- માત્ર બે વર્ષનો એક બાળક ચેન સ્મોકર બન્યો હતો
- 7 વર્ષ પહેલા સિગરેટ પીવાનું છોડ્યુ ત્યારે આખો ચહેરો બદલાયો હતો
- સિગરેટ પીવા ના મળે તો તે પોતાનું માથુ દીવાલ પર પછાડતો હતો
સિગરેટ પીવાની કુટેવ છોડ્યા બાદ હવે બાળક ઓળખાતો જ નથી
સિગરેટ પીવાની કુટેવ છોડ્યા બાદ હવે આ બાળક ઓળખાતો જ નથી. આખા વિશ્વમા આ બાળકની ચર્ચા થઇ રહી છે. ચેન સ્મોકિંગના કારણે અર્દીની સ્થિતિ એવી થઇ હતી કે જો તેને સિગરેટ પીવા ના મળે તો તે પોતાનું માથુ દીવાલ પર અથડાવતો હતો. વર્ષ 2010માં સિગરેટ પીતા ધૂમાડો ઉડાવતી તસ્વીર વિશ્વભરમાં ચર્ચાનો વિષય બની હતી. સિગરેટ છોડવાની કપરી પ્રક્રિયા બાદ પણ અર્દીએ તેને સફળતાપૂર્વક પૂર્ણ કર્યુ અને હવે તે ફળ અને શાકભાજી ખાય છે. જેને કારણે તેના શરીરમાં ક્રાંતિકારી ફેરફાર આવી ગયો છે.
સિગરેટ છોડવી મારા માટે ખૂબ મુશ્કેલ હતી: અર્દી
અર્દીએ વર્ષ 2017માં એક ચેનલને આપેલા ઈન્ટરવ્યુમાં કહ્યું હતુ, સિગરેટ છોડવી મારા માટે મુશ્કેલ હતી. જો હું સિગરેટ ના પીવુ તો મારા મોંઢાનો ટેસ્ટ ખરાબ થઇ જાય અને મારું માથુ ફરવા લાગતુ હતુ. હવે સિગરેટ છોડ્યા બાદ તેણે કહ્યું, હવે હું ખુશ છુ અને હું વધારે ઉત્સાહી થઇ ગયો છુ. મારું શરીર હવે સારી ફીલિંગ્સ અનુભવે છે. દુ:ખદ વાત એ હતી કે અર્દીના પોતાના પિતાએ માત્ર 18 મહિનાની ઉંમરે તેને પહેલી વખત સિગરેટ પીવડાવી હતી.
સિગરેટ નહોતી મળતી ત્યારે તે પોતાનું માથુ પછાડતો: અર્દીની માતા
ત્યારબાદ જ્યારે સિગરેટ નહોતી મળતી ત્યારે અર્દી પોતાનુ માથુ પછાડતો હતો. તો અર્દીની માતા ડિયાનેએ સરકારના આઈસીયુ નિષ્ણાંત પાસેથી મદદ માંગી. ડિયાનેએ જણાવ્યું કે જ્યારે અર્દીએ પહેલી વખત સિગરેટ છોડી તો તેણે પોતાનુ માથુ દીવાલ પર મારવાનુ શરૂ કરી દીધુ હતુ. તે પાગલ થઇ ગયો હતો. ત્યારબાદ મારે તેને સિગરેટ આપવી પડતી હતી. જોકે, હવે આવુ નથી. હું તેને સિગરેટ આપતી નથી અને તે સારી રીતે ભોજન જમે છે.
