ગૌરવાન્વિત / ભારતની ડોક્યુમેન્ટરી 'ઓલ ધેટ બ્રિધ્સ' ને કાન્સ ફિલ્મ ફેસ્ટિવલમાં મળ્યું સન્માન, જીત્યો ગોલ્ડન આય એવોર્ડ

• ભારતનાં શોનક સેન્નની ઓલ ધેટ બ્રીધ્સને મળ્યો કાન્સ ફિલ્મ ફેસ્ટીવલમાં એવોર્ડ 
• લ'ઓઈલ ડી'ઓર એવોર્ડ મળ્યો આ ફિલ્મને 
• ભારતને સતત બીજી વાર કાન્સ ફિલ્મ ફેસ્ટીવલમાં મળ્યો એવોર્ડ 

ભારતનાં શોનક સેન્નની ઓલ ધેટ બ્રીધ્સને મળ્યો કાન્સ ફિલ્મ ફેસ્ટીવલમાં એવોર્ડ 

કાન્સ ફિલ્મ ફેસ્ટીવલ 2022નાં અંતમાં શોનક સેનની ઓલ ધેટ બ્રીધ્સે શનિવારે બેસ્ટ ડોક્યુમેન્ટરી માટે 2022 લ'ઓઈલ ડી'ઓર એવોર્ડ જીત્યો. ભારતે સતત બે કેટેગરીમાં એવોર્ડ જીત્યો છે. આ ડોક્યુમેન્ટરીને કાન્સમાં શરૂઆતથી જ પસંદ કરવામાં આવી હતી. ઓલ ધેટ બ્રીધ્સ દિલ્હીનાં બે ભાઈઓ નદીમ અને સઉદ વિષે છે, જે શહેરની બગડતી હવા અને બગડતા સામાજિક તાંતણાઓ વચ્ચે, માઈગ્રેન્ટ બ્લેક કાઈટ્સને બચાવવા માટે પોતાનું જીવન સમર્પિત કરી દે છે, જે વિષે કોઈ વિચારી પણ ન શકે. 

ડોક્યુમેન્ટરીને કાન્સ ફિલ્મ ફેસ્ટીવલની 'સ્પેશિયલ સ્ક્રીનીંગ લાઈન અપ' તરીકે સ્ક્રીન કરવામાં આવી. આ ડોક્યુમેન્ટરી આ વર્ષે ફિલ્મ ફેસ્ટીવલમાં એકમાત્ર ભારતીય એન્ટ્રી હતી. આ એવોર્ડની ઘોષણા અનુભવી પોલીશ ફિલ્મ નિર્માતા એગ્નીજ્કા હોલેન્ડની અધ્યક્ષતાવાળી જૂરીએ કરી હતી. તેમણે પ્રશસ્તિ પત્ર વાંચ્યો હતો. 

આ પત્રમાં લખ્યું હતું કે 2022 લ'ઓઈલ ડી'ઓર એક એવી ફિલ્મ માટે જાય છે, જે વિનાશની દુનિયામાં, આપણને યાદ અપાવે છે કે દરેક જીવનનું મુલ્ય છે, અને દરેક આનું એક્શન પણ મુલ્ય ધરાવે છે. તમે તમારો કેમેરો પકડી શકો છો, તમે પક્ષીને બચાવી શકો છો, તમે સુંદરટા બનાવવા માટે અમુક ક્ષણો ચોરી શકો છો, આ બધાનું મુલ્ય છે.

​​​​​​​ 

ભારતને સતત બીજી વાર મળ્યો એવોર્ડ 
પ્રશસ્તિ પત્રમાં લખ્યું હતું કે ઓલ ધેટ બ્રીધ્સને ત્રણ ડોન ક્વીજોટસનાં નિરીક્ષણમાં એક ઇન્સ્પિરેશનલ જર્નીનાં રૂપે જણાવવામાં આવી છે, જે આખી દુનિયાને નથી બચાવી શકતા પણ પોતાની દુનિયાને તો બચાવી શકે છે. કાન્સમાં એવોર્ડ જીતનાર શોનક સેન બીજા ભારતીય છે. આ પહેલા ગયા વર્ષે, પાયલ કાપડીયાની 'અ નાઈટ ઓફ નોઈંગ નથિંગ'ને લ'ઓઈલ ડી'ઓર મળ્યો હતો. આ ફીલ્મને સેમસન ડે ળા ક્રિટિકમાં બતાવવામાં આવી હતી. 

શોનક સેનને મળ્યું કેશ પ્રાઈઝ 
આ એવોર્ડની શ્રેણીમાં શોનક સેનને 5 હજાર યુરો એટલે કે લગભગ 4.16 લાખ રૂપિયાનું રોકડ પુરસ્કાર મળ્યું છે. શૌનક સેનની ડોક્યુમેન્ટ્રી 'ઓલ ધેટ બ્રીધ્સ' પક્ષીઓ, ખાસ કરીને કાળા ગરુડ પર દિલ્હીના પ્રદૂષણની અસર વિશે વાત કરે છે.