- દિલ્હી કેપિટલ્સના કેપ્ટન તરીકે રિષભ પંતની સારી કામગીરી
- જાણો, રિષભ પંતની લક્ઝૂરિયસ લાઈફ સ્ટાઈલ વિશે
- રિષભ પંત ઘણી લક્ઝરી ગાડીઓના માલિક
રિષભ પંતે કેપ્ટન તરીકે સારી જવાબદારી સંભાળી
બુધવારે રિષભ પંતની આગેવાનીવાળી દિલ્હી કેપિટલ્સની ટીમ કોલકત્તા નાઈટ રાઈડર્સ સાથે રમશે. આ ટીમે ગયા વર્ષે પણ મુંબઈ ઈન્ડિયન્સની સાથે ફાઈનલમાં જગ્યા બનાવી હતી. પરંતુ તે વખતે ટીમના કેપ્ટન શ્રેયસ ઐયર હતા. ઐયર ઈજાગ્રસ્ત થયા બાદ યુવા કેપ્ટન રિષભ પંતને ટીમનું સુકાન સોંપવામાં આવ્યું અને તેમણે કેપ્ટન તરીકે સારી જવાબદારી સંભાળી. તો આ ખેલાડી પોતાની રમત માટે નહીં, પરંતુ લક્ઝૂરિયસ લાઈફ સ્ટાઈલ માટે પણ ઓળખાય છે. બે કરોડની કારથી લઇને હરિદ્વારમાં લક્ઝુરિયસ ઘર સુધ સારી સુવિધાઓ છે. આવો તમને બતાવીએ છીએ આ ખેલાડીની મોંઘીદાટ જીવનશૈલી.
પંતની નેટવર્થમાં 40 ટકાનો વધારો
ભારતીય ટીમના યુવા વિકેટકીપર બેટ્સમેન રિષભ પંતે ખૂબ જ ઓછા સમયમાં પોતાનું નામ બનાવ્યું છે. જોકે, તેઓ આઈપીએલ 2021માં દિલ્હી કેપિટલ્સની કેપ્ટનશિપ સારી રીતે સંભાળી રહ્યાં છે. પોતાની સારી રમતની સાથે પંત પોતાની જીવનશૈલી માટે પણ ચર્ચામાં રહે છે. છેલ્લાં કેટલાંક વર્ષોમાં તેમની બ્રાન્ડ વેલ્યુ અને નેટવર્થમાં 40 ટકાનો વધારો થયો છે.
વાર્ષિક કમાણી લગભગ 15-20 કરોડ રૂપિયા
2021માં રિષભ પંતની કુલ સંપત્તિ 6.5 મિલિયન અમેરિકન ડોલર હોવાનું અનુમાન છે, જે લગભગ 47 કરોડ રૂપિયાની બરાબર છે. તેમની વાર્ષિક કમાણી લગભગ 15-20 કરોડ રૂપિયા છે. ગ્રેડ એનો ખેલાડી હોવાની સાથે રિષભ પંતને બીસીસીઆઈ તરફથી દર વર્ષે 5 કરોડ રૂપિયા પગાર આપવામાં આવે છે. આઈપીએલમાં તેમનો પગાર 15 કરોડ રૂપિયા છે. આ સિવાય તેમની કમાણીનું સાધન કેટલીક બ્રાન્ડનું પ્રમોશન પણ છે.
રિષભ પંત ઘણી લક્ઝરી ગાડીઓના માલિક
રિષભ પંતની પાસે ઉત્તરાખંડના હરિદ્વારમાં એક લક્ઝરી ડિઝાઈનર હાઉસ છે. આ સિવાય રિષભ પંતની પાસે દેશભરમાં ઘણી રિયલ-એસ્ટેટ સંપત્તિઓ છે. આલીશાન ઘર ઉપરાંત રિષભ પંત ઘણી લક્ઝરી ગાડીઓના માલિક પણ છે. તેમની પાસે 2 કરોડની કિંમતની Audi A8 છે. આ સાથે તેમના કાર કલેક્શનમાં 90 લાખની મર્સિડીઝ-બેન્જ જીએલસી, મર્સિડીઝ બેન્જ સી ક્લાસ અને ફોર્ડની કારો સામેલ છે.
રિષભ અંગત જીવનમાં ખૂબ રોમેન્ટિક
મહત્વનું છે કે, મેદાનમાં લાંબા-લાંબા ચોગ્ગા-છગ્ગા ફટકારનારા રિષભ પંત અંગત જીવનમાં પણ ખૂબ રોમેન્ટિક છે. તેમનુ નામ દિલ્હીની ગર્લ ઈશા નેગીની સાથે જોડાય છે. બંને 5 વર્ષથી એકબીજાને ડેટ કરી રહ્યાં હતા. જોકે, 2019માં તેમનો સંબંધ સાર્વજનિક થયો.
