સેલ્યુટ / ઈન્ડિયન આર્મીના શ્વાન એક્સલે દેશ માટે આપ્યું બલિદાન, અંતિમ શ્વાસ સુધી આતંકવાદીઓને હંફાવ્યા 

• જમ્મુ અને કાશ્મીરના બારામુલ્લામાં આતંકવાદીઓ દ્વારા સુરક્ષાદળો પર ગોળીબાર
• આતંકવાદીઓની ગોળીઓનો શિકાર બન્યો સુરક્ષા દળોના સ્નિફર ડોગ 'એક્સલ'
• ઈન્ડિયન આર્મીના શ્વાન એક્સલે દેશ માટે આપ્યું બલિદાન, આજે શહીદ એક્સલને શ્રદ્ધાંજલિ અપાશે 

શનિવારે જમ્મુ અને કાશ્મીરના બારામુલ્લામાં એક ઓપરેશન દરમ્યાન આતંકવાદીઓએ સુરક્ષા દળોના સ્નિફર ડોગ 'એક્સલ'ને પણ ગોળી મારી દીધી હતી. આતંકવાદીઓની ગોળીઓનો શિકાર બનેલા એક્સલ તેના છેલ્લા શ્વાસ સુધી દેશની સેવા કરતા રહ્યો પરંતુ અંતે શહીદ થઈ ગયો. એક્સલનો પોસ્ટમોર્ટમ રિપોર્ટ પણ સામે આવ્યો છે. જેમાં જણાવવામાં આવ્યું છે કે, એક્સલના શરીર પર દસથી વધુ ઉઝરડા હતા અને ફેમર ફ્રેક્ચર પણ હતું. એક્સેલ 29 રાષ્ટ્રીય રાઈફલ્સમાં તૈનાત હતો. રવિવારે શહીદ એક્સલને શ્રદ્ધાંજલિ આપવામાં આવશે.

જમ્મુ અને કાશ્મીરના બારામુલ્લામાં શનિવારે એક ઓપરેશન દરમ્યાન આતંકવાદીઓએ સુરક્ષાદળો પર ગોળીબાર કર્યો હતો. જોકે ઓપરેશન દરમ્યાન સુરક્ષા દળોના સ્નિફર ડોગ એક્સેલે ખૂબ જ મહત્વપૂર્ણ ભૂમિકા ભજવી હતી. એક્સલ જ્યારે તેમના ઠેકાણા તરફ આગળ વધી રહ્યો હતો ત્યારે આતંકવાદીઓએ તેને નિશાન બનાવ્યું હતું. ધરીને ઠેકાણા તરફ જતી જોઈને કેટલાક આતંકવાદીઓ તેમની પૂંછડી દબાવીને ભાગી ગયા હતા. તે જ સમયે કેટલાક આતંકવાદીઓએ જવાનો પર ફાયરિંગ શરૂ કરી દીધું હતું. આ દરમ્યાન એક્સલને ગોળી વાગતા તે શહીદ થયો હતો. 

Indian Army’s dog, Axel lost its life in action after being hit by a bullet in an op in J&K while being deployed with 29 RR today. Postmortem revealed more than 10 wounds and fracture of the femur. Wreath laying ceremony scheduled for tomorrow by Kilo Force commander. pic.twitter.com/iSxZTL0yGg

— ANI (@ANI) July 30, 2022

અથડામણમાં એક આતંકવાદી માર્યો ગયો 

સુરક્ષા દળો અને આતંકવાદીઓ સાથેની આ અથડામણમાં એક આતંકવાદી માર્યો ગયો હતો અને બે સુરક્ષાકર્મીઓ પણ ઘાયલ થયા હતા. એક પોલીસ અધિકારીએ જણાવ્યું કે, જિલ્લાના ક્રેરી વિસ્તારમાં વાનીગામ બાલા ખાતે આતંકવાદીઓની હાજરીની માહિતી મળ્યા બાદ સુરક્ષા દળોએ વિસ્તારને ઘેરી લીધો અને સર્ચ ઓપરેશન શરૂ કર્યું.આ દરમ્યાન આતંકવાદીઓએ સુરક્ષાદળો પર ગોળીબાર કર્યો. ત્યારબાદ સુરક્ષા જવાનોએ જવાબી કાર્યવાહી કરી અને એન્કાઉન્ટર શરૂ થયું. અથડામણમાં માર્યા ગયેલા આતંકવાદીની ઓળખ કરવાના પ્રયાસો ચાલુ છે.