બિસ્કિટ બનાવનારી દેશની સૌથી મોટી કંપની પારલે પ્રોડ્કટ્સના કન્ઝમ્પશનમાં ઘટાડો થવાથી 8000-10000 લોકોની નોકરી જઇ શકે છે.
કંપનીના કેટેગરી હેડ અનુસાર, ''અમે 100 રૂપિયા પ્રતિ ગ્રામ કિલો અથવા તેનાથી ઓછી કિંમતવાળા બિસ્કિટ પર GST ઘટાડવાની માંગ કરી છે. જે સામાન્ય રીતે 5 રૂપિયા અથવા તેનાથી ઓછી કિંમતના પેકમાં વેચાય છે. જોકે સરકારે અમારી માંગ ના માની તો અમે અમારી ફેક્ટરીમાં કામ કરનારા 8000-10000 લોકોને નોકરીમાંથી છૂટા કરવા પડશે. વેચાણમાં ઘટાડો થવાથી અમને નુકસાન થઇ રહ્યુ છે.''
પારલેજી, મૈનેકો અને મૈરી બિસ્કિટ બનાવતી કંપની પારલેનુ વેચાણ 10000 કરોડ રૂપિયાથી વધારે હોય છે. 10 પ્લાન્ટ ઑપરેટ કરનારી કંપનીમાં એક લાખ કર્મચારીઓ કામ કરે છે આ સિવાય પારલે પાસે 125 થર્ડ પાર્ટી મેન્યુફેકચરિંગ ફેસિલિટી પણ ઓપરેટ કરે છે. પારલેનું અડધાથી વધુ વેચાણ ગ્રામીણ બજારોમાં થાય છે.
GST લાગૂ થતા પહેલા 100 રૂપિયા પ્રતિ કિલોની ઓછી કિંમતવાળા બિસ્કિટ પર 12% ટેક્સ લગાવવામાં આવે છે. કંપનીઓની આશા છે કે પ્રીમિયમ બિસ્કિટ મમાટે 12% અને સસ્તા બિસ્કિટ માટે GST રેટ 5% કરવામાં આવ્યો છે. જોકે, સરકારે 3 વર્ષ પછી જ્યારે GST લાગૂ કર્યો છે તો તમામ બિસ્કિટોને 18% સ્લેબમાં નાખવામાં આવ્યા છે. આજ કારણે કંપનીઓની કિંમતમાં વધારો કરવો પડ્યો છે, જેની અસર વેચાણ પર થઇ રહી છે. આ કારણે જ્યારે કંપનીએ 5% ભાવ વધાર્યો તો તેની અસર વેચાણ પર પડી અને વેચાણમાં ઘટાડો થયો.
અન્ય બ્રાન્ડ્સ પણ પરેશાન
પારલે સિવાય બિસ્કિટ અને ડેરી પ્રોડક્ટ બનાવનારી અગ્રણી કંપની બ્રિટાનિયાએ પણ થોડા દિવસો અગાઉ આવી ચિંતા વ્યક્ત કરી હતી. કંપનીના મેનેજિંગ ડાયરેક્ટરે કહ્યું કે ''વપરાશકારો બિસ્કિટનું પાંચ રૂપિયાનું પેકેટ ખરીદવાથી પણ અચકાઈ રહ્યાં છે. આ ઈકોનોમી માટે એક ગંભીર મુદ્દો છે.અમારી ગ્રોથ માત્ર 6% થઇ છે, જ્યારે માર્કેટ ગ્રોથ આ કરતા પણ ઓછી છે. ''કંપની બ્રિટાનિયાનો દર વર્ષનો નેટ પ્રોફિટ જૂન ક્વાર્ટરમાં 3.5% ઘટીને 249 કરોડ રૂપિયા રહ્યો હતો.
પારલેને કેટેગરી હેડ અનુસાર, ''માંગ ઘટવાને કારણે રિટેલર્સ પણ પ્રોડક્ટ્સ લેતા ખચકાતા જોવા મળ્યા છે. તેમણે જણાવ્યુ કે, બિસ્કિટ પર વધારે GST લાગૂ થતા ગ્રાહકોની ડિમાન્ડ ઘટી છે. સરકાર આ માટે કોઇ ભગલા ભરી નથી રહી જેથી સ્થિતિ વધારે બગડી છે. અમારા અનેક એવા બિસ્કિટ છે જે મધ્યમ અને ઓછી આવક ધરાવતા ગ્રાહકોને ધ્યાનમાં રાખીને બનાવવામાં આવ્યા છે. એ અમારા જેવી બ્રાન્ડના કોર કન્ઝ્યુમર છે. અમને આશા છે કે સરકાર ડિમાન્ડને પાટા પર લાવવા માટે ટેક્સ સ્લેબ ઘટાડશે.''