ભાવનગર / IPS સફિન હસનની દુકાનદાર સાથે મારપીટ થઇ હતી, જુગાર રમાતો હોવાની પોલીસને મળી હતી બાતમી

• IPS સફિન હસનનો વીડિયો થયો હતો વાયરલ
• વીડિયો પાર્લર સાથે મારપીટનો વીડિયો આવ્યો હતો સામે
• પોલીસને અહીં જુગાર રમાતો હોવાની મળી હતી ફરિયાદ

કોઇએ પોલીસને સૂચના આપી હતી કે ભાવનગરના શિવાજી સર્કલ પાસે આવેલા ગોપી કોમ્પલેક્સમાં પટેલ વીડિયો પાર્લર નામથી ચાલી રહેલી દુકાનમાં જુગાર રમાઇ રહ્યો છે. જોકે જ્યારે તપાસમાં કરવામાં આવી તે સમયે પોલીસને કંઇ મળ્યું ન હતું. અહીં સફિન હસન પણ પહોંચ્યા હતા જે દરમિયાન દુકાનદાર સાથે બોલાચાલી થઇ હતી.

આ વીડિયો પાર્લરમાં જુગાર રમાતી હોવાની વારંવાર ફરિયાદો મળી હતીઃ સફિન હસન

જોકે આ અંગે પોલીસના સૂત્રો પાસેથી મળતી માહિતી અનુસાર, વીડિયો ગેમિંગ પાર્લરમાં જુગાર રમાતો હોવાની ફરિયાદો આવી હતી. ત્યારબાદ અનેક વખત ચેતવણી પણ આપવામાં આવી હતી. તેમ છતા પણ ત્યાં આવી પ્રવૃત્તિઓ ચાલતી રહેતી હતી. આ દુકાનદાર શહેરની ત્રણ જગ્યાઓ પર ગેમિંગ પાર્લરના ચલાવતો હોવાની ફરિયાદો પણ મળી હતી. જ્યારે પોલીસ તપાસ માટે ગઇ તો તેણે ASP સાથે પણ ગેરવર્તણૂંક કરી હતી. તેના નામે અનેક ગુનાઓ વિવિધ પોલીસ સ્ટેશનમાં નોંધાયેલા છે. દુકાનદારે એવા શબ્દો વાપર્યા હતા જેને લઇને આ બનાવ બન્યો હતો. જોકે અહીં જૂગાર જેવી પ્રવૃત્તિઓ ચાલતી હોવાની વારંવાર ફરિયાદો મળતી રહી છે. પોતાનો મોબાઇલ દેખાડવાની પણ મનાઇ કરી હતી. અસભ્ય ભાષામાં વર્તન કરતા પોલીસે લાલઆંખ કરી હતી.

વીડિયો પાર્લરના માલિક મકવાણાએ આરોપ હતો કે IPS સફિને તેમને દુકાન બંધ કરવા માટે ધમકી આપી અને તેમની સાથે અભદ્ર વ્યવહાર કર્યો હતો. આ ઘટના બાદ મકવાણા પ્રાથમિક ઉપચાર માટે હોસ્પિટલમાં દાખલ થઇ ગયા હતા. આ ઘટનાને લઇને ભાવનગરના લોકોના મિશ્ર પ્રતિસાદ છે. કેટલાક લોકો પોલિસની આલોચના પણ કરી રહ્યાં છે. 

નોંધનીય છે તે હસન રાજકોટમાં હીરા ઘસનારા દંપત્તિ મુસ્તફા અને નસીમના દીકરા છે. હસનના માતા-પિતાએ ખૂબ મહેનત કરીને દિકરાને ભણાવ્યો છે. હસનની માતા લગ્નોમાં રોટલી વણવા જતી હતી અને તેમની મહેનત રંગ લાવી, આજે તેમનો દિકરો IPS છે.