તમારા કામનું / ISROની સાથે મળીને UIDAI લઈને આવ્યું છે ખાસ પોર્ટલ, મળશે થ્રી-ઇન વન સુવિધા, જાણો ડિટેલ્સ

• આ દિશામાં સતત કામ કરી રહ્યું છે UIDAI
• મળશે આસપાસના સેન્ટરની જાણકારી 
• ટોલ-ફ્રી નંબર ડાયલ કરી મેળવી શકો છો જાણકારી 

યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) એ લોકો માટે 'ઈઝ ઓફ લિવિંગ'ને વધારવા માટે તેના સતત પ્રયાસમાં, આધાર કેન્દ્રોને ભૂ-સ્થાનિક પ્રદર્શનની સુવિધા માટે એક પોર્ટલની શરૂઆત કરી છે. તેનું નામ છે- "ભુવન આધાર" ('Bhuvan Aadhaar' Portal)પોર્ટલ. 

#UIDAI in its continual efforts to enhance 'Ease of Living' for the resident introduces the 'Bhuvan Aadhaar' portal facilitating the Geo-Spatial display of Aadhaar centres.
To explore more please visit:https://t.co/TM0HQAFteK pic.twitter.com/yiQT0DRMY1

— Aadhaar (@UIDAI) July 15, 2022

આ વેબસાઈટ UIDAI દ્વારા નેશનલ રિમોટ સેન્સિંગ સેન્ટર (National Remote Sensing Centre : NRSC) અને ઈન્ડિયન સ્પેસ રિસર્ચ ઓર્ગેનાઈઝેશન (Indian Space Research Organisation : ISRO) સાથે મળીને શરૂ કર્યૂ છે. આ સાઇટ પર ત્રણ પ્રીમિયમ સુવિધાઓ ઉપલબ્ધ છે જે નીચે મુજબ છે:

• આધાર કેન્દ્રોનો જીયો-સ્પેશિયલ નજારો 
• નજીકના આધાર કેન્દ્રો માટે રૂટ નેવિગેશન 
• નજીકથી વિશ્લેષણ 

પોર્ટલ પર નજીકનું કેન્દ્ર કેવી રીતે તપાસવું?
ભુવન - આધાર સેવા કેન્દ્ર સાથે જોડાયેલા પોર્ટલ પર, તમે તમારા નજીકના આધાર સેવા કેન્દ્રને ખૂબ જ સરળતાથી શોધી શકશો. આ કામ આધાર કાર્ડ સેવા કેન્દ્રના નામ, તે વિસ્તારના પિન કોડ અને રાજ્ય વાર આધાર સેવા કેન્દ્ર દ્વારા કરવામાં આવશે. વેબસાઈટના હોમ પેજ પર તમને આ સર્ચ ઓપ્શન મળશે. તમે તમારા શહેર અથવા સ્થાન વગેરેનું નામ દાખલ કરીને પણ આધાર કાર્ડ શોધી શકશો.

આ છે સરળ પ્રક્રિયા 

• bhuvan.nrsc.gov.in પર જાઓ
• પછી સેન્ટર્સ નિયર બાય સેક્શનમાં નજીકની આધાર સેવા કેન્દ્રને સર્ચ કરો
• આ કામ આધાર સેવા કેન્દ્ર, પિન કોડ અથવા સ્ટેટ-વાઈઝ આધાર સેવા કેન્દ્રના ઓપ્શન દ્વારા કરી શકાય છે. 
• નામ લખીને સર્ચ કર્યા બાદ સાઈટ પર જાણકારી સામે આવશે.