દેશમાં મોદી સરકાર ભષ્ટાચારને ડામવા અનેક પ્રયાસો કરી રહી છે. ત્યારે વડાપ્રધાન નરેન્દ્ર મોદીના હોમ સ્ટેસ્ટ ગુજરાતના સરકારી બાબુઓ જ ભષ્ટાચારમાં અવ્વ્લ હોવાના પુરાવા મળી રહ્યાં છે.
સરકારી કચેરીમાં ક્યાંક કલાર્ક કે પછી ક્યાંક અધિકારીઓ સામાન્ય જનતા પાસેથી લાંચ માંગી પરેશાન કરતા હોય છે. ત્યારે આ વખતે વલસાડ જિલ્લામાં એક વર્ગ બે નો અધિકારી રૂપિયા એક લાખની લાંચ લેતા એન્ટી કરપ્શનના રંગે હાથો ઝડપાઈ ગયો છે. ત્યારે કોણ છે આ લાંચિયો અધિકરી જોઈએ આ અહેવાલ.
ભરૂચ એસીબીએ વાપીમાં સપાટો બોલાવી એક ઉચ્ચ લાંચિયા અધિકારીને લાંચ લેતા રંગે હાથ ઝડપી પાડયો છે. ભરૂચ એસીબીને મળેલ ફરિયાદને આધારે એસીબી'એ વાપીમાં એક છટકું ગોઠવ્યું હતું. જેમાં વલસાડ કસ્ટમ જી એસ ટી વિભાગમાં સુપ્રિટેન્ડેન્ટ તરીકે ફરજ બજાવતો અધિકારી રૂપિયા 1 લાખની લાંચ લેતા રંગે હાથ ઝડપાઇ ગયો છે.
એસીબી'એ વલસાડના કસ્ટમ જીએસટી સુપ્રિટેન્ડેન્ટ નરેન્દ્ર સામરિયાને ઘર પર જ લાંચ લેતા રંગે હાથ ઝડપી પાડતા ચકચાર મચી ગઇસ હતી. આરોપી અધિકારી નરેન્દ્ર સામરિયાએ મંડપ સર્વિસનો વ્યવસાય કરતા એક ફરિયાદી પાસેથી જીએસટી'ની પેનલ્ટી સેટલમેન્ટ માટે 1 લાખની લાંચ માગી હતી. જોકે ફરિયાદીએ એસીબી'ને ઓનલાઈન ફરિયાદ કરતા ભરૂચ એસીબીએ લાંચિયા અધિકારીને લાંચ લેતા રંગે હાથ ઝડપવા એક છટકું ગોઠવ્યું હતું. ફરિયાદી પાસેથી પંચની હાજરીમાં 1 લાખની લાંચ સ્વીકારતાં જ એસીબીએ આરોપી નરેન્દ્ર સામરિયાને ભરૂચ એસીબીએ રંગે હાથ ઝડપી પાડયો હતો.
વર્ગ બે ના અધિકારી નરેન્દ્ર સામરિયા વાપીના ચલા વિસ્તારમાં આવેલ ગુજરાત જીએસટી ઓફિસમાં સુપ્રિટેન્ડેન્ટ તરીકે ફરજ છે, પરંતુ તેણે ફરિયાદીને 1 લાખની લાંચ લેવા ચલા વિસ્તારમાં આવેલા તેના ઘર પર બોલાવ્યો હતો. આથી એસીબી ફરિયાદીને લઇ તેના ઘર રોયલ ડ્રિમ એપાર્ટમેન્ટ નજીક બોલાવ્યો હતો.
વલસાડ જિલ્લામાં છાસવારે લાંચ લેતા ઝડપાતા સરકારી અધિકારી બાબુઓ સરકારી ભષ્ટાચારની ચાડી ખાય છે. આ વખતે અરજદારે ભરૂચ એન્ટી કરપશનને ફોન કરી પોતાની ફરિયાદ નોંધાવી હતી અને આરોપી અધિકારી પોતાના એપાર્ટમેન્ટના નીચે આવ્યો હતો અને ફરિયાદી પાસેથી પંચની હાજરીમાં 1 લાખની લાંચ સ્વીકારતાં જ એસીબીએ આરોપી નરેન્દ્ર સામરિયાને ભરૂચ એસીબીએ રંગે હાથ ઝડપી પાડયો હતો.
આમ લાચિયો અધિકારી ઝડપાતાં જિલ્લાના અન્ય લાંચિયા સરકારી બાબુઓમાં પણ ફફડાટ વ્યાપી ગયો હતો. હવે એસીબી તેના ઘર અને બેન્ક ડીટેલની પણ કડક તપાસ કરે તો મોટો ભષ્ટાચાર બહાર આવે તો નવાઈ નહીં.