વડોદરાઃ શહેરની દીપક નાઇટ્રાઇટ કંપનીમાં આવરવેરા વિભાગની જુદી જુદી ટીમો દ્વારા દરોડા પાડી સર્ચ ઓપરેશન હાથ ધરવામાં આવ્યુ છે. આ કંપનીના વડોદરા ઉપરાંત ભરૂચના દહેજ અને હૈદરાબાદ અને મહારાષ્ટ્રના રાયગઢમાં અલગ-અલગ પ્લાન્ટ આવેલા છે.
વડોદરાના છાણીરોડ ખાતે આવેલી દીપક નાઇટ્રાઇટની કોર્પોરેટ ઓફીસ સહીત અલગ અલગ સ્થળોએ આઇટી ડીપાર્ટમેન્ટની ગુજરાત તેમજ મુંબઈ સહીતની ટીમોએ સર્ચ ઓપરેશન શરૂ કરી દરોડા પાડ્યા છે. આ તપાસમાં મોટા પ્રમાણમાં કાળું નાંણુ બહાર આવી શકે છે તેવી શંકા સેવાઇ રહી છે.
મોટી મોટી કંપનીઓ અને મોટા મોટા વેપારીઓને વેપાર કરવા મોટા પ્રમાણમાં લોન પણ મળતી હોય છે. ત્યારે આવા લોકો પોતાની આવક છુપાવી ટેક્સ ચોરી અથવા તો ઉઠામણા કરતા હોય છે. જેથી રાષ્ટ્રના અર્થતંત્રને પણ પ્રત્યક્ષ કે પરોક્ષા રીતે ફટકો પડતો હોય છે. ત્યારે આ પ્રકારના કાળા બારીઓ સામે કડક કાર્યવાહી થવી અતિઆવશ્યક છે.