મુંબઈ ઈન્ડિયન્સની ટીમ જ્યારે મુશ્કેલીમાં હતી તો અનુભવી રોહિત શર્માએ જવાબદારી પોતાના હાથોમાં લીધી અને પોતાના હિસાબથી ફિલ્ડ લગાવતા હાર્દિક પંડ્યાને ડીપ ફિલ્ડિંગ કરવાનો આદેશ આપ્યો. હકીકતે સનરાઈઝર્સ હૈદરાબાદે ગઈકાલે રાત્રે આઈપીએલના ઈતિહાસનો સૌથી મોટો સ્કોર બનાવતા મુંબઈ ઈન્ડિયન્સની બોલિંગ અટેકના ચિથડા ઉડાવી નાખ્યા.
હૈદરાબાદે બનાવ્યો ટૂર્નામેન્ટનો સૌથી મોટો સ્કોર
હૈદરાબાદના રાજીવ ગાંધી સ્ટેડિયમ પર યોજાયેલી આ મેચમાં પહેલા બેટિંગ કરતા હૈદરાબાદે પોતાના ત્રણ બેટ્સમેનની તૂફાની ઈનિંગના કારણે ત્રણ વિકેટના નુકસાન પર 277 રન બનાવીને ટૂર્નામેન્ટનો સૌથી મોટો સ્કોર ઉભો કરી લીધો.
જવાબમાં મુંબઈના બેટ્સમેનોએ પણ ખૂબ સંઘર્ષ કરતા 20 ઓવરમાં પાંચ વિકેટ પર 246 રન બનાવીને આ વિશાળ સ્કોરને પડકારવાનો સંપૂર્ણ પ્રયત્ન કર્યો. પરંતુ તે પોતાના લક્ષ્યથી દૂર રહી ગયા અને હૈદરાબાદે 31 રનોથી જીત નોંધાવતા હાલની ટૂર્નામેન્ટમાં પોતાનું ખાતુ ખોલ્યું.
આકાશ અંબાણીએ રોહિત શર્મા સાથે કરી વાત
આ શરમજનક હાર બાદ ટીમના માલિક અને દુનિયાના સૌથી અમીર ઉદ્યોગપતિઓમાંથી એક મુકેશ અંબાણીના દિકરા આકાશ અંબાણી રોહિત શર્મા સાથે વાતચીત કરતા જોવા મળ્યા. રોહિત શર્માની કેપ્ટન્સીમાં જ મુંબઈ ઈન્ડિયન્સે એક-બે નહીં પરંતુ પાંચ વખત ફાઈનલ જીતી.
વધુ વાંચો: હાર્દિક પંડ્યા કરી બેઠો આ મોટી ભૂલ, બે મેચમાં ફેલ, દિગ્ગજો બોલ્યાં, 'બરોબર કેપ્ટન નથી'
આ સીઝન પહેલા રોહિત શર્માને અચાનક કેપ્ટન્સીથી હટાવતા હાર્દિક પંડ્યાને કેપ્ટન્સી સોંપવામાં આવી હતી. જેના બાદથી દુનિયાભરમાં રહેલા મુંબઈ ઈન્ડિયન્સના ક્રિકેટ ફેનમાં ભારે નારાજગી છે. અમદાવાદમાં રમાયેલી મેચ બાદ હવે હૈદરાબાદમાં પણ હાર્દિક પંડ્યાને સ્ટેડિયમની અંદર હૂટિંગનો સામનો કરવો પડ્યો.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
