સાવચેતી / તો કપડાનું માસ્ક પહેરવાનું બંધ કરી દેજો, 15 મિનિટમાં કામ થઈ જશે તમામ, CDCની સલાહ જાણી લો

• વધતા કોરોનાના કેસ વચ્ચે વૈજ્ઞાનિકોનું તારણ
• કાપડનું માસ્ક પહેરવુ અસુરક્ષિત
• કાપડના માસ્કથી સંક્રમણ સૌથી ઝડપી

કોરોના વાયરસના કેસે રફતાર પકડતા સરકાર પણ ચિંતિત છે. વધતા કેસને પગલે સરકાર દ્વારા કોરોનાની ગાઇડલાઇનનું પાલન કરવા વારંવાર કહેવામાં આવે છે. સરકાર પણ કોરોનાને નિયંત્રણ કરવા માટે પ્રયત્નશીલ છે. પરંતુ એક નાગરિક તરીકે આપણી પણ ફરજ છે કે આપણે સાવચેતી રાખીએ.  કોરોનાથી બચવા માટે માસ્ક પહેરવુ અને સામાજિક અંતર જાળવવાનું વારંવાર કહેવામાં આવે છે. તેમ છતાં લોકો આ અંગે સભાન નથી.  પરંતુ હવે સાવધાન થઇ જવાની જરૂર છે. તમે ઘરની બહાર નીકળો ત્યારે કપડાનો રૂમાલ નાંકે કે કાપડનું માસ્ક તમે બાંધી લો તે એ નહી ચાલે.  કારણ કે વૈજ્ઞાનિકો કહી રહ્યા છે કોરોના વાયરસથી  બચવા માટે કાપડનું માસ્ક સ્હેજ પણ સુરક્ષિત નથી.

કાપડના માસ્કમાં સંક્રમિત થતા 15મિનિટ લાગે

કોરોના વાયરસ અને ઝડપથી ફેલાતા ઓમક્રોન વાયરસથી બચવા માટે કાપડનું માસ્ક પહેરશો નહી.  કાપડનું માસ્ક સંપૂર્ણ સુરક્ષિત નથી. સિંગલ લેયર કાપડના માસ્કને પગલે સર્જિકલ માસ્ક કે રેસ્પિરેટર માસ્ક વાપરવુ ઘણુ જ લાભદાયી નીવડશે. ઈન્ડિયન કાઉન્સિલ ઓફ મેડિકલ રિસર્ચ (ICMR)ના ડાયરેક્ટર જનરલ બલરામ ભાર્ગવના જણાવ્યાનુસાર ઘરે સારવાર લઈ રહેલા કોવિડ દર્દીને N95 માસ્કની પહેરવાની જરુર છે. જ્યારે તેની સંભાળ રાખનારે  ટ્રિપલ લેયર માસ્ક પહેરવાની જરૂર છે. આવી સ્થિતિમાં, ડૉક્ટરો અન્ય લોકોને ચેપ ન લાગે તે માટે કાપડના સિંગલ લેયરવાળા માસ્કને છોડીને ઓછામાં ઓછા બે કે ત્રણ લેયરનો ફેસ માસ્ક પસંદ કરવાની વિનંતી કરી રહ્યા છે.

કાપડના માસ્ક નીચે ડિસ્પોઝેબલ માસ્ક અવશ્ય પહેરો 

યુએસ સ્થિત સીડીસી (સેન્ટર ફોર ડિસીઝ કંટ્રોલ એન્ડ પ્રિવેન્શન) દ્વારા નવી માર્ગદર્શિકા જારી કરવામાં આવી છે. આ મુજબ, બે વર્ષથી વધુ ઉંમરના તમામ લોકોએ જેઓને સંપૂર્ણ રસી આપવામાં આવી નથી તેઓએ જાહેર સ્થળોએ માસ્ક પહેરવું આવશ્યક છે. CDCજણાવે છે કે કાપડના માસ્ક હેઠળ ડિસ્પોઝેબલ માસ્ક પહેરવુ જોઇએ.  પુનઃઉપયોગમાં લેવાયેલા માસ્ક ગંદા થતાંની સાથે જ અથવા દિવસમાં ઓછામાં ઓછા એક વખત ધોવા જોઈએ. જો તમારી પાસે ડિસ્પોઝેબલ ફેસ માસ્ક હોય, તો તેને એકવાર પહેર્યા પછી ફેંકી દેવુ જોઇએ.

N95માસ્ક પહેરવુ કેમ આવશ્યક ?

• આ માસ્ક સર્જિકલ માસ્ક કરતા વધુ અસરકારક
• પહેરવામાં એકદમ ફિટિંગમાં હોય છે
• 95 ટકા દૂષિત કણોથી બચાવે છે
• આ માસ્કમાં ત્રણ લેયર હોય છે
• નાના-મોટા કણો અને પ્રદૂષણોથી દૂર રાખે
• હવામાંથી વાયરસને ફિલ્ટર કરે છે
• કાપડના માસ્ક કરતા 7ઘણું અસરકારક
• સર્જિકલ માસ્કની તુલનામાં 5 ઘણું અસરકારક