BIG NEWS / ભરતી પ્રક્રિયા મુદ્દે ગુજ. હાઈકોર્ટનો મહત્વનો ચુકાદો, કહ્યું 'અનામતનો લાભ લેનારને ઓપન કેટેગરીનો લાભ ન મળે'

• ભરતી પ્રક્રિયા મુદ્દે HCનો ચુકાદો 
• ભરતી પ્રક્રિયામાં અનામતને લઈને ચુકાદો
• અનામતનો લાભ લેનારને ઓપન કેટેગરીનો લાભ ન મળે: HC

ગુજરાતમાં સરકારી ભરતીમાં અનામતનો વિવાદ વારંવાર સામે આવે છે. કારણ કે અનામતનો લાભ લેનાર ઉમેદવારોને ઓપન કેટગરીની જગ્યામાં પણ લાભ મળે છે જેને લઈને અનેક વખત જનરલ કેટેગરીના વિદ્યાથીઑ સરકાર સમક્ષ રજૂઆત પણ કરી છે. આવી જ એક હાઈકોર્ટની નીચલી અદાલતો માટે આસિસ્ટન્ટની પોસ્ટ માટે ભરતીમાં અનામતને લઈ વિવાદ થયો હતો જે બાદ હાઈકોર્ટમાં અરજી કરી ઉમેદવારોએ યોગ્ય ન્યાયની ગુહાર લગાવી હતી.

અનામતનો લાભ લેનારને ઓપન કેટેગરીનો લાભ ન મળે: HC
ત્યારે આજે ભરતી પ્રક્રિયા મુદ્દે ગુજરાત હાઇકોર્ટનો મહત્વનો ચુકાદો સામે આવ્યો છે. ભરતી પ્રક્રિયામાં અનામતને લઈને હાઈકોર્ટે ચુકાદો આપ્યો છે કે અનામતનો લાભ લેનારને ઓપન કેટેગરીનો લાભ ન મળે. કોઈપણ એક જ કેટેગરીમાં નોકરીનો લાભ મળી શકે તેવુ પણ કોર્ટે ટાંક્યું હતું. આ ચુકાદાની સુનાવણીમાં કોર્ટે સુપ્રીમ કોર્ટના અગાઉના ચુકાદા પણ ધ્યાને લીધા હતા. મહત્વનું છે કે  HCએ નીચલી અદાલતો માટે આસિસ્ટન્ટની પોસ્ટ માટે ભરતી કરી હતી જે બાદ 100થી વધુ ઉમેદવારો ભરતીમાં પસંદ થયેલા ઉમેદવારોનું લીસ્ટ હાઈકોર્ટમાં પડકારાયું હતુ. જેની સુનાવણી દરમિયાન કોર્ટે અનામતનો લાભ લે તેને જનરલ કેટેગરીમાં લાભ ન મળે તેવુ સૂચવ્યું હતું જેથી હવે હાઈકોર્ટ કે તેને લગતી અન્ય ભરતીમાં આ નિયમ લાગુ થઈ શકે છે.

આ ચુકાદા પરથી તારણ કાઢી શકાય કે ગુજરાત સરકારની અન્ય નોકરીઓ પણ અનામતનો લાભ મેળવતા ઉમેદવારોને જનરલ કેટ્ગરીમાં વર્ષોથી લાભ મળતો આવે છે ત્યારે નીચલી અદાલતો માટે આસિસ્ટન્ટની પોસ્ટ માટે હાઈકોર્ટ જાહેર કરેલા આજના મહત્વના ચુકાદા બાદ હવે અન્ય ભરતીમાં પણ અનામતનો લાભ લેનારને ઓપન કેટેગરીનો લાભ ન મળે તેવી માંગ ઉઠે તેવી શક્યતાઓ છે.