દુનિયાના સૌથી ખૂંખાર આતંકી સંગઠન ISISના ચીફ અબૂ હસન અલ હાશિમી માર્યો ગયો છે.
દુનિયામાં આતંકને મોટો ફટકો
ISIS ચીફ અબૂ હસન અલ હાશિમી માર્યો ગયો
ISISના નવા ચીફનું પણ એલાન કરાયું
સીરિયા, ઈરાક, ઈરાન સહિતના દેશોમાં સક્રિય અને જેની ગણના દુનિયાના અતિ ખતરનાક આતંકી સંગઠન તરીકે થાય છે તેવા ઈસ્લામિક સ્ટેટના વડા અબૂ હસન અલ હાશિમી લડાઈમાં માર્યો ગયો છે. ઈસ્લામિક સ્ટેટના પ્રવક્તાએ સત્તાવાર રીતે તેમના મોતની પુષ્ટિ કરી છે.
અલ્લાહના દુશ્મનો સાથે લડતાં શહીદ થયો- ઈસ્લામિક સ્ટેટ
આતંકવાદી જૂથના પ્રવક્તાએ એક નિવેદનમાં જણાવ્યું હતું કે, અલ્લાહના દુશ્મનો સાથે લડતી વખતે અબુ હસન માર્યો ગયો છે. જો કે તેમણે પોતાના મોતના સમય અને સંજોગો અંગે કોઈ માહિતી આપી ન હતી.
Islamic State group leader Abu Hasan al-Hashimi al-Qurashi killed in battle, replacement announced, reports AFP quoting spokesman
ઈસ્લામિક સ્ટેટના નવા લીડર જાહેર થયા
અબૂ હસન અલ હાશિમીના મોત બાદ ઈસ્લામિક સ્ટેટે અબુ અલ-હુસૈની અલ-કુરૈશીને નવા ખલીફા જાહેર કર્યા છે.
2014માં ઈરાકમાં કરવી પડી હતી પીછેહઠ
ઈસ્લામિક સ્ટેટને 2014માં ઈરાક અને બે વર્ષ બાદ સીરિયામાં પીછેહઠ કરવી પડી હતી. સુન્ની મુસ્લિમ ઉગ્રવાદી જૂથના સ્લીપર સેલ હજી પણ બંને દેશોમાં હુમલા કરે છે અને વિશ્વમાં અન્યત્ર હુમલાનો દાવો પણ કરે છે. આઈએસનો અગાઉનો નેતા અબુ ઇબ્રાહિમ અલ-કુરૈશી આ વર્ષની શરૂઆતમાં ઉત્તરી સીરિયાના ઇદલિબ પ્રાંતમાં અમેરિકાના હુમલામાં માર્યો ગયો હતો. જ્યારે તેનો પુરોગામી અબુ બકર અલ-બગદાદી પણ ઓક્ટોબર 2019માં ઇદલિબમાં માર્યો ગયો હતો.