ઈસરોનું GSAT-30ને યૂરોપિયન હેવી રોકેટ એરિયન-5થી શુક્રવારે એટલે કે 17 જાન્યુઆરીએ સવારે 2.35 મિનિટે દક્ષિણ અમેરિકાના ઉત્તર પૂર્વી તટ પર કૌરોના એરિયર પ્રક્ષેપણ તટથી છોડવામાં આવ્યો હતો. થોડીવાર પછી GSAT-30થી એરિયન-5 VA251નો ઉપરનો ભાગ સફળતાપૂર્વક અલગ થયું હતું. આ ઈસરોનું 2020નું પહેલું મિશન છે.
યૂરોપીયન અંતરિક્ષ એજન્સીથી લોન્ચ કરાયું GSAT-30
15 વર્ષો સુધી કામ કરશે આ કમ્યુનિકેશન સેટેલાઈટ
17 જાન્યુઆરીએ સવારે 2.35 મિનિટે થયું લોન્ચ
ઈસરોના આધારે GSAT-30 એક સંચાર ઉપગ્રહ છે. આ ઈનસેટ 4-એ સેટેલાઈટની જગ્યાએ કામ કરશે. ઈનસેટ સેટેલાઈટ 4ની ઉંમર હવે પૂરી થઈ રહી છે અને ઈન્ટરનેટ ટેક્નોલોજીમાં ઝડપથી બદલાવ આવી રહ્યો છે. આ કારણે વધારે તાકાતવાળા સેટેલાઈટની જરૂર હતી. આ જરૂરિયાતને પૂરી કરવા માટે ઈસરોએ GSAT-30ને લોન્ચ કર્યું છે.
India's communication satellite #GSAT30 was successfully launched into a Geosynchronous Transfer Orbit by #Ariane5#VA251.
GSAT-30 સેટેલાઈટનું વજન લગભગ 3100 કિલોગ્રામ છે. આ લોન્ચિંગના 15 વર્ષ સુધી કામ કરશે. તેને જિયો- ઈલિપ્ટિકલ ઓર્બિટમાં સ્થાપિત કરાયું હતું. તેમાં 2 સોલર પેનલ અને બેટરી છે. તેનાથી તેને ઉર્જા મળશે. GSAT-30 સેટેલાઈટ ઈનસેટ 4એની જગ્યા લેશે. ઈનસેટ 4એને વર્ષ 2005માં લોન્ચ કરાયો હતો. તેનાથી ભારતની સંચાર સેવાઓ સારી રહેશે. ઈન્ટરનેટની સ્પીડ વધશે અને સાથે જ તે વિસ્તારોમાં મોબાઈલ સેવાઓ પહોંચશે જ્યાં હજુ સુધી તેનો લાભ મળી શક્યો નથી.
ઈસરોએ જણાવ્યું કે GSAT-30ના કમ્યુનિકેશન પેલોડને વધારે ટ્રાંસપોંડર લગાવવાને માટે વિશેષ રૂપે તૈયાર કરાયો છે. સેટેલાઈટનો વ્યાપક રીતે વીસૈટ નેટવર્ક, ટેલિવિઝન અપલિંકિંગ, ટેલીપોર્ટ સેવાઓ, ડિજિટલ સેટેલાઈટ સંગ્રહણ, ડીટીએચ ટેલિવિઝન સેવાઓની સાથે જળવાયુ પરિવર્તનને સમજવા અને હવામાનની ભવિષ્યવાણી કરવા માટે કરવામાં આવશે.
2020માં 10 સેટેલાઈટ્સ લોન્ચ કરવાની યોજના
ઈસરોએ આ વર્ષે લગભગ 10 સેટેલાઈટ્સ લોન્ચ કરવાની યોજના પર કામ કરી રહ્યું છે. તેમાં આદિત્ય એલ1 સેટેલાઈટ સામેલ છે. આ સેટેલાઈટને 2020ના મધ્ય સુધી લોન્ચ કરવામાં આવશે. આ મિશન સૂર્ય પર અધ્યયન કરનારું પહેલું ભારતીય મિશન હશે. ઈસરોએ ગયા વર્ષે 6 લોન્ચ વાહન અને 7 સેટેલાઈટ મિશન લોન્ચ કર્યા હતા.