ઈંડિયન પ્રીમિયર લીગ (IPL) માં હાલની સીઝન પર કોવિડ-19ની એન્ટ્રી થઈ છે. દિલ્હી કેપિટલ્સના ફિઝિયો પૈટ્રિક ફરહાર્ટ કોવિડ -19 પોઝિટિવ આવ્યા છે.
IPL માં કોરોનાની એન્ટ્રી થઈ
દિલ્હી કેપિટલ્સના ફિઝિયો કોવિડ પોઝિટવ
હાલમાં આઈસોલેશનમાં મોકલવામાં આવ્યા
ઈંડિયન પ્રીમિયર લીગ (IPL) માં હાલની સીઝન પર કોવિડ-19ની એન્ટ્રી થઈ છે. દિલ્હી કેપિટલ્સના ફિઝિયો પૈટ્રિક ફરહાર્ટ કોવિડ -19 પોઝિટિવ આવ્યા છે. આઈપીએલ તરફથી જાહેર કરવામાં આવેલી પ્રેસ નોટમાં આ અંગેની જાણકારી આપવામાં આવી છે. હાલમાં દિલ્હી કેપિટલ્સની મેડિકલ ટીમ ફરહાર્ટ પર નજર રાખી રહી છે.
IPL 2022: DC physio Patrick Farhart tests positive for COVID-19
આઈપીએલ દ્વારા જાહેર કરવામાં આવેલી પ્રેસ નોટમાં જણાવ્યું છે કે, દિલ્હી કેપિટલ્સના ફિઝિયો પૈટ્રિક ફરહાર્ટ કોવિડ પોઝિટિવ આવ્યા છે અને હાલમાં તે આઈસોલેશનમાં છે. હાલમાં દિલ્હી કેપિટલ્સની મેડિકલ ટીમ તેમની દેખરેખ રાખી રહી છે. હાલમાં તેઓ ટીમ સાથે ટ્રાવેલ કરશે નહીં અને ઓછામાં ઓછુ એક અઠવાડીયા સુધી કોરન્ટાઈન રહેશે. આ ઉપરાંત હજૂ સુધી આઈપીએલ 2022માં અન્ય કોઈ કેસ આવ્યો નથી.
આઈપીએલ પર કોરોનાનો ખતરો
અહીં ઉલ્લેખનીય છે કે, આઈપીએલ 2020ની આખી સીઝન ભારતમાં કોરોનાના વધતા ખતરાને કારણ યુએઈમાં રમાઈ હતી. જ્યારે આઈપીએલ 2021ની અડધી સિઝન કોરોના કેસોના કારણે સ્થગિત કરવી પડી હતી. આઈપીએલ 2021નો પ્રથમ ભાગ ભારતમાં રમાયો હતો. જ્યારે બીજો ભાગ યુએઈમાં આયોજીત કરવામાં આવ્યો હતો. હવે આઈપીએલ 2022 ફક્ત મુંબઈ અને પુણેમાં જ બાયો બબલ સાથે આયોજીત કરવામાં આવી રહી છે.