આજે મહિલા દિવસે કિસાન આંદોલનની સાથે 50 હજાર મહિલાઓ એકઠી થશે અને પોતાના અધિકારોની માંગણી કરશે.
આંતરરાષ્ટ્રિય મહિલા દિવસની ઉજવણી
દિલ્હીમાં ટિકરી બોર્ડર પર એકઠી થશે 50 હજાર મહિલાઓ
સરકાર સમક્ષ કરશે અધિકારોની માંગણી
આંતરરાષ્ટ્રિય મહિલા દિવસે મહિલાઓની એકજુટતા અને સાચી તાકાત ટીકરી બોર્ડર પર દેખાશે. ખેડૂત સંઘર્ષને 3 મહિનાથી વધારે સમય વીતી ચૂક્યો છે. આ સમયે ખેડૂત આંદોલનમાં અનેક ઉતાર ચઢાવ જોવા મળી રહ્યા છે પરંતુ ટીકરી બોર્ડર પર ભારતીય કિસાન એકતા સતત સમાન તાકાતથી ખેડૂતોએ મોર્ચા પર અડગ છે. તેની સૌથી મોટી તાકાત છે કે આ મોર્ચાની સાથે હંમેશા સર્વાધિક મહિલાઓ ઊભી રહે છે. ભારતીય કિસાન એકતા ઉગરાહ મહિલા મોર્ચાના અધ્યક્ષ હરિંદર કૌર બિંદુએ કહ્યું કે આંતરરાષ્ટ્રિય મહિલા દિવસના અવસરે એકલા ટિકરી બોર્ડર પર જ વસંતી ચોલામાં લપેટાયેલી 50 હજાર મહિલાઓ જોવા મળશે.
આ મુદ્દા પર કરાશે ચર્ચા
આંતરરાષ્ટ્રિય મહિલા દિવસ પર મહિલાઓ પોતાના અધિકારોની માંગણી કરશે. દેશમાં મહિલાઓ પર અત્યાર સુધી થયેલા અને સતત ચાલી રહેલા અત્યાચારો પર વાત કરશે. સંઘર્ષના રસ્તા પર ચાસીને અત્યાર સુધી મહિલાઓએ શું કર્યું અને શું ખોવ્યું તેની પર પણ અહીં ચર્ચા કરાશે.
શું કહ્યું હરિદર કૌરે
તેઓએ કહ્યું કે પંજાબથી દિલ્હી નીકળેલા ખેડૂતોનું આંદોલન હવે જનઆંદોલન બની ચૂક્યું છે. તેની અંદર હવે એ વ્યક્તિનો ઉલ્લેખ થશે જેની પર અત્યાર સુધી અત્યાચાર કરાયા છે. તેને હકથી વંચિત રાખવામાં આવ્યા છે. તેઓને ખ્યાલ નથી કે કોઈ આ વાત દુનિયાને દેખાતી કેમ નથી પરંતુ એ સત્ય છે કે પહેલા દિવસથી હજારો મહિલાઓ ઉગરાહાંના મોર્ચાની સાથે જોડાયેલી છે જેના કારણે મોર્ચા નિરંતર સ્થિતિમાં છે. સોમવારે અહીં મહિલાઓ સરસોના પીળા ફૂલના રંગમાં રંગાયેલી વસંતી લિબાસમાં જોવા મળશે.
મહિલાઓને સમપ્રિત માએ રંગ દે બસંતી ચુન્નીયાં ગીત કરાયું તૈયાર
આંતરરાષ્ટ્રિય મહિલા દિવસના અવસરે મહિલા ખેડૂતોને સમર્પિત એક વિશેષ ગીત માએ રંગ જે બસંતી ચુન્નીયાં તૈયાર કરાયું છે તેના બોલ ખેડૂત સરબજોત સિંહે લખ્યા છે. રાગેશ્રી અને સ્મૃધિ શર્માની યુગલ જોડીએ તેને પોતાનો સૂર આપ્યો છે. તનવીર સિંગે આ ગીતને સંગીતબદ્ધ કર્યું છે અને અનુરાગ ખજૂરિયાએ ગિટાર વગાડી છે. જ્યારે કુંવરપ્રીત સિંહે તેને 3 મિનિટ 40 સેકંડના પ્રેમ ગીતનો વીડિયો બનાવ્યો છે. ખેડૂત આંદોલનને માટે હાલના સમયે બનાવાયેલો આ વીડિયો સોશ્યલ મીડિયા પ્લેટફોર્મ પર ખૂબ પસંદ કરાઈ રહ્યો છે.