ઇંગ્લેન્ડના સ્ટાર બેસ્ટમેન જોઇ રુટે વેસ્ટઇન્ડિઝ વિરુદ્ધ સદી ફટકારી ન માત્ર ઇંગ્લેન્ડને 8 વિકેટે શાનદાર જીત અપાવી છે. પરંતુ એક નવો કિર્તીમાન સ્થાપ્યો છે. વેસ્ટઇન્ડિઝ વિરુદ્ધ સદી નોંધાવનાર જોઇ રૂટે અત્યાર સુધીમાં વર્લ્ડ કપમાં બે સદી ફટકારી છે. આ પહેલા રૂટે 2015 વિશ્વકપમાં પણ એક સદી નોંધાવી હતી. અને હવે વર્લ્ડ કપમાં તેમની ત્રણ સદી થઇ ચૂકી છે.
રુટ પહેલો ઇંગ્લિશ બેટ્સમેન બની ગયો છે ડે વર્લ્ડ કપમાં ત્રણ સદી નોંધાવી છે. વેસ્ટઇન્ડિઝ વિરુદ્ધ સદી નોંધાવવાની સાથે જ રૂટ કેવિન પીટરસનને પાછળ છોડીને આ કારમનામું કરનાર પહેલા ઇંગ્લિશ બેટ્સમેન બની ગયો છે. આ સદી સાથે જ રૂટ આ વિશ્વ કપમાં સૌથી વધારે રન બનાવનાર બેટ્સમેન પણ બન્યો છે.
રૂટ આ સમયે 279 રન સાથે પહેલા સ્થાન પર પહોંચી ગયો છે. જ્યારે ઇંગ્લેન્ડ માટે વિશ્વ કપમાં સૌથી વધારે સદી લગાવવા મામલે એમણે કેવિન પીટરસન (2)નો રેકોર્ડ તોડી પોતાના નામે રેકોર્ડ નોંધાવ્યો છે.
વેસ્ટઇન્ડિઝ વિરુદ્ધ 94 બોલમાં 100 રનની ઇનિંગ રમતા રૂટે આ મેચમાં બોલિંગમાં પણ કમાલ દર્શાવી. રૂટે બે કેરેબિયન બેટ્સમેનને પવેલિયનનો રસ્તો બતાવ્યો હતો. રુટને આ ઓલરાઉન્ડર પ્રદર્શન માટે 'મેન ઓફ ધ મેચ' જાહેર કરાયો હતો. આ મેચમાં ઇંગ્લેન્ડે ઓપનિંગ બેટ્સમેન જેસન રોયની જગ્યાએ રૂટ અને બેરિસ્ટોને ઓપનિંગ કરવા મોકલ્યા હતા.
વર્લ્ડ કપમાં ત્રીજી સદી નોંધવાનાર રૂટે કહ્યું કે, 'સદી નોંધાવીને સારુ લાગી રહ્યું છે. અમારા માટે ટોસ જીતવો ફાયદાકારક રહ્યો અને અમે પણ તેનો ભરપૂર ફાયદો ઉઠાવવામાં સફળ રહ્યા. જ્યારે આપ નાની-નાની ઇનિંગને સદીમાં બદલી નાંખો છો તો આપને ગર્વ અનૂભવો છો. પાવર પ્લેમાં ફીડર્સ અંદર રહે છે. ત્યારે રન બનાવવામાં સરળ બની રહે છે.'
આપને જણાવીએ કે, પોઇન્ટ ટેબલમાં હવે ઇંગ્લેડ બીજા સ્થાને પહોંચી ચુક્યું છે. હજુ તેને પાંચ મેચ રમવાની બાકી છે. ઇંગ્લેન્ડ હવે અફઘાનિસ્તાન સામે ટકરાશે.