નિવેદન / ...તો વૅબ સિરીઝમાં લોકોને ટોયલેટ જતાં અને ન્હાતા પણ બતાવી દો: જેઠાલાલ

• જેઠાલાલે આપ્યા વૅબ સિરીઝ પર વ્યૂ
• સમાજ બનાવવામાં મનોરંજનનો ફાળો

અશ્લીલ ભાષા વગર થઇ શકે સારુ કામ
દિલીપે કહ્યું કે હાલમાં જ મેં બંદિશ બેન્ડિટ્સ નામની વૅબ સિરીઝ જોઇ, જે અદભૂત છે. જેમાં શંકર-એહસાન-લોયનું સુંદર સંગીત છે. તેમાં એક પણ પાત્ર એવું નથી કે જેણે અભદ્ર ભાષાનો ઉપયોગ કર્યો હોય. 

અભદ્ર ભાષાનો ઉપયોગ કર્યા વગર સારુ કામ કરી શકાય છે. તેમણે જુની ફિલ્મોના ઉદાહરણ પણ આપ્યા હતા. જેમકે રાજ કપૂર, શ્યામ બેનેગલ જેવા લોકોએ સારુ કામ કર્યું છે તે પણ અભદ્ર ભાષાનો ઉપયોગ કર્યા વગર. 

વધુમાં જેઠાલાલે કહ્યું કે તમે જો સાચી હકીકત દર્શાવવા માટે જ આવું કહી રહ્યા છો તો લોકોને ટોયલેટ જતાં અને નાહાતા પણ બતાવી દો, તમે ઓડિયન્સને શું બતાવો છો તે સૌથી વધારે મેટર કરે છે. 

મનોરંજન દુનિયા પણ સમાજમાં મોટો ભાગ ભજવે છે. તમે એવો સમાજ બનાવવા ઇચ્છો છો જે ગાળો બોલતો હોય, કોઇ પણ વસ્તુની એક હદ હોય જો તે લિમીટ બહાર જાય તો તમારા માટે મુશ્કેલી ઉભી થતી હોય છે. 

ગાળો પ્રોગ્રેસ છે
જેઠાલાલે સવાલ ઉઠાવ્યો કે, સમય સાથે બદલાવું જરૂરી છે પરંતુ ખુલ્લેઆમ ગાળો બોલવી તે કંઇ પ્રોગ્રેસ છે, પશ્ચિમ પૂર્વની સંસ્કૃતિને અપનાવી રહ્યા છે અને આપણે ઉંધુ કરી રહ્યાં છીએ.