પ્રથમ દિવસે મેડલ ન મળ્યો પણ ખેલાડીઓએ પ્રદર્શનથી ચાહકોના દિલ જીત્યા, અનહત કોમનવેલ્થ ગેમ્સમાં ભારતીય દળની સૌથી યુવા ખેલાડી
ભારતની સૌથી યુવા એથ્લિટ અનહત સિંઘે કરી કમાલ
પ્રથમ દિવસે મેડલ ન મળ્યો પણ ખેલાડીઓએ પ્રદર્શનથી ચાહકોના દિલ જીત્યા
અનહત કોમનવેલ્થ ગેમ્સમાં ભારતીય દળની સૌથી યુવા ખેલાડી
કોમનવેલ્થમાં પહેલી જ મેચમાં નોંધાવી શાનદાર જીત
બર્મિંગહામ કોમનવેલ્થ ગેમ્સના પહેલા દિવસે ભારતીય ખેલાડીઓ ભલે મેડલ જીતી શક્યા ન હોઇ પરંતુ તેઓએ પોતાના પ્રદર્શનથી ચાહકોના દિલ જીતી લીધા. તેમાંથી એક ભારતની 14 વર્ષની સ્ટાર સ્ક્વોશ ખેલાડી અનહત સિંહ. જેણે તેના કરતા મોટી ઉંમરના સ્પર્ધકને હરાવીને પોતાનું સ્થાન બનાવી સૌ કોઈને ચોંકાવી દીધા છે. અનહતે 64માં રાઉન્ડમાં શાનદાર રમત રમી સેન્ટ વિન્સેન્ટ અને ગ્રેનેડાઇન્સના ખેલાડી જેડા રોસ સામે શાનદાર જીત નોંધાવી. અનહતે 11-5 11-2 11-0થી મેચ જીતી હતી. આ જીત બાદ અનહત ભાવુક થઈ ગઈ હતી પરંતુ તે પછી તેણે પોતાની ખુશી વ્યક્ત કરી હતી અને બધાને શુભેચ્છા પાઠવી હતી.
અનહત કોમનવેલ્થ ગેમ્સમાં ભારતીય દળની સૌથી યુવા ખેલાડી
અનહત કોમનવેલ્થ ગેમ્સમાં ભારતીય દળની સૌથી યુવા ખેલાડી છે. સ્ક્વોશ સ્પર્ધામાં સિંગલ્સ ઉપરાંત અનહત મહિલા ડબલ્સમાં સુનૈના કુરુવિલા સાથે મેચ રમશે. અનહતની અવલા ભારત તરફથી સૌરવ ઘોષાલ અને દીપિકા પલ્લીકલ જેવા ખેલાડીઓ પણ સ્ક્વોશમાં ભાગ લઈ રહ્યા છે. દિલ્હીના રહેવાસી અનહત સિંહનો જન્મ 13 માર્ચ, 2008ના રોજ થયો હતો. તેમના પિતા ગુરશરણ સિંહ વ્યવસાયે વકીલ છે. જ્યારે તેની માતા તાની સિંહ ઇન્ટિરિયર ડિઝાઇનર છે. તેની મોટી બહેન અમીરા પણ અનહતના ઘરમાં સ્ક્વોશ રમે છે. અમીરા હાલમાં તેની સ્નાતકની ડિગ્રી મેળવ્યા બાદ હાર્વર્ડ યુનિવર્સિટીમાં અભ્યાસ કરી રહી છે. તે હાલમાં હાર્વર્ડ મહિલા ટીમ માટે સ્ક્વોશ રમે છે. અનહત હાલમાં દિલ્હીમાં નવમા ધોરણની વિદ્યાર્થીની છે.
પ્રથમ દિવસે મેડલ ન મળ્યો પણ ખેલાડીઓએ પ્રદર્શનથી ચાહકોના દિલ જીત્યા
કોમનવેલ્થ ગેમ્સના પ્રથમ દિવસે ભારતીય ખેલાડીઓ ધાકમાં હતા. ખાસ કરીને બેડમિન્ટનમાં ટીમે પાકિસ્તાન સામે 5-0થી જીત મેળવીને શાનદાર શરૂઆત કરી હતી. બેડમિન્ટનમાં ભારતે ટીમ અને સિંગલ્સની તમામ મેચોમાં પાકિસ્તાનના ખેલાડીઓને હરાવ્યા હતા. આ સાથે જ હોકીમાં ભારતે ઘાનાને હરાવી ધમાકેદાર શરૂઆત કરી હતી. હોકીમાં ભારતની મહિલા અને પુરૂષ બંને ટીમોએ જીત સાથે પોતાના અભિયાનની શરૂઆત કરી હતી. જોકે પ્રથમ વખત કોમનવેલ્થ ગેમ્સમાં ભાગ લઈ રહેલી ભારતીય મહિલા ક્રિકેટ ટીમ નિરાશ થઈ હતી અને T20 વર્લ્ડ ચેમ્પિયન ઓસ્ટ્રેલિયાના હાથે તેને હારનો સામનો કરવો પડ્યો હતો. આ બીજી વખત છે જ્યારે ક્રિકેટને કોમનવેલ્થ ગેમ્સમાં સામેલ કરવામાં આવ્યું છે.