ભારતનું અર્થતંત્ર હાલ ડામાડોળ છે પણ વૈશ્વિક લેવલે મંદીના માહોલ વચ્ચે ભારત માટે એક સારા સમાચાર છે કે, વિશ્વના સૌથી ધનાઢ્ય વ્યક્તિ અને એમેઝોનના માલિક જેફ બેજોસે ભારતમાં રૂા 7 હજાર કરોડ રોકવાની જાહેરાત કરી છે.
ભારત છે ઓન લાઈન માર્કેટનું હબ
આવનારા સમયમાં ભારતનું માર્કેટ વિશ્વ માટે જરૂરી
મેક ઈન્ડિયા અંતર્ગત કરોડો રૂપિયા રોકશે જેફ બેજોસ
એમેઝોનના ફાઉન્ડર અને અરબો પતિ જેફ બેજોસે ભારતમાં નાના કદની ઈકોમર્સ કંપનીઓમાં અરબોનું રોકાણ કરુવાની જાહેરાત કરી છે. બુધવારે એટલે કે આજે દિલ્હીમાં યુએસ બેઝ ઈ કોમર્સની સમભાવ સમિટ યોજાઈ હતી. આ સમિટમાં જેફે આ ઝાહેરાત કરી હતી.
શું કહ્યું જેફે
કોઈપણ ભારતીય ઈ કોમર્સ એકમની 'સાઈઝ, સ્કુપ એન્ડ સ્કેલ' જોઈને અમે મેડઈન ઈન્ડિયન પ્રોડક્ટની નિકાસ કરીશુ. ભારતનું માર્કેટ આવનારા વર્ષોમાં 10 બિલિયન ડોલરને પણ વટી જશે. બે દિવસના આ સમ્મેલનમાં આ વાત પર ચર્ચા કરવામાં આવશે કે, કેવી રીતે લઘુ અને મધ્યમ ક્રમના એકમોને ટેક્નોલોજી પ્રત્યે જાગૃત કરી શકાય છે.
ભારતની મુલાકાતે છે જેફ બેજોસ
21મી સદીમાં ભારત અને અમેરિકા ગઠબંધન સૌથી મહત્વપૂર્ણ હશે. બેજોસ આ અઠવાડિયું ભારતની યાત્રા પર રહશે. આ દમરિયાન તેઓ ઉચ્ચ સરકારી અધિકારીઓ અને ઉદ્યોગપતિઓ સાથે મુલાકાત કરશે.
કેટલી સંપત્તિ છે બેજોસ પાસે
એમેઝોનના સંસ્થાપક જેફ બેજોસ પાસે 11,600 કરોડ ડૉલર (અંદાજે 8.23 લાખ કરોડ રુપિયા)ની કુલ સંપત્તિ છે. ગત વર્ષે માઈક્રોસોફ્ટના સંસ્થાપક બિલ ગેટ્સે સંપત્તિ મામલે જેફ બેજોસને પછાડ્યો હતો પણ એમેઝોનના શેરોમાં આવેલી આગઝરતી તેજીએ તેને ફરીથી નંબર વનની પોઝીશન ઉપર લાવી દીધો હતો.
કેવી રીતે બન્યો અગણિત મિલકતનો માલિક
જેફ બેજોસે જુલાઈ 1994માં પોતાની કંપનીની સ્થાપના કરી હતી અને 1995માં તેની શરૂઆત કરી. બેજોસે સૌ પ્રથમ તેનું નામ કેડેબ્રા ડૉટ કૉમ રાખવા માંગતા હતા, પરંતુ 3 મહિના બાદ તેમણે તેનું નામ બદલીને એમેઝોન ડૉટ કોમ કરી નાંખ્યું હતું.
કેમ પસંદ કર્યુ એમેઝોન નામ
બેજોસે વિશ્વની સૌથી મોટી નદી એમેઝોન નદીના નામ પર કંપનીનું નામ એટલા માટે રાખ્યું કારણ કે, વિશ્વની સૌથી મોટી ઓન લાઈન બુક સેલર કંપની બનાવવા માંગતા હતા. તેમની વેબસાઈટ ઓનલાઈન બુકસ્ટોર તરીકે શરૂ થઈ હતી. જો કે બાદમાં તે ડીવીડી, સોફ્ટવેર, ઈલેક્ટ્રોનિક્સ અને કપડા વગેરે વેચવા લાગી હતી.