Fact Check / શું શેમ્પૂથી થઈ રહ્યું છે કેન્સર? પ્રોડક્ટ પાછી મંગાવવા મુદ્દે કંપનીએ કરી સ્પષ્ટતા

• યુનિલિવરના ડ્રાય શેમ્પૂની ઘણી બ્રાન્ડ્સમાં બેન્ઝીન નામનું ખતરનાક રસાયણ 
• કંપનીએ યુએસ માર્કેટમાંથી તેના ઉત્પાદનો પાછા મંગાવ્યા 
• ભારતમાં આવી કોઈ પ્રોડક્ટ વેચી નથી: હિન્દુસ્તાન યુનિલિવર 

યુનિલિવરના ડ્રાય શેમ્પૂની ઘણી બ્રાન્ડ્સમાં બેન્ઝીન નામનું ખતરનાક રસાયણ હોવાનું જાણવા મળતાં કંપનીએ યુએસ માર્કેટમાંથી તેના ઉત્પાદનો પાછા બોલાવી લીધા છે. આ દરમિયાન યુનિલિવરની પેટાકંપની હિન્દુસ્તાન યુનિલિવર (HUL)એ જણાવ્યું હતું કે, તેણે ભારતમાં આવી કોઈ પ્રોડક્ટ વેચી નથી. કંપનીના ઘણા શેમ્પૂ બ્રાન્ડ્સમાં બેન્ઝીન નામનું ખતરનાક કેમિકલ મળી આવ્યું છે જેનાથી કેન્સર થવાનો ખતરો છે. આ કારણે કંપનીએ યુએસ માર્કેટમાંથી ડવ, નેક્સસ, સુવે, ટિગી અને ટ્રેસેમ એરોસોલ સહિત ઘણા ડ્રાય શેમ્પૂ પાછા મંગાવ્યા છે.

હિન્દુસ્તાન યુનિલિવરના જણાવ્યા અનુસાર, કંપની ભારતમાં આવી પ્રોડક્ટ્સનું ઉત્પાદન કે વેચાણ કરતી નથી. કંપનીના પ્રવક્તાએ કહ્યું છે કે, “હિન્દુસ્તાન યુનિલિવર ભારતમાં ડ્રાય શેમ્પૂનું ઉત્પાદન કે વેચાણ કરતું નથી. યુનિલિવરે પોતે જ ઑક્ટોબર 2021 પહેલાં ઉત્પાદનમાં યુએસ અને કેનેડામાંથી પસંદ કરેલા ઘણાં ડ્રાય શેમ્પૂને કાળજીપૂર્વક પાછા મંગાવ્યાં છે. કંપનીએ આંતરિક તપાસ બાદ આ નિર્ણય લીધો છે.

આ શેમ્પૂ કયા વધુ વેચાય છે ? 

યુનિલિવર Dav ડ્રાય શેમ્પૂ મુખ્યત્વે યુએસ અને કેનેડાના બજારોમાં વેચાય છે. સૂત્રોના જણાવ્યા અનુસાર, આ શેમ્પૂમાં ઓર્ગેનિક કેમિકલ બેન્ઝીન વધુ માત્રામાં મળી આવ્યું છે, જે માનવ શરીરમાં કેન્સર પેદા કરતા કોષોને ઉત્તેજિત કરી શકે છે. આ કારણે કંપનીએ ઘણી બ્રાન્ડને પરત બોલાવી છે. જોકે આ પહેલો કિસ્સો નથી જ્યારે પર્સનલ કેર પ્રોડક્ટ્સ પર પ્રશ્નો ઉઠાવવામાં આવ્યા હોય.

શુષ્ક(ડ્રાય) શેમ્પૂ શું છે?

કોલિન્સ ડિક્શનરી અનુસાર, ડ્રાય શેમ્પૂ પાવડર અથવા સ્પ્રે સમાન છે. આવા ઉત્પાદનોનો ઉપયોગ સામાન્ય રીતે વાળને ભીના કર્યા વિના સાફ કરવા માટે કરવામાં આવે છે. આ પહેલીવાર નથી કે, જ્યારે સ્પ્રે-ઓન ડ્રાય શેમ્પૂ પર સવાલ ઉઠાવવામાં આવ્યા હોય. કંપનીએ ઉત્પાદનોમાં મળી આવેલ બેન્ઝીનની માત્રા જાહેર કરી નથી. ફૂડ એન્ડ ડ્રગ એડમિનિસ્ટ્રેશને કહ્યું છે કે,  રિકોલ કરાયેલ ઉત્પાદનોમાં બેન્ઝીનના દૈનિક સંપર્કમાં સ્વાસ્થ્ય પર પ્રતિકૂળ પરિણામો આવવાની શક્યતા છે. બ્લૂમબર્ગે એજન્સીને ટાંકીને કહ્યું કે બેન્ઝીનના સંપર્કમાં આવવાથી લ્યુકેમિયા અને અન્ય બ્લડ કેન્સર થઈ શકે છે.