રાજનીતિ / '22એ ભાજપમાં જોડાઇશ', CR પાટીલ સાથે મુલાકાત બાદ જયરાજસિંહની જાહેરાત

• જયરાજસિંહ પરમાર કરશે કેસરિયા
• 22 ફેબ્રુઆરીએ વિધિવત્ રીતે ભાજપમાં જોડાશે
• જયરાજસિંહ અને CR પાટીલ વચ્ચે થઇ હતી મુલાકાત

કોંગ્રેસના દિગ્ગજ નેતા જયરાજસિંહ પરમારે ભાજપમાં જોડાવાની જાહેરાત કરી છે. તેઓ 22 ફેબ્રુઆરી સવારે 11 વાગ્યે કમલમ્ ખાતે ભાજપમાં જોડાશે તેવું ટ્વિટ કર્યું છે. અત્રે ઉલ્લેખનીય છે કે, જયરાજસિંહ પરમાર ભાજપના કેન્દ્રીય મંત્રી, ભાજપના પ્રદેશ પ્રમુખ અને કેટલાક ભાજપના નેતાઓ સાથે મુલાકાત કરી ચૂક્યા છે. જયરાજસિંહ પરમાર અને તેમના દીકરાએ CR પાટીલ સાથે મુલાકાત કરી હોવાનો ફોટો પણ જાહેર કરાયો છે.

કુળદેવીના આશીર્વાદ સાથે ભાજપમાં જોડાઈ રહ્યો છુંઃ જયરાજસિંહ પરમાર

જયરાજસિંહે ટ્વિટ કરીને લખ્યું કે, મારા કુળદેવી શ્રી હરસિધ્ધ ભવાની માતાજી અને ગામદેવી શ્રી અજાય માતાના તથા મારા ગુરુના આશીર્વાદ સાથે હું તારીખ 22-02-2022ને મંગળવારના રોજ સવારે 11 .00 કલાકે કમલમ્ ખાતે ભારતીય જનતા પાર્ટીમાં જોડાઈ રહ્યો છું..

મારા કુળદેવી શ્રી હરસિધ્ધ ભવાની માતાજી અને ગામદેવી શ્રી અજાય માતાના તથા મારા ગુરુના આશીર્વાદ સાથે હું તારીખ 22-02-2022 ને મંગળવાર ના રોજ સવારે 11 .00 કલાકે શ્રી કમલમ્ ખાતે ભારતીય જનતા પાર્ટીમાં જોડાઈ રહ્યો છું..
જય હિંદ.. pic.twitter.com/FS8JZ9ZUSe

— Jayrajsinh Parmar (@JayrajKuvar) February 20, 2022

જયરાજસિંહ અને CR પાટીલ વચ્ચે થઇ હતી મુલાકાત

જયરાજસિંહ 22 ફેબ્રુઆરીએ ભાજપમાં જોડાવાની જાહેરાત કરી છે. ત્યારે આ જાહેરાત પહેલા જયરાજસિંહે સીઆર પાટીલ સાથે મુલાકાત કરી હતી. અઢી કલાક સુધી ચાલેલી મુલાકાતમાં પહેલા સમર્થકો અને બાદમાં જયરાજસિંહ જોડાશે તેવી ચર્ચા થઈ હતી. તો જયરાજસિંહને ભાજપમાં સન્માન મળશે તેવી પણ પાટીલ દ્વારા ખાતરી અપાઈ હતી. પાટીલ દ્વારા ચાંદીનો સિક્કો આપીને જયરાજસિંહનું સ્વાગત્ કરાયું હતું. સૂત્રો પાાસેથી મળતી માહિતી અનુસાર, જયરાજસિંહ પરમારને બોર્ડ નિગમમાં પણ સ્થાન મળી શકે છે.

કોંગ્રેસ દ્વારા તેમનો સતત અનાદર કરવામાં આવ્યો હોવાનું જયરાજસિંહે કારણ આપ્યું છે. તો આ અંગે તેમણે સોશિયલ મીડિયામાં પોસ્ટ મૂકીને પોતાની વ્યથા ઠાલવી છે અને કેટલાક આક્ષેપો કર્યા છે.