IPL 2024 સીઝનની 8મી મેચ આજે હૈદરાબાજના રાજીવ ગાંધી ઈન્ટરનેશનલ સ્ટેડિયમમાં રમાશે. આ મેચમાં મુંબઈ ઈન્ડિયન્સ અને સનરાઈઝર્સ હૈદરાબાદની ટીમ આમને સામને હશે. આ મેચ સાંજે 7.30 વાગ્યાથી રમાશે.
આ મેચમાં આઈપીએલના ઈતિહાસના સૌથી મોંઘા કેપ્ટન પેટ કમિંસ અને હાર્દિક પંડ્યાની વચ્ચે ટક્કર થશે. કમિંસને હૈદરાબાદ ફ્રેંચાઈઝી એક સીઝન માટે 20.50 કરોડ રૂપિયા આપી રહી છે. જ્યારે પંડ્યાને મુંબઈએ ટ્રેડ દ્વારા ટીમમાં સામેલ કર્યો છે. તેમને 15 કરોડ રૂપિયા મળી રહ્યા છે.
બન્ને ટીમો આજે જીતનું ખાતું ખોલવા ઉતરશે
બીજી બાજુ બન્ને ટીમ મુંબઈ અને હૈદરાબાદ આ સીઝનમાં અત્યાર સુધી જીતનું ખાતુ નથી ખોલી શકી. તેની આ બીજી મેચ છે. એવામાં આજે પંડ્યા અને કમિંસ બન્ને જીતનું ખાતુ ખોલાવવા પુરૂ જોર લગાવશે. હૈદરાબાદને પોતાની પહેલી મેચમાં કલકત્તા નાઈટરાઈડર્સે 4 રનોથી હરાવ્યું હતું. જ્યારે મુંબઈને ગુજરાત ટાઈટન્સે 6 રનોથી હરાવ્યું હતું.
વધુ વાંચો: કોહલીએ એવો કયો રેકોર્ડ સર્જ્યો કે કરી લીધી MS ધોનીની બરાબરી, જુઓ ટોપ પર કોનું નામ
હૈદરાબાદ પર હંમેશા ભારે પડ્યું મુંબઈ
જો રેકોર્ડ જોવામાં આવે તો હૈદરાબાદના સામે હંમેશા જ મુંબઈનું પલડુ ભારે રહ્યું છે. બન્ને ટીમોની વચ્ચે અત્યાર સુધી 21 મેચ થઈ છે. જેમાં મુંબઈએ 12 અને હૈદરાબાદે 9 મેચોમાં જીત નોંધાવી છે. જો પાછલી 5 મેચોનો રેકોર્ડ જોઈએ તો તેમાં મુંબઈ ઈન્ડિયન્સ સંપૂર્ણ રીતે હાવી જોવા મળી. આ 5માંથી તેણે 4 મેચ જીતી. જ્યારે એકમાં હૈદરાબાદ જીતી છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
