જ્યાં એક તરફ દિશા પટણી હાલમાં પોતાની આગામી ફિલ્મ એક વિલેન રિટર્ન્સને લઇને ચર્ચામાં છે, તો તેની લવ લાઈફ પણ ખૂબ ચર્ચામાં છે.
દિશા પટણી આગામી ફિલ્મ એક વિલેન રિટર્ન્સને લઇને ચર્ચામાં
દિશા અને ટાઈગરના બ્રેકઅપના અહેવાલોએ જોર પકડ્યુ
દિશા અને ટાઈગરના બ્રેકઅપની ચર્ચા પર જેકી શ્રોફે મૌન તોડ્યુ
દિશા અને ટાઈગરના બ્રેકઅપના અહેવાલથી પ્રશંસકોનુ દિલ તુટ્યુ
બોલીવુડમાંથી એવા અહેવાલો સામે આવ્યાં હતા કેક દિશા અને ટાઈગરે પોતાનો છ વર્ષ જૂનો સંબંધ તોડી નાખ્યો છે. આ અહેવાલથી તેમના પ્રશંસકોનુ દિલ તૂટી ગયુ છે. જો કે, હવે આ બંને તરફથી કોઈ નિવેદન સામે આવ્યું નથી. પરંતુ બ્રેકઅપના અહેવાલ પર ટાઈગરના પિતા અને અભિનેતા જેકી શ્રોફે પોતાનુ રિએક્શન આપ્યું છે.
જેકી શ્રોફે બ્રેકઅપ પર તોડ્યુ મૌન
ભલે ટાઈગર અને દિશાએ ક્યારેય પોતાના સંબંધનો સ્વીકાર ના કર્યો હોય. પરંતુ પ્રશંસકો તેમને એક કપલ તરીકે જોવે છે. આ બંને ઈન્ડસ્ટ્રીના સૌથી ચર્ચિત કપલ્સમાંથી એક છે અને એવામાં તેમના બ્રેકઅપના અહેવાલે બધાને નિરાશ કરી દીધા છે. હવે ટાઈગરના પિતાએ એક ઈન્ટરવ્યુમાં પોતાના પુત્ર અને દિશાના રિલેશનશિપના સ્ટેટસ પરથી પડદો ઉઠાવતા એક નિવેદન આપ્યું છે. મીડિયાના એક ઈન્ટરવ્યુમાં જેકી શ્રોફે કહ્યું, ટાઈગર અને દિશા હંમેશા મિત્ર હતા અને અત્યારે પણ છે. હું હજી પણ તેમને એકસાથે બહાર જતા જોવુ છુ. એવુ નથી કે હું મારા પુત્રની લવ લાઈફ પર નજર રાખુ છુ. હું તેમની પ્રાઈવસીમાં દખલઅંદાજી કરવા માગતો નથી. પરંતુ મને લાગે છે કે તેઓ બંને સારા મિત્ર છે. તેઓ કામ સિવાય પણ એકબીજાની સાથે સમય વિતાવવાનુ પસંદ કરે છે.
અમારા પરિવારને દિશા સાથે સારું બને છે
જેકી શ્રોફે પોતાની વાતને આગળ વધારતા કહ્યું, જુઓ, આ તેમની ઉપર છે કે તેઓ એકબીજાની સાથે રહેવા માગે છે કે નહીં. આ તેમની લવ સ્ટોરી છે, જેમ કે મારી અને મારી પત્ની આયશાની પોતાની લવ સ્ટોરી છે. અમારા આખા પરિવારનુ દિશાની સાથે સારું બને છે. જેમકે મેં કહ્યું છે તેઓ એકબીજાની સાથે ખુશ છે, જેવા મળે તેવા વાત કરે છે.