ભારતીય વીમા વિનિયામક અને વિકાસ પ્રાધિકરણ (IRDA)ને દેશમાં વધતા કોરોના વાયરસના સંક્રમણની વધતી સંખ્યાની વચ્ચે વીમા કંપનીઓને 10 જુલાઈ સુધી શોર્ટ ટર્મ પોલીસી અથવા કોરોના કવચ વીમાને જાહેર કરવાની સૂચના આપી છે. વધુમાં તેમને કહેવાયું છે કે વીમા પોલીસી સાડા 3 મહિના, સાડા 6 મહિના અને સાડા 9 મહિનાની રાખવામાં આવે. માન્ય કોવિડ વીમા પોલીસી 50 હજાર રૂપિયાના ગુણાંકના સંરક્ષણ સાથે 5 લાખ સુધીનું વીમા કવચ આપનારી હોય તે ધ્યાન રાખવામાં આવે.
કોરોનાને લઈને કેન્દ્ર સરકારનો વીમા કંપનીઓને આદેશ
વીમા કંપનીઓ કોરોના માટે પોલીસી લોંચ કરેઃ IRDA
10 જુલાઈ સુધીમાં લોંચ કરવી પડશે શોર્ટ ટર્મ પોલીસી
નિયામકે કહ્યું છે કે આ પોલીસીને કોરોના કવચ વીમા નામ આપવામાં આવે. કંપનીઓ આ પછી પોતાનું નામ જોડી શકે છે. અન્ય નિર્દેશમાં કહેવાયું છે કે ઉત્પાદકોને માટે એકલ પ્રીમિયમ ભુગતાન કરવાનું રહેશે. તેના પ્રીમિયમ આખા દેશમાં એકસમાન રહેશે. ક્ષેત્ર કે ભૌગોલિક સ્થિતિ અનુસાર તેનું પ્રીમિયમ અલગ નહીં રાખવામાં આવે. આ પોલીસીમાં કોવિડની સાથે અન્ય બીમારીની સારવારનો ખર્ચ પણ સામેલ હશે. જેમાં ગ્રાહકોને 5 લાખ રૂપિયા સુધીનું વીમા કવચ મળશે.
પોલીસીમાં આ સુવિધાઓને ધ્યાનમાં રખાશે
નિયામકે કહ્યું છે કે વીમા કંપનીઓ ઉત્પાદનોમાં કોવિડની સાથે હોસ્પિટલમાં એડમિટ થવું, ઘરે સારવાર કરાવવી, આયુષથી સારવાર કે અન્ય હોસ્પિટલમાં એડમિટ થતા પહેલાં અને એડમિટ થયા બાદના ખર્ચને કવર કરશે. આ સિવાય સામાન્ય અને સ્વાસ્થ્ય વીમા કંપનીઓ એ નક્કી કરે કે આ રીતે વીમા કવચ 10 જુલાઈ 2020 પહેલાં મળી રહે.