USમાં ભારતીયોનો દબદબો / અમેરિકામાં ભારતીયોનો ડંકો : મેરીલેન્ડના લેફ્ટનન્ટ ગવર્નર બન્યા અરુણા મિલર, જાણો તેમના વિશે

• ભારતીય મૂળની અરુણા મિલરે અમેરિકામાં ઈતિહાસ રચ્યો 
• અરુણા મિલરે મેરીલેન્ડમાં લેફ્ટનન્ટ ગવર્નરનું પદ સંભાળ્યું 
• અરુણા મિલર મૂળ હૈદરાબાદમાં હોવાનું કહેવાય છે 

ભારતીય મૂળની અરુણા મિલરે અમેરિકામાં ઈતિહાસ રચી દીધો છે. વિગતો મુજબ મેરીલેન્ડમાં લેફ્ટનન્ટ ગવર્નરનું પદ સંભાળનાર તે પ્રથમ પ્રવાસી  બન્યા છે. મહત્વનું છે કે, લાખો અમેરિકનોએ 8 નવેમ્બરના રોજ ગવર્નર સેક્રેટરી ઓફ સ્ટેટ અને અન્ય ઓફિસો માટેની મુખ્ય રેસમાં પોતાનો મત આપ્યો.

USA | Aruna Miller, an Indian-American woman, to become the first immigrant to hold the office of Lieutenant Governor in Maryland

(Picture source: Twitter handle of Aruna Miller) pic.twitter.com/1jnKmyDKOT

— ANI (@ANI) November 9, 2022

શું કહ્યું અરુણા મિલરે ? 

અરુણા મિલરે બુધવારે સવારે એક ટ્વીટમાં કહ્યું, "કોઈ જગ્યા નથી પણ હું મતદારોની સાથે રહીશ! અમારો સમુદાય અમને આ અભિયાનમાં શ્રેષ્ઠ બનવા માટે પ્રેરણા આપે છે અને હું તમારી પ્રતિબદ્ધતા અને સમર્થન બદલ આભાર શબ્દોમાં વ્યક્ત પણ નાથી કરી શકતી." 

There’s no place I’d rather be than with voters! Our community has pushed us to be our best selves this campaign and I cannot even begin to put my gratitude into words for your commitment and support 🙌 pic.twitter.com/ptwNa7pyK0

— Aruna Miller (@arunamiller) November 8, 2022

કોણ છે કે અરુણા મિલર ? 

• 58 વર્ષીય ડેમોક્રેટના મૂળ હૈદરાબાદમાં હોવાનું કહેવાય છે અને જ્યારે તેણી 7 વર્ષની હતી ત્યારે ભારતમાંથી યુનાઇટેડ સ્ટેટ્સમાં સ્થળાંતર કર્યું હતું 
• સિવિલ એન્જિનિયરિંગની ડિગ્રી સાથે 1989માં મિઝોરી યુનિવર્સિટી ઓફ સાયન્સ એન્ડ ટેક્નોલોજીમાંથી સ્નાતક થયા અને મોન્ટગોમરી કાઉન્ટીમાં સ્થાનિક પરિવહન વિભાગમાં 25 વર્ષ સુધી કામ કર્યું
• 2010 થી 2018 સુધી તેમણે મેરીલેન્ડ હાઉસ ઓફ ડેલિગેટ્સમાં ડિસ્ટ્રિક્ટ 15નું પ્રતિનિધિત્વ કર્યું
• 2018માં મેરીલેન્ડના 6ઠ્ઠા કોંગ્રેશનલ ડિસ્ટ્રિક્ટમાં ચૂંટણી લડી અને આઠ ઉમેદવારોના ગીચ ક્ષેત્રમાં બીજા સ્થાને રહી
• અરુણાએ ડેવ મિલર સાથે લગ્ન કર્યા છે, જેની સાથે તેને ત્રણ પુત્રીઓ છે. તે હાલમાં મોન્ટગોમેરી કાઉન્ટીમાં રહે છે.

અમેરિકામાં ભારતીયોનો દબદબો 

રાજકીય નિષ્ણાતોએ સમાચાર એજન્સીઓને જણાવ્યું કે, ભારતીય-અમેરિકનો હાઉસ ઓફ રિપ્રેઝન્ટેટિવ માટે 100 ટકા સ્ટ્રાઈક રેટ ધરાવે છે. નિષ્ણાતોને ટાંકીને પીટીઆઈએ અહેવાલ આપ્યો કે, ચાર વર્તમાન પદાધિકારીઓ-અમી બેરા, રાજા કૃષ્ણમૂર્તિ, રો ખન્ના અને પ્રમિલા જયપાલ ફરીથી ચૂંટાય તેવી શક્યતા છે. જોકે આ ચારેય ડેમોક્રેટિક પાર્ટીના છે.