તમારા કામનું / પોસ્ટ ઓફિસની માલામાલ સ્કીમ: માત્ર એક વખત રોકાણ કરો અને મેળવો ડબલ ફાયદો, જાણો પ્રોસેસ

• પોસ્ટ ઓફિસની 'કિસાન વિકાસ પત્ર' સ્કીમ
• 10 વર્ષમાં પૈસા ડબલ
• નફા સાથે મળશે સુરક્ષા

સૌ કોઇ પોતાના પૈસાને યોગ્ય અને સુરક્ષિત જગ્યાએ ઇન્વેસ્ટ કરી વધુ ફાયદો લેવા ઇચ્છતા હોય છે. જો તમે પણ મોટું રિસ્ક લઇ મોટું રિટર્ન મેળવવા ઇચ્છો છો તો મ્યુચ્યુલ ફંડ એક સારો વિકલ્પ છે પરંતુ જો તમે ઝીરો રિસ્કવાળુ રોકાણ કરવા ઇચ્છો છો તો પોસ્ટ ઓફિસ સેવિંગ સ્કીમ એક ઉત્તમ ઉદાહરણ છે. જો તમે પણ લોંગ ટર્મ ઇન્વેસ્ટમેંટ ઇચ્છો છો તો આ સુપરહિટ સ્કીમ વિશે જરૂરથી વાંચો.

શું છે કિસાન વિકાસ પત્ર સ્કીમ-
કિસાન વિકાસ પત્ર સ્કીમ ભારત સરકારની વન ટાઇમ ઇન્વેસ્ટમેન્ટ સ્કીમ છે જેના દ્વારા એક નિયત મુદતમાં તમારા પૈસા ડબલ થાય છે. કિસાન વિકાસ પત્ર દેશની તમામ પોસ્ટ ઓફિસ અને બેંકોમાં ઉપલબ્ધ છે. આ સ્કીમનો મેચ્યોરિટી પીરિયડ હાલમાં 124 મહિનાનો છે. જેમાં ઓછામાં ઓછા 1000 રૂપિયાનું રોકાણ કરવાનું હોય છે. આ સ્કીમ હેઠળ મહત્તમ રોકાણની કોઈ મર્યાદા નથી. કિસાન વિકાસ પત્રમાં સર્ટિફિકેટના રૂપમાં રોકાણ કરવામાં આવે છે. 1000 રૂપિયા, 5000 રૂપિયા, 10,000 રૂપિયા અને 50,000 રૂપિયા સુધીના સર્ટિફિકેટ છે. જેને ખરીદી શકાય છે. મહત્વનું છે કે પોસ્ટ ઓફિસ સ્કીમ્સ પર સરકારી ગેરેન્ટી મળે છે. એવામાં તેમાં રિસ્ક બિલકુન નથી. 

કઈ રીતે ખરીદીએ સર્ટિફિકેટ 
સિંગલ હોલ્ડર ટાઈપ સર્ટિફિકેટ: આ પોતાના માટે અથવા કોઈ નાબાલિક માટે ખરીદી શકાય છે. 
જોઈન્ટ A એકાઉન્ટ સર્ટિફિકેટ: આ બે વયસ્કોના જોઈન્ટ રૂપથી ઈશુ કરવામાં આવે છે. 
જોઈન્ટ B એકાઉન્ટ સર્ટિફિકેટ: આ બે વયસ્કોના જોઈન્ટ એકાઉન્ટ રૂપથી જાહેર કરવામાં આવે છે. બન્નેમાંથી કોઈ પણ એકને ચુકવણી કરવામાં આવે છે અથવા જીવિત હોય તેને.