વિશ્વના સૌથી મોટા ક્રિકેટ સ્ટેડિયમમાં રમાયેલી ઇન્ડિયન પ્રીમિયર લીગ 2022નું ગુજરાત ટાઈટન્સ ચેમ્પિયન બન્યું છે. ફાઇનલ મેચમાં રાજસ્થાન રૉયલ્સને 7 વિકેટથી હરાવ્યું છે.
ગુજરાત ટાઇટન્સે રાજસ્થાન રૉયલ્સને માત આપીને ફાઇનલમાં જગ્યા બનાવી હતી. ત્યારે રાજસ્થાન રૉયલ્સે ક્વોલિફાયર-2માં રૉયલ ચેલેન્જર્સ બેંગલુરૂને માત આપી હતી. જેને લઇને રાજસ્થાન ફાઇનલમાં પહોંચ્યું હતું. ફાઇનલ મુકાબલામાં બન્ને ટીમો વચ્ચે જબરદસ્ત જંગ જોવા મળી હતો. રાજસ્થાન રૉયલ્સે ગુજરાત ટાઇટન્સને જીત માટે 131 રનનો ટાર્ગેટ આપ્યો હતો. ટૉસ જીતીને પહેલા બેટિંગ કરતા રાજસ્થાને 9 વિકેટ પર 130 રન બનાવ્યા હતા. જેના જવાબમાં ગુજરાત ટાઇટન્સે 3 વિકેટના નુકસાને 133 રન બનાવીને જીત મેળવી લીધી હતી.
હાર્દિક મેચના હીરો
કેપ્ટન હાર્દિક પંડ્યા 30 બોલ પર 34 રન બનાવીને કેચ આઉટ થયા હતા. ગુજરાત ટાઇટન્સ તરફથી હાર્દિક પંડ્યાએ 17 રન આપીને 3 વિકેટ ઝડપી. ત્યારે, આર. સાઈ કિશોરે બે વિકેટ ઝડપી હતી.. ગુજરાત ટાઇટન્સે રાજસ્થાન રોયલ્સને 7 વિકેટે હરાવી પોતાની પ્રથમ IPLમાં ચેમ્પિયન બનીને ઇતિહાસ રચ્યો છે.
ધોનીના ક્લબમાં સામેલ થયા હાર્દિક
હાર્દિક પંડ્યા આઈપીએલ જીતનારા ચોથા ભારતીય કેપ્ટન છે. આ પહેલા એમએસ ધોની, ગૌતમ ગંભીર, રોહિત શર્મા આ ઉપલબ્ધિ હાંસલ કરી ચૂક્યા છે. ગુજરાત ટાઇટન્સ IPL જીતનારી 7મી ટીમ બની છે.
મેચની અપડેટ્સ...
ગુજરાતને ત્રીજો ઝટકોઃ કેપ્ટન હાર્દિક પંડ્યા આઉટ
ગુજરાત ટાઇટન્સને સૌથી મોટો ઝટકો લાગ્યો છે. તો રાજસ્થાનને ત્રીજી સફળતા મળી છે. કેપ્ટન હાર્દિક પંડ્યા 30 બોલ પર 34 રન બનાવીને કેચ આઉટ થયો. મિલર અને ગિલ ક્રીઝ પર છે. હવે ગુજરાતને 38 બોલ પર 43 રનની જરૂરિયાત છે.
ગુજરાતનો સ્કોર 80ને પાર
12 ઓવરની પૂર્ણ થયા બાદ ગુજરાત ટાઇટન્સનો સ્કોર 2 વિકેટ પર 80 રન છે. શુભમન ગિલ 31 અને હાર્દિક પંડ્યા 32 રન બનાવીને મેદાન પર છે.
ગુજરાતને બીજો ઝટકોઃ મૈથ્યૂ વેડ આઉટ
મૈથ્યૂ વેડનું ખરાબ પર્ફોમન્સ છે. વેડને ટ્રેન્ટ બોલ્ટે રિયાન પરાગના હાથે કેચ આઉટ કરી દીધો. વેડ 10 બોલ રમીને આઠ રન બનાવી શક્યા. 4.4 ઓવરમાં ગુજરાતનો સ્કોર 2 વિકેટ પર 23 રન છે. હાર્દિક પંડ્યા અને શુભમન ગિલ બેટિંગ કરી રહ્યા છે.
ગુજરાતને પહેલો ઝટકોઃ સાહા પેવેલિયન ભેગા થયા
રાજસ્થાન રૉયલ્સે શરૂઆતમાં જ એક સફળતા મળી છે. ઋદ્ધિમાન સાહાને પ્રસિદ્ધ કૃષ્ણાએ બોલ્ડ આઉટ કરી દીધા. સાહાએ માત્ર 5 રનનું યોગદાન આપ્યું. જોકે, શુભમન ગિલ અને મૈથ્યૂ વેડ બેટિંગ કરી રહ્યા છે.
ગુજરાતની બેટિંગ શરૂ
ગુજરાત ટાઇટન્સની બેટિંગ શરૂ થઇ ચૂકી છે. શુભમન ગિલ અને ઋદ્ધિમાન સાહા ક્રીઝ પર છે. રાજસ્થાન તરફથી પહેલી ઓવર ટ્રેન્ટ બોલ્ટે ફેંકી, જેમાં 5 રન બન્યા.
ગુજરાતને 131 રનનો ટાર્ગેટ
રાજસ્થાન રૉયલ્સે ગુજરાત ટાઇટન્સને જીત માટે 131 રનનો ટાર્ગેટ આપ્યો છે. ટૉસ જીતીને પહેલા બેટિંગ કરતા રાજસ્થાને 9 વિકેટ પર 130 રન બનાવ્યા. રાજસ્થાન માટે જોસ બટલરે સૌથી વધુ 39 અને યશસ્વી જાયસવાલે 22 રન બનાવ્યા. બાકી કોઈ બેટ્સમેન ક્રીઝમાં ટકી ન રમી શક્યા. ગુજરાત ટાઇટન્સ તરફથી હાર્દિક પંડ્યાએ 17 રન આપીને 3 વિકેટ ઝડપી. ત્યારે, આર. સાઈ કિશોરે બે વિકેટ ઝડપી.
રાજસ્થાનની 6 વિકેટ પડી
રાજસ્થાનને છઠ્ઠો ઝટકો લાગ્યો છે. રવિચંદ્રન અશ્વિન 6 રન બનાવીને આઉટ થઇ ગયો છે. અશ્વિનને આર.સાઈ કિશોરે ડિવડ મિલરના હાથે કેચ આઉટ કરાવ્યો. 16 ઓવરમાં રાજસ્થાનનો સ્કોર 6 વિકેટ પર 98 રન છે.
હેટમાયર આઉટ
રાજસ્થાનની ટીમ અધવચ્ચે ફસાઇ ગઈ છે અને તેના પાંચ ખેલાડી ચાલતા બન્યા છે. શિમરૉન હેટમાયર પણ ચાલતા બન્યા છે. હેટમાયરને હાર્દિક પંડ્યાને કૉટ એન્ડ બોલ્ડ આઉટ કર્યા. હેટમાયર અંદાજિત 11 રન બનાવી શક્યા. 15 ઓવરમાં રાજસ્થાનને અંદાજિત 94 રન બનાવ્યા છે.
રાજસ્થાનને સૌથી મોટો ઝટકો
રાજસ્થાન રૉયલ્સને એક બાદ એક ઝટકા મળી રહ્યા છે. રાશિદ ખાનના બોલ પર દેવદત્ત પડિક્કલ(2 રન) આઉટ થઇ ગયા. દેવદત્ત પડિક્કલનો કેચ મોહમ્મદ શમીએ ઝડપ્યો. 12 ઓવર બાદ સ્કોર-79/3. દેવદત્ત બાદ જોસ બટલર આઉટ થઇ ગયા છે. બટલરને હાર્દિક પંડ્યાએ વિકેટકીપર ઋદ્ધિમાન સાહાના હાથે કેચ આઉટ કરાવ્યો. 35 બોલ પર 39 રન બનાવીને પેવેલિનય ભેગા થયા છે. 100 રન પહેલા રાજસ્થાને 4 વિકેટ ગુમાવી છે. હાલ શિમરૉન હેટમાયર અને રવિચંદ્રન ક્રીઝ પર છે.
બટલરની શાનદાર બેટિંગ
11.2 ઓવરોમાં રાજસ્થાન રૉયલ્સનો સ્કૉર 2 વિકેટ પર 77 રન છે. જોસ બટલર 38 અને દેવદત્ત પડિક્કલ એક એક રન બનાવીને રમી રહ્યા છે.
ગુજરાતને મળી બીજી સફળતા
રાજસ્થાનની બીજી વિકેટ પડી ગઈ છે. સંજૂ સેમસનને હાર્દિક પંડ્યાએ આઉટ કરી દીધા છે. સંજૂ પુલ શૉટ રમવાના ચક્કરમાં સાઈ કિશોરને કેચ આપી બેઠા. સૈમસને 14 રન બનાવ્યા. 9 ઓવરમાં ટીમનો સ્કોર 60/2. જોસ બટલર (23 રન) અને દેવદત્ત પડિક્કલ ક્રીઝ પર
રાજસ્થાનનો સ્કોર 50ને પાર
રાજસ્થાન રૉયલ્સના 50 રન પૂરા થઇ ચૂક્યા છે. જોસ બટલર 19 અને સંજૂ સેમસન 12 રન બનાવીને રમી રહ્યા છે. સાત ઓવર બાદ રાજસ્થાન - 54/1
ગુજરાતને મળી પહેલી સફળતા
રાજસ્થાન રૉયલ્સની પહેલી વિકેટ પડી છે. તાબડતોબ બેટિંગ કરી રહેલા યશસ્વી જાયસવાલ આઉટ થઇ ગયા છે. જાયસવાલને યશ દયાલે આર. સાઈ કિશોરના હાથે કેચ આઉટ કરાવ્યો. 22 રનોની ઇનિંગમાં જાયસવાલે 2 છગ્ગા અને 1 ચોગ્ગો લગાવ્યો. 4.2 ઓવરમાં રાજસ્થાન- 32/1
In the air & taken in the deep! ☝️
Yash Dayal gives @gujarat_titans their first breakthrough as @saik_99 completes the catch. 👏 👏#RR lose Yashasvi Jaiswal after a brisk start.
રાજસ્થાન રૉયલ્સના કેપ્ટન સંજૂ સેમસને ટૉસ જીતીને પહેલા બેટિંગ પસંદ કરી છે. રાજસ્થાનની ટીમે કોઈ ફેરફાર નથી કર્યો. ગુજરાતની ટીમમાં લૉકી ફર્ગ્યુસનને અલ્ઝારી જોસેફની જગ્યાએ મોકો આપ્યો છે.
સેરેમનીમાં રણવીર સિંહનો જોશ જોવા મળ્યો. સ્પિન બોલર આર.અશ્વિનને મળવા રાજસ્થાન રૉયલ્સના ડગઆઉટમાં પહોંચી ગયા છે. એઆર રહેમાને કહ્યું કે, એક સારી રમત છે. ભગવાન તમારા સૌનું ભલું કરે. જય હો. આ સાથે જ ક્લોઝિંગ સેરેમનીનું સમાપન થઇ ચૂક્યું છે.
ક્લોઝિંગ સેરેમનીમાં એઆર રહેમાને પોતાનું ફેમસ સોન્ગ માં તુજે સલામ... વંદે માતરમ ગાઇને માહોલને શાનદાર બનાવી દીધો છે. રહેમાનની સાથે મોહિત ચૌહાણ, નીતિ મોહન પણ પરફોર્મન્સ આપી રહ્યા છે. બાદમાં મુકાબલા મુકાબલા પર આ સ્ટાર્સ ડાન્સ પરફોમન્સ આપી રહ્યા છે.
આઈપીએલ 2022ની ક્લોઝિંગ સેરેમની શરૂ થઇ ચૂકી છે. બૉલીવુડ એક્ટર રણવીર સિંહનો શાનદાર શો ચાલી રહ્યો છે. તેઓ પરફોમન્સ કરી રહ્યા છે. ભાઇ ભાઇ સોંગથી આખુ સ્ટેડિયમ ઝૂમી ઉઠ્યું હતું. અક્ષય કુમારે કાર્યક્રમમાં હાજરી આપી.
બીસીસીઆઈ અધ્યક્ષ સૌરવ ગાંગુલી, જય શાહ અને બૃજેશ પટેલે દુનિયાની સૌથી મોટી આઈપીએલ જર્સીનું ઉદ્ધાટન કર્યું.
A 𝗚𝘂𝗶𝗻𝗻𝗲𝘀𝘀 𝗪𝗼𝗿𝗹𝗱 𝗥𝗲𝗰𝗼𝗿𝗱 to start #TATAIPL 2022 Final Proceedings. 🔝 #GTvRR
Presenting the 𝗪𝗼𝗿𝗹𝗱'𝘀 𝗟𝗮𝗿𝗴𝗲𝘀𝘁 𝗖𝗿𝗶𝗰𝗸𝗲𝘁 𝗝𝗲𝗿𝘀𝗲𝘆 At The 𝗪𝗼𝗿𝗹𝗱'𝘀 𝗟𝗮𝗿𝗴𝗲𝘀𝘁 𝗖𝗿𝗶𝗰𝗸𝗲𝘁 𝗦𝘁𝗮𝗱𝗶𝘂𝗺 - the Narendra Modi Stadium. @GCAMotera 👏 pic.twitter.com/yPd0FgK4gN
આઈપીએલ 2022નો ફાઇનલ મુકાબલો અન્ય મેચોની તુલનામાં અડધો કલાક મોડો રમાશે. આ મેચ 7:30ના બદલે 8:00 વાગ્યે શરૂ થશે, ત્યારે ટૉસ 7:30 વાગ્યે થશે. મેચ પહેલા ક્વોઝિંગ સેરેમનીનું આયોજન કરાયું છે.
ફાઇનલ પહેલા મોદી સ્ટેડિયમમાં ભવ્ય ક્લોઝિંગ સેરેમની
3 વાગ્યાથી પ્રેક્ષકોને સ્ટેડિયમમાં એન્ટ્રી આપવાની શરૂ થઇ ચૂકી છે. આ મેચમાં રણવીર સિંહ, AR રહેમાન પરફોર્મન્સ આપશે. ફાઇનલ પહેલા મોદી સ્ટેડિયમમાં ભવ્ય ક્લોઝિંગ સેરેમની યોજાવા જઇ રહી છે. ક્રિકેટ જગતની હસ્તીઓ- ICCના અધિકારીઓ હાજર રહેશે. તો નેતા, અભિનેતા, ક્રિક્રેટર્સ સહિત VVIP હાજર રહેશે. સ્ટેડિયમમાં RGB લાઈટ સહિત સાઉન્ડ સિસ્ટમની વ્યવસ્થા ઉભી કરાઇ છે. રંગારંગ કાર્યક્રમમાં ભારતીય ક્રિકેટની સફર સહિતના કાર્યક્રમો યોજાશે. સ્વતંત્રતાના 75 વર્ષની ઉજવણી માટે BCCI દ્વારા ખાસ કાર્યક્રમનું આયોજન કરાયું છે. છેલ્લી વખત આઈપીએલ 2018માં ક્લોઝિંગ સેરેમની યોજાઇ હતી. 2019માં પુલવામાં એટેક અને 2020-21માં કોરોના મહામારીને લઇને આ આયોજન ટાળી દેવામાં આવ્યું હતું.
હોમ ગ્રાઉન્ડ પર ફાઇનલ મુકાબલો રમશે ગુજરાત
આઈપીએલ 2022માં નવી ટીમ ગુજરાત ટાઇટન્સે શાનદાર પ્રદર્શન કર્યું છે. હાર્દિક પંડ્યાની કેપ્ટનશીપમાં ટીમે 14માંથી 10 મેચ જીતીને ફાઇનલમાં જગ્યા બનાવી છે. ગુજરાત ટાઇટન્સે ક્વોલિફાયર 1માં રાજસ્થાનને હરાવીને ફાઇનલમાં પ્રવેશ મેળવ્યો હતો. હવે ફાઇનલમાં પણ ગુજરાતનો સામનો રાજસ્થાન સાથે છે. ગુજરાત ફાઇનલ મુકાબલો પોતાના હોમ ગ્રાઉન્ટ એટલે કે અમદાવાદના નરેન્દ્ર મોદી સ્ટેડિયમમાં રમશે.
છઉ નૃત્યના કલાકાર પણ આપશે પરફોમન્સ
ક્લોઝિંગ સેરેમનીમાં ઝારખંડના છઉ નૃત્યના કલાકાર પણ પોતાનું પરફોમન્સ આપશે. પ્રભાત કુમાર મહતોના નેતૃત્વમાં 10 સભ્યોની છઉ નૃત્ય ટીમ પહેલા જ અમદાવાદ પહોંચી ગઇ હતી. આ ટીમ ભૂટાન, યૂએઈ અને ચીન સહિત કેટલાક દેશોમાં પોતાની કલાનું પ્રદર્શન કરી ચૂકી છે. પ્રભાત મહતોનું ગ્રુપ છઉ નૃત્યના સૌથી પ્રસિદ્ધ રૂપોમાંથી એક માનભૂમ છઉં રજૂ કરશે.
કોમેન્ટ્રી કરતા નજરે પડશે આમિરખાન
મિસ્ટર પરફેક્ટ આમિર ખાનનો ક્રિકેટ પ્રેમ જગજાહેર છે. તેમની ઑસ્કર નૉમિનેટેટ ફિલ્મ લગાનમાં નિભાવેલા તેમના પાત્રને કોઈ કેવી રીતે ભૂલી શકે, પરંતુ હવે આમિર ખાનનો આ પ્રેમ અલગ સ્તર પર પહોંચી ગયો છે. આઈપીએલ 2022ની ફાઇનલમાં આમિર ખાન હવે ક્રિકેટ કોમેન્ટ્રી પણ કરતા નજરે પડશે અને આ દરમિયાન નરેન્દ્ર મોદી સ્ટેડિયમમાં તેમની ફિલ્મ લાલ સિંહ ચઢ્ઢાનું ટ્રેલર પણ લોન્ચ થશે.
ગુજરાતની જીત થવાની ક્રિકેટ પ્રેમીઓને આશા
અમદાવાદના નરેન્દ્ર મોદી સ્ટેડિયમમાં આજે ગુજરાત ટાઈટન્સ અને રાજસ્થાન રોયલ્સ વચ્ચે ફાઈનલ મેચ રમાવાની છે, ત્યારે ક્રિકેટ પ્રેમીઓમાં ભારે ઉત્સાહ જોવા મળી રહ્યો છે. ફાઈનલ મેચને લઇ ક્રિકેટ પ્રેમીઓ અત્યારથી સ્ટેડિયમ પહોંચી ગયા છે. અહીં તેમણે ફાઈનલમાં ગુજરાત ટાઈટન્સની જીત થવાનો આશાવાદ વ્યક્ત કર્યો છે. ક્રિકેટપ્રેમી ટેટુ દોરાવી ગુજરાતની ટિમને સપોર્ટ કરતા નજરે પડી રહ્યા છે. ઉલ્લેખનીય છે કે, આજના મેચની દરેક ટિકિટનું વેચાણ થઇ ગયું છે. જેથી પોલીસે પણ સ્ટેડિયમમાં ચુસ્ત બંદોબસ્ત ગોઠવી દીધો છે.
6.25 શરૂ થશે ક્લોઝિંગ સેરેમની
આઈપીએલ 2022ની ક્લોઝિંગ સેરેમની સાંજે 6.25 વાગ્યે શરૂ થશે. સ્ટાર સ્પોર્ટ્સ નેટવર્કની ચેનલ્સ પર તમે તેને લાઇન નિહાળી શકો છો. ડિઝ્ની+હૉટ સ્ટાર એપ પર પણ તેનું લાઇવ સ્ટ્રીમિંગ જોઇ શકાશે.