સાહેબ વાત મળી છે / એક PSIનું માથું ફૂટ્યું તો બીજા PSIનું નાક તૂટયું, 27 લાખનો પોલીસ વહીવટ ટોક ઓફ ટાઉન બન્યો, હવે તારી ચૂપ અને મારી ચૂપ

• અમદાવાદમાં પોલીસ કમિશનર પદે સરકાર કોની પસંદ કરશે
• પીસીબીની આ ખુરશી અધિકારીઓને સીધા જુનાગઢ મોકલે
• અમદાવાદ પોલીસ કમિશનર અજય તોમરનું નામ સૌથી મોખરે છે

સંજય શ્રીવાસ્તવ સેવા નિવૃત થતાં અમદાવાદ પોલીસ કમિશનરનો ચાર્જ પ્રેમવીર સિંહને સોંપાઈ ગયો છે તો જેને લઈ પણ અનેક તર્ક વિતર્ક શરૂ થયા છે તો બીજી તરફ  IDCમાં એક ફેકટરીના માલિકના કેસને લઈને ભલામણ અને વહીવટ વચ્ચે બંને PSI વચ્ચે તુતુ મેમે થઈ અને મોટો તોડ થયાની વાત છે

27 લાખના વહીવટમાં બે PSI વચ્ચે છુટા હાથની મારામારી
અમદાવાદ પૂર્વમાં GIDC વિસ્તારમાં 2 PSI વચ્ચે છૂટા હાથની મારમારી થઈ.. જેમાં એક psiને માથે વાગ્યું તો બીજા psi નું નાક તૂટ્યું.. રૂ 27 લાખના વહીવટને લઈને બે PSI સામસામે આવી ગયા.. GIDC માં એક ફેકટરીના માલિક ના કેસને લઈને ભલામણ અને વહીવટ વચ્ચે બંને PSI વચ્ચે તુતુ મેમે થઈ.. આ તુતુ મેમે વચ્ચે બન્ને એકબીજા પર છુટા હાથની મારામારી કરવા લાગ્યા હતા.. અને અન્ય પોલીસ કર્મચારીઓ આવીને બંન્નેને જુદા પાડ્યા.. પરંતુ એક PSI ને તો માથામાં વાગતા તેને પોલીસ સ્ટેશનમાં આવાનું બંધ કર્યું.. આ વિવાદ પોલીસ ઉચ્ચ અધિકારીઓ સુધી પહોંચે તે પહેલાં તારી ચૂપ અને મારી ચૂપ જેવી સ્થિતિ પોલીસ સ્ટેશનમાં જોવા મળે છે...પરંતુ પોલીસ સ્ટેશનમાં તો આ વિવાદ ટોક ઓફ ટાઉન બન્યો છે..

અમદાવાદ પોલીસ કમિશ્નર બનશે કોણ ?
સંજય શ્રીવાસ્તવ સેવા નિવૃત થતાં અમદાવાદ પોલીસ કમિશનરનો ચાર્જ પ્રેમવીર સિંહને સોંપાઈ ગયો.. પરંતુ અમદાવાદમાં પોલીસ કમિશનર પદે સરકાર કોની પસંદ કરશે તે ચર્ચાનો વિષય બન્યો છે. અનેક નામો અત્યારથી જ ચર્ચામાં આવી ગયા છે. સિનિયોરીટની દ્રષ્ટીએ સુરત પોલીસ કમિશનર અજય તોમરનું નામ સૌથી મોખરે છે.. જો કે રાજ્યમાં પેપરલીકની પરંપરાને અટકાવી   સ્પર્ધાત્મક પરિક્ષાનું સફળ આયોજન કરી પ્રશંસા પામેલા હસમુખ પટેલ અને આઈબીના વડા અનુપમસિંહ ગેહલોતનું નામ ચર્ચાના કેન્દ્રમાં છે. 

PCBની ખુરશી અધિકારીઓને જુનાગઢના દર્શન કરાવે છે.
અમદાવાદ પોલીસ કમિશશ્નરના સીધા માર્ગદર્શન હેઠળ કામ કરતા પીસીબી ઇન્સ્પેક્ટર પાસે અસાધારણ સત્તાઓ હોય છે પરંતુ પીસીબીની આ ખુરશી અધિકારીઓને સીધા જુનાગઢ મોકલે છે. અમદાવાદમાં પોલીસ કમિશ્નર શિવાનંદ ઝાના કાર્યકાળમાં પીસીબી ઇન્સ્પેક્ટર કિરણ મોદી ઝાની નારાજગીનો ભોગ બન્યા અને સીધા જુનાગઢ પોલીસ તાલીમ શાળામાં પહોંચ્યા પીસીબીમાં આવેલા ભગીરથસિંહ ગોહિલે તો એસીપી તરીકે પ્રમોશન બાદ પણ પીસીબીનો મોહ ન છોડ્યો.. ક્રાઈમ બ્રાન્ચ એસીપી હોવા છતાં પીસીબીનો વધારાનો હવાલો રાખ્યો અને આખરે તેઓ પણ  જુનાગઢ પહોંચ્યા.. છેલ્લા પીસીબી ઇન્સ્પેક્ટર તરલ ભટ્ટને પણ જૂનાગઢની વાટ પકડવાનો વારો આવ્યો. એટલે અમદાવાદ પોલીસ બેડામાં ચર્ચા છે કે પીસીબીની ખુરશી જાણે કે જૂનાગઢની ટિકીટ બની ગઈ છે.. જેવા બેસ્યા કે જાણે જુનાગઢ પહોંચ્યા..

અમદાવાદ પોલીસ વિભાગમાં વધુ એક ટિકટોક સ્ટારનો ઉદય
અમદાવાદમાં એક IPS અધિકારી ટિકટોક સ્ટાર એટલે કે સોશિયલ મીડિયા સેન્સેશન તરીકે ખૂબ જ પ્રચલિત થયા છે.. અધૂરામાં પૂરું હવે હવે નાના IPS સ્ટારનું ટિકટોક સ્ટારે પણ આ કલબમાં પ્રવેશ થયો છે. આ આઇપીએસ અધિકારી પોતાના દરેક ઇનપુટ સોશિયલ મીડિયા પર શેર કરે છે.   સોશિયલ મીડિયામાં આ સાહેબ એટલા પ્રખ્યાત થયા કે લોકો પોતાના પ્રસંગોમાં તેમને પધારવા આંમત્રણ આપે છે. ધાર્મિક પ્રસંગો હોય કે સાંસ્કૃતિક પ્રસંગો.. હવે થયું  છે કે  સોશિયલ મીડિયાના નવા ઉભરતા સ્ટારના કારણે મોટા આઈપીએસ સાહેબનો ભાવ ઓછો થઈ ગયો છે..