- પાંચ વર્ષ માટે વેચાયા IPLના મીડિયા રાઈટ્સ
- ત્રણ કંપનીઓએ 48,390 કરોડમાં ખરીદ્યાં
- ડિઝની સ્ટાર, વાયકોમ18 અને ટાઈમ્સ ઈન્ટરનેટે ખરીદ્યા રાઈટ્સ
- ડિઝની સ્ટારે 23,575 કરોડમાં ખરીદ્યાં ટીવી ટેલિકાસ્ટના રાઈટ્સ
- વાયકોમ ડિજિટલ 23,758 કરોડમાં ખરીદ્યા ડિજિટલ રાઈટ્સ
ભારતીય ક્રિકેટ બોર્ડ દ્વારા હવે આઇપીએલના મીડિયા રાઈટ્સની જાહેરાત કરવામાં આવી છે. ત્રણ મોટી કંપનીઓએ પાંચ વર્ષ માટે આઇપીએલના રાઈટ્સ રુપિયા 48,390 કરોડમાં ખરીદ્યા છે, જેની જાહેરાત બીસીસીઆઇના સેક્રેટરી જય શાહે કરી છે. આઈપીએલના સત્તાવાર ટ્વિટર એકાઉન્ટ પર પણ આ વાતની પુષ્ટિ થઈ છે.
ત્રણ કંપનીઓએ ચુકવી મસમોટી રકમ
પાંચ વર્ષના સમયગાળા માટે આઈપીએલના મીડિયા રાઈટ્સ ખરીદવા માટે ત્રણ કંપનીઓ ડિઝની સ્ટાર, વાયકોમ18 અને ટાઈમ્સ ઈન્ટરનેટે 48,390 કરોડ ખર્ચી નાખ્યાં છે જેમાંથી વાયકોમે 23,758 કરોડનો ખર્ચ કર્યો છે.
ડિઝની સ્ટારે 23,575 કરોડમાં ખરીદ્યાં ટીવી ટેલિકાસ્ટના રાઈટ્સ
ડિઝની સ્ટારે 23,575 કરોડમાં ખરીદ્યાં ટીવી ટેલિકાસ્ટના રાઈટ્સ છે.
આ ત્રણ કંપનીઓએ ખરીદ્યાં મીડિયા રાઈટ્સ
સ્ટાર સ્પોર્ટ્સ ઇન્ડિયા, વાયકોમ 18 અને ટાઇમ્સ ઇન્ટરનેટે મીડિયા રાઇટ્સ ખરીદી લીધા છે. બીસીસીઆઈના સચિવ જય શાહે ટ્વિટ કરીને ત્રણેય કંપનીઓને અભિનંદન આપતા કહ્યું કે, "હું ઓસ્ટ્રેલિયા, દક્ષિણ આફ્રિકા અને યુકેના ડિજિટલ અધિકારો જીતવા બદલ વાયકોમ 18ને અભિનંદન આપું છું. હું ટાઇમ્સ ઇન્ટરનેટને મેના અને યુ.એસ.ના અધિકારો ઉપરાંત અન્ય દેશોના વિશ્વ અધિકારો જીતવા બદલ અભિનંદન આપું છું. આઇપીએલ ભારતની બહાર જેટલી લોકપ્રિય છે તેટલી જ અહીં પણ છે અને પ્રેક્ષકો ટોપ ક્લાસ ક્રિકેટનો આનંદ માણી શકશે. પેકેજ A એટલે કે આઈપીએલના 2023થી 2027 સુધી ભારતીય ઉપમહાદ્વીપના ટીવી રાઈટ્સ સ્ટાર ઈન્ડિયાએ ખરીદ્યા છે. ડિઝની સ્ટારે પેકેજ એ માટે 23,575 કરોડ રૂપિયાની બોલી લગાવી હતી. આ રીતે આઇપીએલની મેચ માટે સ્ટારને 57.5 કરોડ રૂપિયા ચૂકવવા પડશે.
વાયકોમે 23,758 કરોડમાં ખરીદ્યા ડિજિટલ રાઈટ્સ
આઇપીએલના આગામી પાંચ વર્ષ માટે ભારતીય ઉપખંડના પેકેજ બી એટલે કે ડિજિટલ સ્ટ્રીમિંગ રાઈટ્સ વાયકોમે રુપિયા 20,500 કરોડમાં ખરીદ્યા છે. વાયકોમ આઈપીએલ મેચના ડિજિટલ પ્રવાહ માટે બીસીસીઆઈને 50 કરોડ રૂપિયા ચૂકવશે. વાયકોમ અને ટાઇમ્સ ઇન્ટરનેટે પેકેજ ડી એટલે કે આઈપીએલ 2023-27 ના વર્લ્ડ મીડિયા રાઇટ્સ માટે 1,057 કરોડની બોલી લગાવી હતી. આમ, આઇપીએલની મેચ માટે આ કંપનીઓએ 2.6 કરોડ રૂપિયા બીસીસીઆઇને ચૂકવવા પડશે. આમ, આગામી પાંચ વર્ષમાં બીસીસીઆઇને આઇપીએલના મીડિયા રાઈટ્સમાંથી 48,390ની કમાણી થશે.
