મહિલા ક્રિકેટ ટીમ / આને કે'વાય ખેલદિલી! અમ્પાયરે આઉટ ન આપી છતાં મેદાન છોડી ગઈ આ ભારતીય ખેલાડી

• ભારતીય મહિલા ડે-નાઈટ ટેસ્ટ મેચમાં બે ખેલાડીઓની અસરકારક કામગીરી
• સ્મૃતિ મંધાના અને પૂનમ રાઉતે ઓસ્ટ્રેલિયન બોલરોને પરેશાન કર્યા
• ટેસ્ટ મેચમાં સદી ફટકારનારી પ્રથમ ભારતીય મહિલા ક્રિકેટર

સ્મૃતિ માંધના અને પૂનમ રાઉતે ઓસ્ટ્રેલિયન બોલરોને પરેશાન કર્યા

મેચના બીજા દિવસે અત્યાર સુધી ભારતીય ઓપનર સ્મૃતિ માંધના અને પૂનમ રાઉતની કામગીરી સારી રહી. આ બંને ખેલાડીઓએ ઓસ્ટ્રેલિયન બોલરોને ખૂબ પરેશાન કર્યા હતા. સ્મૃતિ માંધનાએ બીજા દિવસની શરૂઆતમાં મળેલા જીવતદાનનો ફાયદો ઉઠાવ્યો. તેમજ ડે-નાઈટ ટેસ્ટ મેચમાં સદી ફટકારનારી ભારતની પહેલી મહિલા ક્રિકેટર બની.

પૂનમ ઓસ્ટ્રેલિયન બોલરોની સામે અડગ રહી

બીજી તરફ પૂનમ રાઉત ઓસ્ટ્રેલિયન બોલરોની સામે અડગ રહી હતી. તેમણે 165 બોલમાં 36 રન બનાવ્યાં. સ્મૃતિ માંધના આઉટ થયા બાદ પૂનમ થોડા સમય બાદ પેવેલિયન પરત ફરી. પૂનમ રાઉતની જાંબાઝ બેટીંગના વખાણ થઇ રહ્યાં છે. આ સાથે તેનો આઉટ થવાનો વીડિયો પણ  સોશિયલ મીડિયામાં ઝડપથી વાયરલ થઇ રહ્યો છે. પૂનમે આ મેચમાં રમતનું સારું ઉદાહરણ રજૂ કર્યુ છે, જેને જોઈને વિરોધી ટીમ, એમ્પાયર અને કોમેન્ટેટર પણ હેરાન થઇ ગયા છે.

વિકેટકીપરે કેચ પકડી લેતા પૂનમ આઉટ

ભારતની ઈનિંગની 81મી ઓવર હતી. સોફી મોલીન્યૂક્સની ઓવરમાં પૂનમ રાઉતે સ્ટ્રેચ કરી બોલને રમવાનો પ્રયત્ન કર્યો. પરંતુ વિકેટકીપર હીલીએ કેચ પકડી લેતા પૂનમ આઉટ થઇ હતી.