જીલ્લા પંચાયતના આરોગ્ય વિભાગના કર્મચારીઓ દ્વારા પડતર પ્રશ્રને લઈને રાજ્ય સરકાર સામે વિરોધ કરવામાં આવી રહ્યો છે. આ કર્મચારીઓની માંગણીઓનો સ્વીકાર કરવામાં ન આવતા આજેથી પોરબંદર જીલ્લા ૩૫૦થી વધુ કર્મચારીઓ અચોકકસ મુદતની હડતાલ પર ઉતરીય છે.
પોરબંદરમાં જીલ્લા પંચાયત હસ્તગત આવતા આરોગ્ય વિભાગના સમગ્ર રાજયના કર્મચારીઓને ટેકનીકલ સ્ટાફમાં ગણી ગ્રેડમાં સુધારો કરવાની માંગણી સહિતની વિવિધ માંગણીઓને લઈને કર્મચારીઓ દ્વારા સરકાર સામે લડત ચલાવવામાં આવી રહી છે. અગાઉ સરકાર સામે પોતાના પ્રશ્રોના ઉકેલ માટે કાળી પટી બાંધી વિરોધ નોંધાવવામાં આવ્યો હતો.
ત્યારબાદ રાજ્યભરના કર્મચારીઓ એક દિવસની માસ સીએલ પર ઉતરીય હતા. જેને કારણે રાજયભરમાં આરોગ્યની સેવાને અસર પહોચી હતી. તેમ છતા હજુ સુધી આ પ્રશ્રનું નિરાકરણ નહીં આવતા આજે પોરબંદર જીલ્લાના ૩૫૦થી વધુ કર્મચારીઓ દ્વારા અચોકકસ મુદતની હડતાલ પર ઉતરીય છે.