એક્શન / સત્તા સંભાળતા જ નવા રાષ્ટ્રપતિ જો બાયડને બદલી દીધા ટ્રમ્પના આ નિર્ણયો, 17 એગ્ઝિક્યુટિવ ઓર્ડર પર કર્યા હસ્તાક્ષર

• જો બાયડન સત્તા સંભાળતાની સાથે જ એક્શનમાં
• જો બાયડને 17 એગ્ઝિક્યુટિવ ઓર્ડર પર કર્યા હસ્તાક્ષર
• ટ્રમ્પની નીતિઓને પરત લેવા 17 આદેશો પર કર્યા હસ્તાક્ષર
• અમેરિકામાં તમામ માટે માસ્ક પહેરવાનું કર્યુ ફરજીયાત

જો બાયડને નવા રાષ્ટ્રપતિના રૂપમાં અનેક નિર્ણયો પર સાઈન કર્યા છે. જેની અમેરિકામાં લાંબા સમયથી ડિમાન્ડ ચાલી રહી હતી અને સાથે ચૂંટણી કેમ્પેનમાં જો બાયડને તેને લઈને વાયદા પણ કર્યા હતા.

સત્તા સંભાળતા જ બાયડને લીધા આ મહત્વના નિર્ણયો

• કોરોના મહામારીને કંટ્રોલમાં લેવાનો નિર્ણય
• સામાન્ય લોકો માટે મોટા પાયે આર્થિક મદદની જાહેરાત
• ક્લાઈમેન્ટ ચેન્જ મુદ્દા પર અમેરિકાની  વાપસી
• રંગભેદને ખતમ કરવાની તરફ એક વઘુ પગલું
• વિશ્વ સ્વાસ્થ્ય સંગઠનથી હટવાના નિર્ણયને રોક્યો
• બોર્ડર પર દિવાલ બનાવવાના નિર્ણયને રોક્યો, ફંડિંગ પણ રોકી
• ટ્રમ્પ પ્રશાસન દ્વારા જે મુસ્લિમ દેશોમાં બેન લગાવ્યો હતો તેને પરત લીધો
• સ્ટૂડન્ટ લોનની કિસ્ત વાપસીને સપ્ટેમ્બર સુધી ટાળી

શા માટે ખાસ છે જો બાયડનના આ નિર્ણયો

ડોનાલ્ડ ટ્રમ્પના શાસને લાંબા સમય સુધી ક્લાઈમેટ ચેન્જના નિર્ણયને લઈને મોઢું ફેરવવાનું કામ કર્યું, અમેરિકાએ પેરિસ એગ્રીમેન્ટની સાથે પોતાનું નામ પરત લીધું હતું પણ બાયડને આ એગ્રીમેન્ટ પર હસ્તાક્ષર કર્યા અને સાથે મોટું પગલું ભર્યું છે. આ સિવાય ટ્રમ્પ પ્રશાસને કોરોનામાં વિશ્વ સ્વાસ્થ્ય સંગઠન સાથે નાતો તોડ્યો હતો તે બાયડને ફરીથી જોડ્યો છે. સંયુક્ત રાષ્ટ્રની તરફથી આ નિર્ણયને આવકારવામાં આવ્યો છે.  

We're back in the Paris Climate Agreement.

— President Biden (@POTUS) January 21, 2021

ઈઝરાયલને લઈને બદલાશે નજર

આ મોટા નિર્ણયો સિવાય એક ખાસ વાત એ જોવા મળી કે અમેરિકાની વિદેશનીતિમાં પણ ફેરફારના સંકેત મળી રહ્યા છે. અહીં અમેરિકી દૂતાવાસે ટ્વિટર હેન્ડલના નામને બદલ્યું છે. પહેલાં તેનું નામ ઈઝરાયલમાં અમેરિકી રાજદૂત હતું હવે તેને બદલીને ઈઝરાયલ, ગાઝા અને વેસ્ટ બેંકમાં અમેરિકી રાજદૂત રખાયું છે. સ્પષ્ટ છે કે ટ્રમ્પ પ્રશાસને પહેલાં ઈઝરાયલી સ્થાનની માન્યતા આપી હતી અને પછી નિઝામ બદલાતા  પરિણામ પણ બદલાયું હતું. 

જો બાયડને અમેરિકાના રાષ્ટ્રપતિ બનતા કમલા હૈરિસે પણ ઉપરાષ્ટ્રપતિના રૂપમાં શપથ લીધા છે. જો બાયડને રાષ્ટ્રપતિના રૂપમાં પહેલા ભાષણમાં અમેરિકામાં લોકતંત્રને મજબૂત કરવા અને સાથે રંગભેદને ખતમ કરવા માટે એકસાથે મળીને આગળ વધવાનું આહ્વાહન કર્યું છે. ઉલ્લેખનીય છે કે પૂર્વ રાષ્ટ્રપતિ ડોનાલ્ડ ટ્રમ્પ જો બાયડનના શપથ ગ્રહણ સમારોહમાં સામેલ થયા નહતા.