લોન્ચ / બહાર આવી ગયો Jio-Facebookની ડીલનો અસલી પ્લાન, Whatsapp પર આ સર્વિસ થઈ લોન્ચ

• એમેઝોન અને ફ્લિપકાર્ટ ટક્કર આપવા તૈયાર રિલાયન્સ
• રિલાયન્સે શરૂ કર્યું જિયો માર્ટ
• Whatsapp પર આ સર્વિસ થઈ લોન્ચ

રિપોર્ટ મુજબ  JioMartને હવે ટ્રાયલ બેસિસ પર લોન્ચ કરવામાં આવી રહ્યો છે. આ રિલાયન્સ રીટેલનું ઈ-કોમર્સ વેન્ચર હશે અને શરૂઆતમાં તેને મુંબઈમાં શરૂ કરવામાં આવશે. કોરોના વાયરસને કારણે અત્યારે દેશભરમાં લોકડાઉન છે. જેનો રિલાયન્સ જિયો માર્ટને ફાયદો મળશે. એટલું જ નહીં  JioMart વોટ્સએપ બેસ્ડ ઓનલાઈન પોર્ટલ છે. જેથી રિલાયન્સને વોટ્સએપ યુઝર બેસનો પણ ફાયદો મળશે. 

ભારતમાં વોટ્સએપના 400 મિલિયન યુઝર્સ છે અને લોકડાઉન દરમિયાન આ ડીલ ફાઈનલ થઈ છે અને અત્યારે જ તેને શરૂ કરવામાં આવશે. એવું કહેવામાં આવી રહ્યું છે કે, રિલાયન્સ તેનો પાયલટ રન અન્ય રાજ્યોમાં પણ શરૂ કરી શકે છે અને જિયો માર્ટને આગળ વધારવામાં વોટ્સએપ મહત્વની ભૂમિકા ભજવશે. 

JioMart યુઝ કરવા માટે ગ્રાહકોએ સૌથી પહેલાં તેમના મોબાઈલ પર 8850008000 નંબર સેવ કરવો પડશે. જે બાદ જિયો માર્ટ દ્વારા ગ્રાહકને લિંક મોકલવામાં આવશે. જેની મદદથી ગ્રાહક ઓર્ડર પ્લેસ કરી શકશે. 

રિલાયન્સે આને દેશની નવી દુકાન ગણાવી છે અને એવું પણ જણાવવામાં આવ્યું છે કે, આ પ્રોજેક્ટ હેઠળ કંપની લાખો કિરાણા સ્ટોર્સને તેમના પ્લેટફોર્મ પર સામેલ કરવામાં આવશે. હાલ આ સેવા નવી મુંબઈ, થાણે અને કલ્યાણ જેવા મુંબઈના પસંદગીના વિસ્તારોમાં શરૂ કરવામાં આવી રહી છે.