રાહત / ભાડૂઆત ભાડૂ ન ચુકવે તો મકાન માલિક આ કામ નહીં કરી શકે, મકાનભાડાને લઈને સુપ્રીમનો મોટો ચુકાદો

• મકાન ભાડાને લઈને સુપ્રીમે સંભળાવ્યો મોટો ચુકાદો
• ભાડૂઆત વતી ભાડુ ન આપવું સિવિલ વિવિદનો કેસ
• ભાડૂ ન ચૂકવવું ગુનાહિત કેસ નથી

મકાનમાલિક અને ભાડૂઆત વચ્ચે અવારનવાર ઝગડાઓ સામે આવતા હોય છે. તેમની બન્નેની વચ્ચેનો આવો જ એક ઝગડો સુપ્રીમમાં પહોંચ્યો છે. આ કેસમાં ચુકાદો સંભળાવતા સુપ્રીમે કહ્યું કે ભાડૂ ન આપવું આઈપીસીની કલમ હેઠળ કેસ ન બની શકે. 

સુપ્રીમને ભાડૂઆતને આપી મોટી રાહત 
સુપ્રીમ કોર્ટે કહ્યું છે કે ભાડૂત વતી ભાડું ન ચૂકવવું એ સિવિલ વિવાદનો મામલો છે, તે ફોજદારી કેસ નથી. સુપ્રીમ કોર્ટે કહ્યું કે જો ભાડૂત ભાડું ન ચૂકવે તો તેના માટે IPC કલમ હેઠળ કેસ ન થઈ શકે. 

ભાડૂ ન આપવું સિવિલ વિવાદ ગણાય

સુપ્રીમ કોર્ટના જસ્ટિસ સંજીવ ખન્ના અને જસ્ટિસ બેલા એમ ત્રિવેદીએ આ કેસનો ચુકાદો જાહેર કરતા જણાવ્યું કે ભાડું ન ચૂકવવું એ સિવિલ વિવાદ છે. તે ગુનાહિત મામલો બનતો નથી. ભાડૂ ન ચુકવવું  IPC હેઠળ કોઈ કેસ બનતો નથી. આ કિસ્સામાં એફઆઈઆર રદ કરવામાં આવે છે. સુપ્રિમ કોર્ટે કહ્યું કે બાકી ભાડાની બાકી રકમ અને ભાડૂત સામે મકાન ખાલી કરવા અંગેના વિવાદનું સમાધાન સિવિલ કાર્યવાહી હેઠળ કરવામાં આવશે.

ભાડૂ ન ચૂકવતા મકાનમાલિકે ભાડૂઆતની સામે કેસ કર્યો હતો 

નીતુ સિંહ વિરુદ્ધ યુપી રાજ્યનો મામલો સુપ્રીમ કોર્ટમાં આવ્યો હતો. ભાડૂઆત  વિરુદ્ધ IPCની કલમ-403 (પ્રોપર્ટીનો અપ્રમાણિક ઉપયોગ) અને 415 (છેતરપિંડી) હેઠળ કેસ નોંધવામાં આવ્યો હતો. આ કેસમાં અલ્હાબાદ હાઈકોર્ટે અરજદારની અરજી પર રાહત આપવાનો ઈન્કાર કરી દીધો હતો અને નોંધાયેલ કેસને રદ કરવાનો ઈન્કાર કરી દીધો હતો. જે બાદ મામલો સુપ્રીમ કોર્ટમાં આવ્યો હતો.