IPLIN
 
  • Home
  • India
  • jaya bachchan reaction to congress leader ramesh kumar rape statement in karnataka assembly

પ્રતિક્રિયા / દુષ્કર્મની મજા લો' નાં વિવાદિત નિવેદન મુદ્દે જયા બચ્ચને નેતાજીનો ઉધડો લીધો, નેતાએ કહ્યું હવે સમજી વિચારીને બોલીશ

Team VTV 01:16 PM, 17 Dec 21
Follow us
jaya bachchan reaction to congress leader ramesh kumar rape statement in karnataka assembly

સમાજવાદી પાર્ટીના રાજ્યસભા સાંસદ જયા બચ્ચને કોંગ્રેસના નેતા રમેશ કુમાર દ્વારા દુષ્કર્મ જેવા શબ્દ પર આપેલા નિવેદનની આકરી નિંદા કરી હતી

  • કોંગ્રેસના નેતાએ દુષ્કર્મ અંગે આપ્યું વિવાદાસ્પદ નિવેદન
  • જયા બચ્ચને આ નિવેદનની સખત નિંદા કરી હતી
  • કહ્યું કે આ પ્રકારનું નિવેદન શરમજનક છે

 કોંગ્રેસના નેતા દ્વારા દુષ્કર્મને લઈને કરવામાં આવેલી ટિપ્પણી પર વિપક્ષીઓનો પ્રહાર

કર્ણાટક વિધાનસભામાં કોંગ્રેસના વરિષ્ઠ નેતા રમેશ કુમાર દ્વારા બળાત્કારને લઈને કરવામાં આવેલી અભદ્ર ટિપ્પણી પર વિપક્ષી પાર્ટીઓ આકરા પ્રહારો કરી રહી છે. સમાજવાદી પાર્ટીના રાજ્યસભા સાંસદ જયા બચ્ચને બળાત્કાર જેવા શબ્દો પર આપેલા નિવેદનની આકરી નિંદા કરી અને કહ્યું કે તેમને શરમ આવવી જોઈએ. તેમની પાર્ટીઓએ આવા લોકો સામે કડક કાર્યવાહી કરવી જોઈએ.

આવા નિવેદનથી મને શરમ આવે છે : જયા બચ્ચન

જયા બચ્ચને કહ્યું કે, મે આ પ્રકારના મામલાઓ ઘણી વખત સદનમાં ઉઠાવ્યાં છે. પરંતુ અત્યાર સુધી કોઈ કાર્યવાહી નથી થઈ. મીડિયાએ આ મુદ્દો ઉઠાવવો જોઈએ, આ વિષય પર ચર્ચા કરવી જોઈએ અને આવા લોકોને સામે લાવવા જોઈએ, તે જે પક્ષનો છે, તેની પાર્ટીએ તેની સામે કડક કાર્યવાહી કરવી જોઈએ, જેથી કરીને અન્ય કોઈ આવી વાત કરવાની હિંમત ન કરે અને આ રીતે મહિલાઓનું અપમાન કરી શકે. આવા નિવેદન માટે શરમ આવે છે.

આવા લોકો સામે કડક કાર્યવાહી થવી જોઈએ 

જયા બચ્ચનને કહ્યું કે, માનસિક્તા બદલવી પડશે. મને આશ્ચર્ય થાય છે કે તેમના ઘરમાં તેમની માતા, પત્ની, બહેન અને પુત્રીઓએ શું વિચાર્યું હશે જેઓ આવું બોલ્યા છે. તેમણે આગળ કહ્યું કે, 'આ નિવેદન માટે આકરી કાર્યવાહી થવી જોઈએ કે ભવિષ્યમાં કોઈ આવું ન બોલી શકે અને ન કરી શકે.'

રેપ અંગે કોંગ્રેસ નેતાની અભદ્ર ટિપ્પણી કરી હતી 

કોંગ્રેસના વરિષ્ઠ નેતા રમેશ કુમારે કર્ણાટક વિધાનસભામાં બળાત્કાર પર અભદ્ર ટિપ્પણી કરી હતી અને શિયાળુ સત્ર દરમિયાન કહ્યું હતું કે જો બળાત્કાર રોકવો અશક્ય છે, તો સૂઈ જાઓ અને તેનો આનંદ લો. નોંધનીય છે કે કોંગ્રેસના નેતાના આ નિવેદન સામે કોઈએ વાંધો ઉઠાવ્યો નથી, પરંતુ તેમના નિવેદન પર હસી પડ્યું છે.

રમેશ કુમારે ટિપ્પણી કર્યા બાદ આ અંગે માફી માંગી 

કર્ણાટક કોંગ્રેસના વરિષ્ઠ નેતા અને કર્ણાટક વિધાનસભાના ભૂતપૂર્વ સ્પીકર કેઆર રમેશ કુમારે કર્ણાટક વિધાનસભામાં દુષ્કર્મ પર અભદ્ર ટિપ્પણી કરી હતી. તેમણે કહ્યું કે જ્યારે દુષ્કર્મ રોકી ન શકાય તો સૂઈ જાઓ અને આનંદ કરો. જોકે, બાદમાં તેણે પોતાના નિવેદન પર ખેદ વ્યક્ત કરતા માફી માંગી હતી. રમેશ કુમારે સોશિયલ મીડિયા પર માફી માગતા કહ્યું કે ગુનાને તુચ્છ બનાવવાનો તેમનો ઈરાદો નહોતો. ઉલ્લેખનીય છે કે, એક NGOએ ધારાસભ્ય વિરુદ્ધ ફરિયાદ નોંધાવી છે.

Jaya Bachchan Reaction Congress leader ramesh kumar rape statement જયા બચ્ચન પ્રતિક્રિયા કોંગ્રેસ લીડર ગુજરાતી ન્યૂઝ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ