ક્રિકેટ / ઘર બેઠા વિરાટ કોહલી એન્ડ કંપની લઇ રહ્યા છે ભારતીય કોચ સાથે "ટ્યુશન"

આ વિશ્વવ્યાપી રોગચાળાના વધતા જતા કેસને કારણે 29 માર્ચથી શરૂ થયેલી ઈન્ડિયન પ્રીમિયર લીગ IPL ની 13 મી સીઝન પણ 15 એપ્રિલ સુધી મુલતવી રાખવામાં આવી છે. સાઉથ આફ્રિકા સામે રમાતી શ્રેણીને પણ રદ કરી દેવામાં આવી હતી. 

આવી સ્થિતિમાં જ્યારે ભારતીય ક્રિકેટરોએ કેટલાક સમય માટે ક્રિકેટથી દૂર રહેવાનું નક્કી કર્યું છે, ત્યારે ટીમ ઈન્ડિયાના કોચને તેમના 'ક્લાસ' લેવાની એક અનોખી રીત મળી ગઈ છે.

ફીલ્ડિંગ કોચ આર. શ્રીધરનો વીડિયો વાઈરલ થયો

 

 

 

 

View this post on Instagram

 

 

 

 

 

 

 

 

 

Stay indoors and stay fit. Our fielding coach @coach_rsridhar giving us major fitness goals from home 💪💪

A post shared by Team India (@indiancricketteam) on Mar 22, 2020 at 3:38am PDT

શ્રેણી દરમિયાન ભારતીય ખેલાડીઓ તેમની ફિટનેસ પર સખત મહેનત કરતા રહે છે. ભારતીય કેપ્ટન વિરાટ કોહલીને વિશ્વના સૌથી ફિટ ખેલાડીઓમાંથી એક માનવામાં આવે છે. હવે દરેક પોતપોતાના ઘરે છે ત્યારે ટીમ ઇન્ડિયાના ફીલ્ડિંગ કોચ આર. શ્રીધર વિશિષ્ટ રીતે ખેલાડીઓના ક્લાસ લઈ રહ્યા છે. ભારતીય ક્રિકેટ ટીમના ઓફિશ્યલ સોશ્યલ મીડિયા હેન્ડલ પરથી એક વીડિયો શેર કરવામાં આવ્યો છે જેમાં આર શ્રીધર ફિટનેસ ડ્રીલ કરતા જોવા મળી રહ્યા છે. શ્રીધરના વીડિયોના કેપ્શનમાં BCCIએ લખ્યું છે કે અમારા ફિલ્ડિંગ કોચ અમને ઘરેથી ફિટનેસ ટાર્ગેટ આપી રહ્યા છે.

મયંક અગ્રવાલ ઉગ્ર કસરત કરી રહ્યો છે

#TeamIndia opener @mayankcricket giving us fitness goals from home.#StayIndoorsStayFit pic.twitter.com/inD0g6oSzk

— BCCI (@BCCI) March 22, 2020

એટલું જ નહીં, ભારતીય ક્રિકેટ ટીમના ટેસ્ટ ઓપનર મયંક અગ્રવાલ પણ ફિટનેસ પ્રત્યે ખૂબ જાગૃત છે. આવી સ્થિતિમાં જયારે કોરોના વાયરસને કારણે જીમ પણ બંધ થઈ ગયા છે, ત્યારે મયંક અગ્રવાલે ઘરે જ વર્કઆઉટ સેશન શરૂ કર્યું છે. મયંક અગ્રવાલે તેની એક્સરસાઇઝ કરતી ઘણી તસવીરો સોશિયલ મીડિયા પર પોસ્ટ કરી છે. મયંક અગ્રવાલે તેની ટૂંકી ટેસ્ટ કારકિર્દીમાં એક મોટી છાપ ઉભી કરી છે.

ભારત-દક્ષિણ આફ્રિકાની વનડે સિરીઝ રદ કરવામાં આવી છે

ભારત અને દક્ષિણ આફ્રિકા વચ્ચે ત્રણ મેચની વનડે સિરીઝ પણ કોરોનાવાયરસને કારણે રદ કરવામાં આવી છે. શ્રેણીની પહેલી મેચ ધર્મશાળામાં યોજાવાની હતી, પરંતુ વરસાદને કારણે મેચ યોજાઇ શકી નહીં. તે પછી, બંને ટીમો બીજી વનડે મેચ માટે લખનૌ પહોંચી હતી, પરંતુ મેચના આગલા દિવસે બીસીસીઆઈએ શ્રેણી રદ કરવાનો નિર્ણય લીધો હતો.