INX મીડિયા કેસમાં આગોતરા જામીન ફગાવ્યા બાદ ધરપકડનો સામનો કરી રહેલા પૂર્વ કેન્દ્રીય મંત્રી પી. ચિદમ્બરમના બચાવમાં કોંગ્રેસ સામે આવી છે. પૂર્વ કોંગ્રેસ અધ્યક્ષ રાહુલ ગાંધી અને પાર્ટી મહાસચિવ પ્રિયંકા ગાંધીએ ચિદમ્બરમનું સમર્થન કરતા મોદી સરકાર પર હુમલો કર્યો છે.
રાહુલ ગાંધીએ આરોપ લગાવ્યો છે કે મોદી સરાકર ઇડી, સીબીઆઇ અને કેટલાક મીડિયા સમૂહો દ્વારા ચિદમ્બરમનું ચરિત્ર હનન કરી રહી છે. જ્યારે પ્રિયંકા ગાંધીએ કહ્યું કે કેન્દ્રની હકીકત બહાર લાવનાર ચિદમ્બરમથી સરકાર અસહજ છે.
પૂર્વ કેન્દ્રીય મંત્રી પી. ચિદમ્બરમની હાઇકોર્ટથી આગોતરા જામીન અરજી ફગાવ્યા બાદથી અન્ડરગ્રાઉન્ડ છે. સુપ્રીમ કોર્ટથી પણ તેમને અંતરિમ રાહત ન મળી શકી. ઇડી અને સીબીઆઇના અધિકારી તેમની સતત તપાસ કરી રહ્યા છે. ચિદમ્બરમને લઇને લુકઆઉટ નોટિસ પણ જાહેર કરી દેવામાં આવ્યું છે, જેથી તે હવે વિદેશ નહીં જઇ શકે.
આ સત્તાનો દુરપયોગ છે : રાહુલ ગાંધી
ચિદમ્બરમ પર સીબીઆઇ અને ઇડીના એક્શનથી કોંગ્રેસે મોદી સરકાર વિરુદ્ધ મોર્ચો ખોલી દીધો છે. રાહુલ ગાંધીએ ટ્વિટર પર મોદી સરકાર વિરુદ્ધ હુમલો કર્યો. રાહુલે લખ્યું, ' મોદી સરકાર ઇડી, સીબીઆઇ અને મીડિયાના એક સમૂહનો ઉપયોગ ચિદમ્બરમના ચરિત્ર હનન માટે કરી રહી છે. હું સત્તાના આ દુરપયોગની નિંદા કરું છું.'
Modi's Govt is using the ED, CBI & sections of a spineless media to character assassinate Mr Chidambaram.
I strongly condemn this disgraceful misuse of power.
આ પહેલા પ્રિયંકા ગાંધીએ કહ્યું હતું કે પાર્ટી ચિદમ્બરમની સાથે હમેંશા ઉભી રહી છે અને પરિણામોની ચિંતા કર્યા વિના હકીકત સાથે ઉભી રહેશે. પ્રિયંકા ગાંધીએ લખ્યું, 'યોગ્ય અને સન્માનિત રાજ્યસભા સભ્ય પી. ચિદમ્બરમે દાયકા સુધી દેશની સેવા કરી છે. જેમા નાણામંત્રી અને ગૃહ મંત્રી તરીકે કરવામાં આવેલી સેવા સામેલ છે. તે કોઇપણ ડર રાખ્યા વિના સત્તાની હકીકત રજૂ કરતા રહ્યા અને સરકારની અસફળતાઓ બહાર લાવતા રહ્યા છે. પરંતુ આ હકીકત કાયરોને અસહજ કરી રહી છે. તેથી શરમજનક તરીકે એમનો પીછો કરવામાં આવી રહ્યો છે. અમે તેમની સાથે છીએ અને સત્ય માટે લડતા રહીશું, પછી પરિણામ જે પણ આવે.'