ISROનું મોટું મિશન / આવતા વર્ષે અંતરિક્ષમાં કરશે એવો પ્રયોગ જે આજ સુધી ક્યારેય નથી કર્યો

• આવતા વર્ષે ISRO કરશે ડોકિંગ એક્સપેરીમેન્ટ
• ભારતીય સ્પેસ સ્ટેશન બનાવવામાં મળશે મદદ
• ભારત અંતરિક્ષમાં પોતાનું સ્પેસ સ્ટેશન બનાવશે

ISROના અધ્યક્ષ કે. સિવને સ્પેસ સ્ટેશનને લઇને કહ્યું કે...

ISROના અધ્યક્ષ કે.સિવને કેટલાંક મહિના પહેલા કહ્યું હતું કે ભારત પોતાનું સ્પેસ સ્ટેશન બનાવશે. સ્પેસ સ્ટેશન બનાવાને લઇને જરૂરી છે કે બે અંતરીક્ષયાન એટલે કે સેટેલાઇટ અથવા ઉપગ્રહને એકબીજા સાથે જોડવા. આ મિશન સૌથી વધુ કઠીન છે. તેના માટે સૌથી વધુ ચપળતાની જરૂરિયાત છે.

બે ઉપગ્રહને અંતરિક્ષમાં જોડવા સૌથી મોટો પડકાર

આ પ્રોજેક્ટને આગળ વધારવા માટે સરકારે 10 કરોડ રૂપિયા આપ્યા છે. જેના માટે બે ઉપગ્રહને PSLV રોકેટથી લોન્ચ કરવામાં આવશે. ત્યાર બાદ અંતરિક્ષમાં બન્નેને એક બીજા સાથે જોડવામાં આવશે. આ મિશનનો સૌથી મોટો પડકાર સેટેલાઈટની ગતિ ઓછી કરવાનો છે અને અંતરિક્ષમાં બન્નેને જોડવાનો છે. જો ગતિ યોગ્ય માત્રામાં નહીં ઘટે તો તે એક બીજા સાથે ટકરાઈ શકે છે.  

ગગનયાન બાદ થશે સ્પેસ સ્ટેશન મિશન

આ મિશનને કરવાનો મતલબ એ નથી કે ISRO સ્પેશ સ્ટેશન મિશનની શરૂઆત કરી રહ્યું છે, કારણ કે આ એક પ્રાયોગિક મિશન છે. કારણ કે અંતરિક્ષમાં વ્યક્તિઓને મોકલવાનો અને ડોકિંગમાં સફળતા મેળવ્યાં બાદ જ સ્પેશ સ્ટેશન મિશનની શરૂઆત કરવામાં આવી શકે છે. કારણ કે સ્પેસ સ્ટેશનનું મિશન ડિસેમ્બર 2021ના ગગનયાન અભિયાન બાદ શરૂ કરવામાં આવશે.