ખેલ / ફૂટબોલ જગત ચોંક્યું, ફિફા વર્લ્ડ કપમાં બીજો ઉલટફેર, જાપાને 4 વારના ચેમ્પિયન જર્મનીને હરાવ્યું

• ફિફા વર્લ્ડ કપનો બીજો મોટો ઉલટફેર
• જાપાને 4 વાર ચેમ્પિયન જર્મનીને હરાવ્યું 
• ગઈકાલે સાઉદી અરબે આર્જન્ટિનાને હરાવ્યુ હતું 

કતારમાં ફૂટબોલ વર્લ્ડ કપ ચાલી રહ્યો છે અને તેમાં હવે બીજો મોટો ઉલટફેર જોવા મળ્યો છે. પહેલા મંગળવારે સાઉદી અરબે આર્જન્ટિનાને હરાવીને અપસેટ સર્જ્યો હતો અને હવે જાપાને જર્મનીને 2-1થી હરાવીને ધમાકેદાર જીત મેળવી હતી. બુધવારે જર્મની અને જાપાન વચ્ચે રોમાંચક મુકાબલો રમાયો હતો. આ મેચમાં જાપાને જર્મનીને 2-1થી હરાવીને ધમાકેદાર જીત મેળવી હતી. જર્મનીએ મેચના પ્રથમ હાફમાં વિજય મેળવ્યો હતો. તેણે પહેલા હાફમાં 1-0ની લીડ મેળવી હતી. જ્યારે બીજા હાફમાં જાપાને જોરદાર રમત દેખાડતા બે ગોલ ફટકારીને મેચ 2-1થી જીતી લીધી હતી. ફિફા રેન્કિંગમાં જર્મનીની ટીમ 11મા નંબર પર છે, જ્યારે જાપાનની ટીમ 24માં નંબર પર છે.

FIFA WC: Japan script memorable comeback, stun Germany 2-1

Read @ANI Story | https://t.co/Aq40bLEitL#FIFAWorldCup #GermanyVsJapan #FIFAWorldCupQatar2022 pic.twitter.com/nFsdfG8vkl

— ANI Digital (@ani_digital) November 23, 2022

જાપાને ઇતિહાસમાં પ્રથમ વખત જર્મનીને હરાવ્યું

જાપાન માટે આ વિજય ખૂબ જ ખાસ છે, કારણ કે તેણે તેની સાથે જ ઇતિહાસ રચ્યો છે. જાપાનની ટીમે ઇતિહાસમાં પહેલી વખત જર્મનીને હરાવ્યું છે. અત્યાર સુધી બંને ટીમો વચ્ચે કુલ 5 મુકાબલા થયા છે, જેમાં જર્મનીએ બે મેચ જીતી હતી, જાપાને એક મેચ (આ મેચ) જીતી હતી. જ્યારે બે મેચ ડ્રોમાં પરિણમી હતી.

✅ 2011 - @afcasiancup winners
✅ 2022 - One of the biggest wins in their history

🏠📍Khalifa International Stadium must feel like a second home for @jfa_samuraiblue pic.twitter.com/Qr2xNIrQZb

— FIFA World Cup (@FIFAWorldCup) November 23, 2022

પ્રથમ ગોલઃ જર્મનીના ઇલ્કે ગુંડોગને 33મી મિનિટે પેનલ્ટી ફટકારી
બીજો ગોલઃ રિત્સુ ડોને 75મી મિનિટમાં જાપાન માટે પહેલો ગોલ કર્યો
ત્રીજો ગોલઃ તાકુમા અસાનોએ 83મી મિનિટે જાપાન માટે વિજયી ગોલ કર્યો
જાપાને બીજા હાફમાં બે ગોલથી જીત મેળવી

Japan beat Germany.@adidasfootball | #FIFAWorldCup

— FIFA World Cup (@FIFAWorldCup) November 23, 2022

ગઈકાલે પહેલો અપસેટ, સાઉદી અરબે આર્જેન્ટિનાને હરાવ્યું 
ફીફા વર્લ્ડકપ 2022નો પહેલો સૌથી મોટો ઊલટફેર મંગળવારે જોવા મળ્યો હતો. લુસેલ સ્ટેડિયમમાં રમવામાં આવેલ ગ્રુપ-સીની મેચમાં સાઉદી અરબે આર્જેન્ટિનાને 2-1નાં સ્કોરથી પરાજિત કરી છે. ફુટબોલ જગતનાં ઇતિહાસમાં સાઉદી અરબની આર્જેન્ટિના પર આ પહેલી જીત છે, આ પહેલા બંને ટીમોની વચ્ચે કુલ 4 મેચ રમવામાં આવી હતી જેમાં આર્જેન્ટિના 2 મેચ જીતી હતી અને 2 ડ્રો પર છૂટી હતી. આર્જેન્ટિના તરફથી મેચમાં એક માત્ર ગોલ લિયોનેલ મેસીએ કર્યો.