IPLIN
 

Good News / ગુજરાતમાં જન્મ્યો દેશનો પહેલો 'ટેસ્ટટ્યુબ બેબી' પાડો, ખાસ બન્ની ભેંસ પર સોમનાથમાં સફળ પ્રયોગ

Team VTV 06:02 PM, 23 Oct 21
Follow us
Insemination of buffalo for the first time in India with IVF technique

મહિલાઓને ગર્ભ ધારણ માટે વપરાતી ટેકનોલોજીનો ભારતમા પહેલીવાર જાનવર પર પ્રયોગ કરવામાં આવ્યો જે સફળ રહ્યો છે.

  • ભારતમાં પહેલીવાર જન્મ્યો ટેસ્ટટ્યુબ પાડો 
  • સોમનાથનાં ધનેજ ગામમાં પાડાનો જન્મ 
  • વૈજ્ઞાનિકોએ કર્યો કમાલ, દુનિયાભરમાં થશે ચર્ચા 

મેડિકલ સાયન્સમાં રચાયો ઈતિહાસ 
ભારતમાં પહેલીવાર IVF એટલે કે કૃત્રિમ ગર્ભધાનની ટેકનિકથી ટેસ્ટટ્યુબ પાડાનો જન્મ થયો છે. બન્ની પ્રજાતિની ભેંસની આ પ્રજાતિનાં પાડાનાં જન્મની સાથે જ ભારતમા ટેકનોલોજીએ નવો ઈતિહાસ પણ રચી દીધો છે. 

ભારતમા પહેલીવાર IVFથી જન્મ્યો પાડો, પહેલીવાર જાનવર પર આ પ્રકારનો પ્રયોગ 
ગુજરાત રાજ્યના સોમનાથ જિલ્લાના ધનેજ ગામમાં સ્થિત વિનય વાળા નામક ખેડૂતની ભેંસે IVF થી પાડાને જન્મ આપતા દેશ વિદેશમાં તેના સમાચાર ફેલાયા છે. 

પીએમ મોદીએ બન્ની ભેંસોનો કર્યો હતો ઉલ્લેખ 
નોંધનીય છે કે ગયા વર્ષે ડિસેમ્બર મહિનામાં પીએમ મોદી કચ્છ આવ્યા ત્યારે બન્ની પ્રજાતિની વાત કરી હતી જેનાં બીજા જ દિવસે બન્ની ભેંસ દ્વારા IVF થી ભેંસનાં બચ્ચાંને જન્મ આપવા માટેની યોજના બનાવવામાં આવી હતી. 

મોદી સરકાર જાનવરોની પ્રજાતિ માટે સક્રિય 
સરકાર અને વૈજ્ઞાનિકોને ભેંસની IVF પ્રક્રિયામાં અપાર સંભાવનાઓ દેખાઈ રહી છે અને દેશમાં પશુધનમાં સુધારો લાવવા માટે સરકાર સતત પ્રયાસો કરી રહી છે ત્યારે ધનેજ ગામમાં બન્ની પ્રજાતિની ત્રણ ભેંસોને IVF માં ગર્ભાધાન માટે તૈયાર કરવામાં આવી અને તે બાદ ભ્રૂણ સ્થાપિત કરવામાં આવ્યા. જેમાંથી કુલ છ ગર્ભાધાન થયા હતા અને આખરે પહેલો IVF પાડો જન્મ્યો. આ દેશનો પહેલો એવો પાડો છે જે કૃત્રિમ ગર્ભાધાનની IVF ટેકનિકથી પેદા થયો હોય. 

શું છે આ IVF? 

વર્ષ 1978માં ઈંગ્લેન્ડમાં આ પ્રયોગ સૌથી પહેલા કરવામાં આવ્યો હતો, જ્યારે કોઈ મહિલા મા નથી બની શકતી ત્યારે કૃત્રિમ રીતે તેને ગર્ભ ધારણ કરાવવામાં આવે છે જેને ટેસ્ટ ટ્યુબ બેબી કહેવામાં આવે છે. પ્રયોગશાળામાં મહિલાના એગ્સ અને પુરુષના સ્પર્મ ભેગા કરવામાં આવે અને તે બાદ તે સંયોજન જ્યારે ભ્રૂણ બની જાય ત્યારે તેને ફરીથી ગર્ભાશયમાં મૂકી દેવામાં આવે છે. 

ભારતમા પહેલીવાર જાનવર પર આ પ્રયોગ કરવામાં આવ્યો છે. 

IVF calf of a Buffalo Banni Buffalo
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ