નવી દિલ્હીઃ કેન્દ્ર સરકારે સુપ્રીમ કોર્ટ કોલેજિયમની ભલામણ માનતા સિનિયર એડવોકેટ ઈન્દુ મલ્હોત્રાને જજ બનાવવાની મંજૂરી આપી દીધી છે. ઈન્દુ મલ્હોત્રા સુપ્રીમ કોર્ટમાં સીધા વકીલથી જજ બનનારા પહેલાં મહિલા હશે.
જો કે સુપ્રીમ કોર્ટમાં જસ્ટીસ આર. ભાનુમતી બાદ ઈન્દુ મલ્હોત્રા બીજા મહિલા જજ હશે. સુત્રોના જણાવ્યા અનુસાર કાયદામંત્રી રવિશંકર પ્રસાદ મુખ્ય ન્યાયાધીશ દીપક મિશ્રાને ઈન્દુ મલ્હોત્રાની નિમણૂક માટે સરકારના નિર્ણય વિશે પત્ર લખશે.
ઉલ્લેખનીય છે કે સુપ્રીમ કોર્ટમાં શરૂઆતના 39 વર્ષમાં કોઈ મહિલા જજ નહોતા. 1989માં ફાતિમા બીબીને સુપ્રીમ કોર્ટે જજ બનાવ્યા હતા. બાદમાં સુજાતા મનોહર જસ્ટીસ રૂમા પાલ જસ્ટીસ જ્ઞાન સુધા મિશ્રા અને જસ્ટીસ રજંના દેસાઈને સુપ્રીમ કોર્ટમાં જજ બનાવવામાં આવ્યા હતા.
એટલે કે આઝાદી બાદ અત્યાર સુધીમાં સુપ્રીમ કોર્ટના જજ બનનારા તેઓ છટ્ઠા મહિલા હશે. ઈન્દુ મલ્હોત્રા વકીલોના પરિવારમાંથી આવે છે અને તેમના પિતા પણ વરિષ્ઠ વકીલ હતા. તો તેમના ભાઈ અને બહેન પણ વકીલ છે.