IPL 2022 / ગુજરાત સહિત આ ટીમોની પ્લેઓફમાં એન્ટ્રી પાક્કી! છેલ્લા સ્પોટ માટે ભારે રસાકસી

• IPLની 10 ટીમોમાંથી બે પ્લેઓફની રેસમાંથી બહાર થઇ
• બાકી 8 ટીમો હજી પણ અંતિમ 4માં પહોંચવાની સંપૂર્ણ કોશિશ
• આઈપીએલ 2022માં સૌથી વધુ પ્રભાવ બે નવી ટીમોએ છોડ્યો

ગુજરાત અને લખનઉનો માર્ગ સરળ

જો કે, આઈપીએલના વર્તમાન પોઈન્ટ ટેબલને ધ્યાનમાં રાખી ઘણુ બધુ સ્પષ્ટ થઇ રહ્યું છે કે આ વર્ષે કઈ 4 ટીમો આઈપીએલના પ્લેઑફમાં એકબીજા સાથે ટકરાશે. આઈપીએલ 2022માં સૌથી વધુ પ્રભાવ બે નવી ટીમોએ છોડ્યો છે. હાર્દિક પંડ્યાની આગેવાનીવાળી ગુજરાત ટાઈટન્સ અને કેએલ રાહુલની લખનઉ સુપર જાયન્ટ્સ સારું પ્રદર્શન કરી રહી છે. આ બંને ટીમોનુ પ્લેઑફમાં પહોંચવુ નક્કી છે. જ્યાં ગુજરાતને અંતિમ 4માં સમાપ્ત કરવા માટે ફક્ત એક જીતવાની જરૂર છે. તો લખનઉની ટીમ બે જીતની સાથે પ્લેઑફમાં પાક્કુ સ્થાન કરી લેશે. અત્યારે ગુજરાત 11 મેચમાં 16 પોઈન્ટ સાથે પ્રથમ સ્થાને છે. તો લખનઉની ટીમ 10 મેચમાં 14 પોઈન્ટ સાથે બીજા સ્થાને છે.  

RCB અને રાજસ્થાનને મળી રહી છે ટક્કર

તો ત્રીજી અને ચોથી ટીમ રાજસ્થાન રોયલ્સ અને રોયલ ચેલેન્જર્સ બેંગ્લોર હોઇ શકે છે. રાજસ્થાન 10 મેચમાં 12 પોઈન્ટની સાથે ટેબલમાં ત્રીજા સ્થાને છે. તો આરસીબી 11 મેચમાં 12 પોઈન્ટની સાથે ચોથા નંબરે છે. આ બંને ટીમોને સનરાઈઝર્સ હૈદ્રાબાદ, દિલ્હી કેપિટલ્સ અને પંજાબ કિંગ્સને તગડી ટક્કર મળવાની છે. આ ત્રણેય ટીમોના અત્યાર સુધી 10-10 પોઈન્ટ છે. જ્યારે આઇપીએલના પ્લેઓફની રેસમાંથી ત્રણ ટીમ લગભગ બહાર થઈ ચૂકી છે. આમાં સૌથી પહેલાં મુંબઈ ઇન્ડિયન્સનું નામ આવે છે. જ્યારે પ્લેઓફની રેસમાંથી બહાર થનારી બીજી ટીમ ચેન્નઈ સુપર કિંગ્સ છે. આ ઉપરાંત ત્રીજી ટીમ કોલકાતા નાઇટ રાઇડર્સ છે. ૧૦ મેચમાંથી આઠ પોઇન્ટ સાથે કોલકાતાની ટીમ સૌથી નીચેથી ત્રીજા સ્થાન પર છે. હવે કોલકાતાનું પ્લેઓફમાં પહોંચવું લગભગ અશક્ય લાગી રહ્યું છે.