The US flag will be flown at half-mast until the evening of August 30 to honour the victims killed in the terrorist attacks in Afghanistan's Kabul: White House pic.twitter.com/Pzf2sj91Im

— ANI (@ANI) August 27, 2021

અમે માફ નહીં કરીએ શોધીને મારીશું

કાબૂલના હુમલાખોરોને ચેતવણી આપતા અમેરિકન રાષ્ટ્રપતિ જો બાયડને કહ્યું કે અમે માફ નહીં કરીએ. અમે નહીં ભૂલીએ. અમે તેમને શોધીશું, મારીશું અને તેમના કર્મની સજા આપીશું. રાષ્ટ્રપતિ બાયડને કહ્યું કે અમે અફઘાનિસ્તાનથી અમેરિકન નાગરિકોને બચાવીશું. અમે અમારા અફઘાની સહયોગીઓને કાઢીશું અને અમારું મિશન ચાલુ રાખીશું.

13 યુએસ સૈનિકો સહિત 72 લોકોના મોત

અફઘાનિસ્તાનમાં ગુરુવારે થયેલા કાબૂલ એરપોર્ટ પાસેના બ્લાસ્ટ અને ફાયરિંગ દ્વારા ભીડ પર કરવામાં આવેલા હુમલામાં ઓછામાં ઓછા 72 લોકોના મોત થયા છે. જ્યારે અનેક ઘાયલ થયા છે. હુમલામાં 13 અમેરિકન નૌસૈનિકો માર્યા ગયા છે. જ્યારે 18 ઘાયલ થયા છે. એક અફઘાન અધિકારીએ દાવો કર્યો છે કે હુમલામાં ઓછા ઓછા 60 અફઘાની માર્યા ગયા છે. જ્યારે 143 અન્ય ઘાયલ થયા છે.

 ISIS એ કાબુલ વિસ્ફોટની જવાબદારી લીધી

ખૂંખાર આતંકી સંગઠન ISIS એ કાબુલ વિસ્ફોટની જવાબદારી લીધી છે. હજુ એક દિવસ પહેલા ISIS એ તાલિબાનની વિરૃદ્ધ ઝેર ઓક્યુ હતું અને જોઈ લેવાની ધમકી આપી હતી. ધમકીના બીજા દિવસે ISIS મોટા હુમલાને અંજામ આપ્યો છે. સરકારી સૂત્રોએ જણાવ્યું કે અફઘાની દળોએ ગુરુવારે કાબુલ એરપોર્ટ પાસેની ભીડને વિખેરવા માટે હવામાં ગોળીબાર કર્યો હતો. ઈટાલીના વિમાન પર ગોળીબાર કરાયો હોવાના અહેવાલ હતા. 

અમેરિકન નાગરિકોને એરપોર્ટ ન આવવાની આપી હતી સલાહ 

અમેરિકાના વિદેશ વિભાગે પોતાની ચેતવણીમાં કહ્યું હતું કે કાબૂલ એરપોર્ટના ગેટની બહાર શક્ય સુરક્ષા સંકટના કારણે અમે અમેરિકન નાગરિકોને એરપોર્ટ ન આવવાની સલાહ આપી રહ્યા છીએ. જ્યાં સુધી અમેરિકન પ્રતિનિધિ તમને ન કહે ત્યાં સુધી એરપોર્ટ ગેટ પર આવવાથી બચે.   કાબૂલમાં અમેરિકન દૂતાવાસ તરફથી જારી એક સુરક્ષા એલર્ટમાં કહેવામાં આવ્યું છે કે અમેરિકન નાગરિક જે એબી ગેટ ઈસ્ટ ગેટ અથવા નોર્થ પર છે તેમને તાત્કાલિક કાઢવા જોઈએ.