હાલમાં ફેબ્રુઆરી મહિનો ચાલી રહ્યો છે. ફેબ્રુઆરીને પ્રેમના મહિના તરીકે ઓળખવામાં આવે છે. ત્યારે ક્રિકેટની પીચ પર શાનદાર પ્રદર્શન કરનાર રોહિત શર્મા પ્રેમની પીચ પર પણ તેટલા જ આગળ છે. રોહિત શર્મા અને પત્ની ઋતિકાની જોડી તેમના ચાહકોમાં ખૂબ લોકપ્રિય છે ત્યારે તેમની લવસ્ટોરી પણ એટલી જ ખાસ છે. જે સ્ટેડીયમમાં બેટ પકડતા શીખ્યું તે જ સ્ટેડીયમ રોહિતે ઋતિકાને પ્રપોઝ કર્યું હતું.
યુવરાજ સિંહે રોહિત-ઋતિકાની કરાવી હતી મુલાકાત
ઋતિકા સજદેહ સ્પોર્ટસ એન્ડ ઈવેન્ટ મેનેજમેન્ટ કંપનીમાં મેનેજર રહી ચુક્યા છે
ઋતિકા સોહેલ ખાનની પત્ની સીમા સચદેહ ખાનનાં બહેન છે
ટીમ ઈન્ડિયાના હિટમેન રોહિત શર્માને પાંચ વર્ષ પહેલાં 2015માં ઋતીકા સજદેહ સાથે લગ્ન કર્યા હતા. કહેવામાં આવે છે કે બંનેએ છ વર્ષ સુધી એક બીજાને ડેટ કર્યા બાદ લગ્ન સંબંધમાં બંધાયા હતા. રોહિતની પત્ની સ્પોર્ટસ એન્ડ ઈવેન્ટ મેનેજમેન્ટ કંપનીમાં મેનેજર રહી ચુક્યા છે ત્યારથી જ બંને વચ્ચે મિત્રતા થઇ હતી.
ખૂબ ઓછા લોકોને ખબર છે કે ઋતિકા અને રોહિતની પ્રથમ મુલાકાત પૂર્વ ખેલાડી યુવરાજ સિંહે કરાવી હતી અને પહેલી જ મુલાકતમાં રોહિત ઋતિકાનો દીવાના થઇ ગયા હતા. બંને વચ્ચે પ્રેમ થયો અને રોહિતે અનોખા જ અંદાજમાં સ્ટેડીયમમાં પ્રપોઝ કર્યુ. આ તે જ સ્ટેડીયમ હતું જ્યાં રોહિતે બેટ પકડતા શીખ્યું હતું.
ઋતિકા ઘણીવાર પતિ સાથે પબ્લિક પ્લેસ પર દેખાય છે અને સોશિયલ મીડિયામાં પણ રોહિત-ઋતિકાની ખૂબ ચર્ચા રહે છે. વિરાટ-અનુષ્કાની જેમ જ રોહિત-ઋતિકા ખૂબ લોકપ્રિય કપલ છે.નોંધનીય છે કે ઋતિકા સોહેલ ખાનની પત્ની સીમા સચદેહ ખાનનાં બહેન છે. અવાર-નવાર ફેમિલી ફંકશનમાં તે બધા મળતાં રહે છે.